Hosiya 3:4 - BIBELE Mahungu Lamanene

⁴ Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Xitsonga (Bibele)

⁴ Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Hosiya 3:4 Iomraidhean Croise

Genesa 31:19

Enkarhini wa kona Labani a a yile eku tsemeteni ka voya bya tinyimpfu ta yena, kutani Rahele n'wana wa yena a n'wi yivela swifaniso leswi vatliweke swa swikwembu.

Genesa 31:34

Rahele a a tekile swifaniso leswi vatliweke swa swikwembu a swi veka exitshan'wini lexi boheleriwaka ekameleni, kutani a tshama ehenhla ka swona. Labani ú fike a hangunuxa hinkwako entsongeni wa Rahele, kambe a nga swi kumanga.

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

2 SAMIELE 6:14

kutani a dzunisa HOSI Xikwembu hi ku cina hi matimba ya yena hinkwawo, a ambele nceka wa ntsembyani lowu vuriwaka “efodi”.

2 TIHOSI 23:24

Naswona, Yosiyasi a herisa lava vhumbhaka, ni lava hlahluvaka, ni swifaniso swa swikwembu swa ndyangu kumbe swa swikwembu swimbe, a herisa ni swilo swa manyala hinkwaswo leswi a swi vonaka etikweni ra Yuda ni le mutini wa Yerusalema, ku ri ku tiyisa marito ya Nawu lama tsariweke ebukwini leyi muprista Hilkiya a yi kumeke endlwini ya HOSI Xikwembu.

2 TIKRONIKA 15:2

kutani a huma emutini wa yena, a ya hlangana na Asa, a ku ka yena: “Wena Asa, na n'wina hinkwenu va ka Yuda ni va ka Benjamini, yingisani! HOSI Xikwembu xi ta tshama na n'wina, loko n'wina mi tshama na xona; loko mi xi lava hi mbilu, xona xi ta nkhensa ku tikomba eka n'wina. Kambe loko mi xi fularhela, na xona xi ta mi fularhela.

Eksoda 28:4

Swiambalo leswi va nga ta rhunga swona hi leswi: Xincekana xa le xifuveni, ni efodi, ni nguvu yo leha, ni hembe yo rhungeleriwa mavalavala, ni xihuku, ni vamba. Va fanele ku rhungela makwenu Aroni ni vana va yena va xinuna eswiambalo leswo hlawuleka, leswaku va ta va vaprista, va ndzi tirhela.

Eksoda 28:6

“Va ta rhunga efodi hi voya bya muhlovo wa nsuku, ni wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke, lowu rhungeleriweke swifaniso.

Swirilo 2:9

Timbanti ta Yerusalema ti dyiwile hi muhlwa ti wa, Xikwembu xi tshovelerile ni timhingu to goga ha tona. Mufumi wa tiko ni tindhuna ta yena va hangalakile va ya ematikweni man'wana, sweswi a ka ha ri na nawu. Hambi va ri vaprofeta va kona, HOSI Xikwembu a xa ha va kombi nchumu.

Ezekiele 19:14

Nsinya wa kona wu tshwile, ku tshwa marhavi ni mihandzu, ku nga ha sali ni rhavi ni rin'we ro vatla nhonga ya hosi ha rona! Leri i risimu ra xirilo, ra ha tirha na sweswi.

Ezekiele 20:32

“Mi pfa mi anakanya leswaku swi nga saseka loko mi fana ni vanhu va matiko man'wana hinkwawo, mi tiendlela swikwembu swa mintsandza ni maribye; kambe tivani leswaku mhaka yo tano yi nge pfuki yi endlekile!

Ezekiele 21:21

Hosi ya le Babilona yi yimile emahandzeni ya tindlela leti; yi le ku hlahluveni, yi lava ku tiva leswaku yi ta famba hi kwihi: Yi hoxa vuhlolotwana hi miseve, yi vutisa ha yona ku rhandza ka swikwembu swa yona, yi kambisisa ni swivindzi swa swifuwo swa magandzelo.

Ezekiele 21:31

Ndzi ta chululela vukari bya mina ehenhla ka n'wina; kutani ku hlundzuka ka mina ku ta pfurha kukota ndzilo. Ndzi ta mi nyiketa emavokweni ya vanhu va tihanyi, lava nga ni vutivi bya ku herisa vanhu.

Daniele 11:31

Masocha lama rhumiweke hi yena ma ta fika ma onha Tempele ni khokholo ra kona, ma sivela ni vaprista ku humesa magandzelo ya siku rin'wana ni rin'wana; kutani ma ta nghenisa xilo xa manyala eTempeleni, lexi onhetelaka hinkwaswo.

Daniele 12:11

Vanhu va ta siveriwa ku humesa magandzelo ya siku rin'wana ni rin'wana ku ringana masiku ya 1 290. Enkarhini wa kona, ku ta nghenisiwa eTempeleni xilo xa manyala lexi onhetelaka.

Daniele 9:27

Hi nkarhi wa malembe ya 7, mufumi loyi ú ta sindzisa lavo tala leswaku va tirhisana na yena; kutani loko ku hundzile malembe manharhu na hafu, ú ta sivela vanhu ku tlhava swifuwo swa magandzelo kumbe ku humesa nhlengo. Ú ta hatla a tirha swa yena swa manyala, a onhetela hinkwaswo; kambe ku herisiwa ka muonhi loyi, Xikwembu xi ku bohile khale, kutani ku ta n'wi wela hi xitshuketa.’ ”

Hosiya 13:10

Xana hosi leyi nga ta mi ponisa yi kwihi, ni varhangeri lava nga ta mi biyelela, va kwihi xana? Ndzi vula vona lava mi nga te: “Hi nyike hosi ni varhangeri!”

Hosiya 13:11

Ndzi mi nyikile tihosi hi ku hlundzuka, kutani ndzi tlhela ndzi ti susa, loko mi ndzi karihisile.

Hosiya 2:11

Ku tiphina ka yena hinkwako ndzi ta ku herisa, ndzi herisa ni minkhuvo ya yena hinkwayo: Ya ku tshama ka n'weti, ni ya Savata, ni yin'wana ya vukhongeri.

Levhitika 8:7

kutani a ambexa Aroni ehembe, a n'wi khama hi vamba, a n'wi ambexa ni nguvu leyo leha, a tlhandleka efodi ehenhla, a tlhela a n'wi khama hi vamba ra yona.

Zakariya 10:2

Swifaniso leswi vatliweke swa swikwembu, swona swa hemba; lava hlahluvaka va vona swivono leswi kanganyisaka, milorho leyi va yi lorhaka i mavunwa ntsena, ku khongotela ka vona a ku pfuni nchumu. Hikokwalaho Vaisraele va tsendzeleka kukota tinyimpfu, leti xanisekaka hi ku pfumala murisi.

Zakariya 13:2

HOSI Xikwembu xi vurisa sweswo xi ri: “Hi siku rero, ndzi ta susa mavito ya swikwembu swa hava etikweni, leswaku swi nga ha tsundzukiwi. Naswona ndzi ta hlongola lava tivulaka vaprofeta, va suka laha tikweni ni mimoya ya vona ya thyaka.

Luka 21:24

Va ta dlawa hi fumu, va ta yisiwa va ri mahlonga ematikweni hinkwawo; kutani muti wa Yerusalema wu ta kandziyeriwa hi vamatiko ku kondza loko minkarhi ya vona yi ta va yi herile.

Yohane 19:15

Vona va huwelela, va ku: “N'wi suse! N'wi suse! N'wi vambe!” Pilato a ku ka vona: “Xana ndzi ta vamba hosi ya n'wina ke?” Vaprista lavakulu va hlamula, va ku: “A hi na hosi loko a nga ri Khezari ntsena.”

Vaheveru 10:26

Loko hi dyoha ha vomu endzhaku ka loko hi nyikiwile ku tiva ntiyiso, a ka ha ri na mhamba yin'wana yo susa swidyoho,

Vaavanyisi 17:5

Wanuna loyi Mika a a ri ni xivandla xo khongelela eka xona, kutani a endla “efodi” na “titerafi”, a veka un'wana wa vana va yena leswaku a va muprista wa yena.

Vaavanyisi 18:14

Vavanuna lava a va yile va ya valanga muti wa Layixi, va byela vamakwavo va ku: “Xana ma swi tiva leswaku kwala tindlwini leti ku ni ‘efodi’, ni ‘titerafi’, xifaniso lexi vatliweke, ni lexi vumbiweke kunene, xana? N'wina vonani leswaku mi nga endla yini!”

Vaavanyisi 8:27

Kutani Gidiyoni a teka nsuku wa kona, a vumba xifaniso xa “efodi” ha wona, a ya xi veka le Ofira, wu nga muti wa ka vona. Kutani xifaniso lexi xi hundzuka ndhawu leyi Vaisraele hinkwavo a va ya endlela eka yona vunghwavava, xi va ntlhamu eka Gidiyoni ni va ka vona.

1 SAMIELE 14:3

(Muprista loyi a ambaleke nceka lowu vuriwaka “efodi”, a a ri Ahiya n'wana Ahituba; makwa wa tata wakwe a a ri Ikabodo n'wana Finiyasi n'wana Heli, muprista wa HOSI Xikwembu eXilo.) A ku vanga na un'we la tiveke leswaku Yonatani ú fambile.

1 SAMIELE 15:23

hikuva ku tiarisa i xidyoho lexi fanaka ni ku hlahluva, kutani ku ala ku yingisa swi bihile ku fana ni vungoma ni vukhongeri bya hava. Leswi u tshikeke rito ra HOSI Xikwembu, na xona xi ta ku tshika, xi ku tekela vuhosi.”

1 SAMIELE 2:18

Mufana Samiele a a tirhela HOSI Xikwembu a ambele nceka wa vaprista wa ntsembyani, lowu vuriwaka “efodi”.

1 SAMIELE 21:9

Kutani muprista a hlamula a ku: “Laha ku ni banga ra Goliyadi, Mufilista loyi u nga n'wi dlaya eka Nkova-wa-Nkuhlu, ri le ndzhaku ka swiambalo swa vaprista, ri phutseriwile hi nceka; loko u ri lava ri teke, hikuva a ku na rin'wana kwala, hi rona ntsena.” Kwalaho Davhida a ku: “Ndzi nyikete rona, hikuva ku hava leri fanaka na rona.”

1 SAMIELE 22:18

Hiloko hosi Sawulo a lerisa Dowege, a ku: “Yana wena, u ya juma vaprista u va dlaya!” Kutani Dowege lowa Muedomu a ya juma vaprista; hi siku rero a dlaya vaprista vo ringana 85, lava a va ambarile nceka wa ntsembyani lowu vuriwaka “efodi”.

1 SAMIELE 23:6

Loko Abiyatara n'wana Ahimeleke a baleka ku ya hlangana na Davhida eKeyila, a a rhelerile a khomile nkwama wa vuhlolotwana lowu vuriwaka “efodi”.

1 SAMIELE 23:9

Davhida a a swi tiva leswaku Sawulo ú le ku lukeni ka mano layo biha yo lwa na yena, kutani a byela muprista Abiyatara a ku: “Tisa nkwama wa ‘efodi’ haleno.”

1 SAMIELE 30:7

Kutani Davhida a byela muprista Abiyatara n'wana Ahimeleke, a ku: “Ndzi tisele nkwama wa ‘efodi’!” Kutani Abiyatara a yi yisa eka Davhida.