Hosiya 10:1 - BIBELE Mahungu Lamanene

¹ Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Xitsonga (Bibele)

¹ Israele i vhinya leyi kuleke ngopfu; mihandzu ya yona yi n'wi ringanile. Mihandzu ya yena loko yi ri karhi yi engeteleka, hilaha a engetaka ku aka tialitari; hikuva hilaha tiko ra yena ri nga riki rinene, hi kona a engetaka ku bombisa swifaniso.

Hosiya 10:1 Iomraidhean Croise

1 TIHOSI 14:23

Na vona va lulamisa switsunga leswo hlawuleka, va yimisa maribye ya vugandzeri bya hava ni timhandze ta Axera xikwembukazi, eswintshabyaneni hinkwaswo ni le ndzhutini wa murhi wun'wana ni wun'wana lowu tlhumeke.

Yeremiya 11:13

Xikwembu xi ri: “We tiko ra Yuda, swikwembu swa wena swi tele ku ringana ni miti ya wena; na tona tialitari ta wena ti tele ku ringana ni magondzo ya le Yerusalema. Tialitari ta kona ti khomisa tingana, hikuva u ti akele ku humesela swikwembu swa Baali emagandzelo lama hisiwaka.

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Yeremiya 2:28

Xana swi kwihi swikwembu swa n'wina leswi mi tiendleleke swona xana? Pfuxani swona, hi vona loko swi nga mi pfuna loko mi ri ekhombyeni! Swikwembu swa n'wina va ka Yuda i swinyingi, swi ringana ni miti ya n'wina hi ku tala.”

Hosiya 12:11

Loko ku ri ni manyala eGiliyadi, ndzi tiyisile, ma ta hela. Loko va tlhavela tinkuzi ta magandzelo eGiligala, tialitari ta vona ti ta mbundzumuxiwa, ti sala ti fana ni nhulu ya maribye emasin'wini.

Hosiya 12:8

Va ka Efrayimi va ri: “Hina hi fumile, rifuwo leri, hi tihlengeleterile rona hi hexe!” Kambe rifuwo ra vona hinkwaro ri nge swi koti ku siva nandzu lowu va wu endleke.

Hosiya 13:15

Hambi va nga tsaka ku fana ni mavele ya khava, moya wa le vuxeni wa HOSI Xikwembu wu ta hunga wu huma emananga; swihlovo swa vona swi ta phya, swinambyana swa vona swi ta oma; moya lowu wu ta herisa swilo swa vona hinkwaswo swa nkoka.

Hosiya 13:2

Ku dyoha ka vona ku ya ku nyanya: Va n'okisa silivhere ya vona, va tivumbela swikwembu swa swifaniso; swifaniso leswi, va swi endla hi vukheta, hinkwaswo swi vumbiwa hi lava tivaka maendlele ya kona. Kutani van'wana va vulavula ha vona, va ku: “Vanhu lava va nga eku humeseni ka gandzelo, va ntswontswa rhole!”

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Hosiya 2:10

Ndzi ta n'wi khomisa tingana emahlweni ka swigangu swa yena, loko ndzi n'wi khomile, ku hava loyi a nga ta n'wi lamulela.

Hosiya 2:8

“A a nga swi tivi leswaku hi mina ndzi nyikaka mavele, ni vhinyo ni mafurha; ndzi n'wi nyikile ni silivhere leyo tala ni nsuku, swi nga leswi va gandzelaka Baali ha swona.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Hosiya 4:7

Ku andza ka vaprista, ku andzisa ni swidyoho swa vona eka mina; hikokwalaho, ku dzuneka ka vona, ndzi ta ku hundzula tingana.

Hosiya 8:11

Va ka Efrayimi va akile tialitari leto tala, va lava ku susa swidyoho, kambe ti hundzukile tialitari leti ti va dyohisaka.

Hosiya 8:4

Va tivekerile tihosi, kambe a hi mina ndzi va byeleke, va tihlawulerile varhangeri, kambe mina a va ndzi vikelanga. Va tiendlerile swikwembu swa swifaniso hi silivhere ya vona ni nsuku wa vona, swi nga swilo leswi swi nga ta va dlayisa.

Levhitika 26:1

“Etikweni ra n'wina, mi nga tshuki mi tiendlela swikwembu swa hava, naswona mi nga tiyimiseli swifaniso swa swona, ni timhandze ta vugandzeri bya hava, kumbe ku sasekisa maribye mi gandzela wona. Hi mina HOSI, Xikwembu xa n'wina.

Nahume 2:2

HOSI Xikwembu xi pfuxeta ku dzuneka ka Yakobo, xi pfuxeta ni ku dzuneka ka Israele, hikuva vaonhi va onhile swa vona, va phatlulerile marhavi ya vona.

2 Vakorinto 5:16

Hikokwalaho, ku sukela sweswi a ha ha tivi munhu hi ku ya hi swa le handle; hambiloko hi tivile Kriste hi ku ya hi swa le handle, sweswi a ha ha n'wi tivi hi mukhuva wolowo.

Vafilipiya 2:21

Lavan'wana hinkwavo va chivirikela ntsena leswi nga swa vona, ku nga ri swa Yesu Kriste.