Hosiya 1:7 - BIBELE Mahungu Lamanene

⁷ Kambe vanhu va tiko ra Yuda vona, ndzi ta va tsetselela mina HOSI Xikwembu xa vona, ndzi va ponisa. A ndzi nga ha va ponisi hi swa tinyimpi swo fana ni vurha, kumbe fumu, kumbe tihanci, hambi va ri vagadi va tihanci.”

Xitsonga (Bibele)

⁷ Loko yi ri yindlu ya Yuda, ndzi ta yi tsetselela, ndzi yi ponisa ha Yehovha, Xikwembu xa yona, ndzi nga ka ndzi nga va ponisi hi miseve; ni tlhari, ni ku lwa, ni tihanci, ni vakhandziyi.”

Hosiya 1:7 Iomraidhean Croise

2 TIHOSI 19:29

“Leswi swi nga ta ku komba ku tiya ka marito lawa wena Hezekiya hi leswi: Nan'waka, ku ta dyiwa leswi timilelaka hi swoxe; haxawu ku ta dyiwa leswi hlukaka hunene; kambe loko lembe ra vunharhu ri ta va ri fikile, haxani mbewu, mi tshovela; byalani masimu ya vhinya, mi dya mihandzu ya kona!

2 TIHOSI 19:34

hikuva ndzi ta lwela muti lowu ndzi wu lamulela, hi ku rhandza ka mina ni hikwalaho ka nandza wa mina Davhida.’ ”

2 TIHOSI 19:35

Kutani, hi vusiku byebyo, ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

2 TIHOSI 6:18

Loko Vasiriya va rhelela ku ta khoma Elixa, muprofeta a khongela HOSI Xikwembu nakambe, a ku: “Ndza ku kombela HOSI, endla leswaku mahlo ya vanhu lava va matiko ma biwa hi riphume.” Hiloko hakunene Xikwembu xi hlamula xikhongelo xa Elixa, xi ba mahlo ya Vasiriya hi riphume.

Pisalema 33:16

Mufumi wa tiko a nga ponisiwi hi ku va ni mavuthu layo tala, ni nhenha a yi hluli hi mhaka ya matimba ya yona lamakulu.

Pisalema 44:7

Hi wena u hi poniseke emavokweni ya valala va hina, lava va hi vengaka, u va hlanganisa tinhloko.

Eksoda 14:13

Kutani Muxe a hlamula vanhu a ku: “Mi nga chavi nchumu, tiyisani timbilu, mi vona leswi HOSI Xikwembu xi nga ta swi endla namuntlha ku mi ponisa. Vaegipta lava mi va vonaka namuntlha, a mi nga ha va voni kambe ni siku ni rin'we.

Eksoda 14:30

Hi siku rero, HOSI Xikwembu xi ponisisa sweswo Vaisraele emavokweni ya Vaegipta, kutani Vaisraele va vona mintsumbu ya Vaegipta eribuweni ra lwandle.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Esaya 30:18

Hambiswiritano, HOSI Xikwembu xa ha mi languterile, xi lava ku mi komba tintswalo, xi tsakela ngopfu ku mi twela vusiwana, hikuva hi xona Xikwembu lexi endlaka leswo lulama; hinkwavo lava va xi tshembaka, va ta kuma minkateko.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Yeremiya 25:5

va mi tisela marito ya xona lama nge: ‘Hinkwenu hundzukani sweswi mi tshika mikhuva ya n'wina leyo homboloka, ni swiendlo swa n'wina leswo biha; kutani mi ta tshama hilaha ku nga heriki etikweni leri mina HOSI ndzi mi nyikeke rona, n'wina ni vatata wa n'wina ku sukela khale.

Yeremiya 25:6

Mi nga tshuki mi landzelela swikwembu swin'wana, ni ku swi tirhela mi nga swi tirheli; mi nga ndzi hlundzukisi mina HOSI hi ku tiendlela swikwembu sweswo, kutani na mina a ndzi nga mi endli nchumu xo biha!’ ”

Yeremiya 33:26

a ndzi ta tshika ni vatukulu va Yakobo na Davhida, ndzi nga veki un'wana wa ka Davhida a fuma yindlu ya Abrahama na Isaka na Yakobo. Kambe mina ndzi ta tlhela ndzi va katekisa, ndzi va twela vusiwana.”

Hosiya 1:8

Loko Gomere a lumurile Lo-Ruhama, a tika, a veleka n'wana wa mufana.

Hosiya 11:12

Va ka Efrayimi va ndzi rhendzerile hi mavunwa, vanhu va tiko ra Israele va ndzi rhendzerile hi vumbabva; kambe vanhu va Yuda vona va ha famba etindleleni ta Xikwembu, va ha tshembekile eka Lowo kwetsima.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

1 SAMIELE 17:47

Naswona vanhu lava hlengeletaneke laha, va ta swi tiva leswaku HOSI Xikwembu a xi kali xi lava banga kumbe tlhari ku lamulela tiko ra xona. HOSI Xikwembu xi ta mi nyiketa emavokweni ya hina, hikuva enyimpini leyi, xi yima na hina.”