Hosiya 1:11 - BIBELE Mahungu Lamanene

¹¹ Kutani vanhu va tiko ra Yuda ni va tiko ra Israele va ta hlengeletana, va tihlawulela murhangeri un'we; kutani va ta kula va ndlandlamuka, hikuva ri ta va lerikulu siku ra Yizriele.

Xitsonga (Bibele)

¹¹ Kutani vana va Yuda, ni vana va Israele va ta hlengeletana kun'we, kutani va ta tivekela hosi yin'we va huma etikweni; hikuva ri ta va lerikulu siku ra Yizriele.

Hosiya 1:11 Iomraidhean Croise

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

Yeremiya 30:21

Munhu loyi a nga ta va fuma, ú ta va un'wana wa va ka vona, hosi ya vona yi ta huma exikarhi ka vona; ndzi ta yi rhamba, yi tshinela kusuhi na mina, hikuva ehandle ka sweswo, mina HOSI ndzi ri, a ku na munhu loyi a nga ndzi tshinelelaka.

Yeremiya 30:3

hikuva nkarhi wa ta lowu ndzi nga ta tlhela ndzi katekisa vanhu va mina, va nga vona Vaisraele ni va ka Yuda. Ndzi ta va vuyisa etikweni leri ndzi ri nyikeke vatata wa vona, kutani va ta ri teka ri va ra vona; ndzi vula sweswo mina HOSI.”

Yeremiya 30:7

Nkarhi wa maxangu lamakulu wa ta, a ku si humelela wo fana na wona. I nkarhi wa ku xaniseka ka va ka Yakobo, kambe eku heteleleni va ta ponisiwa eka wona.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Yeremiya 32:37

Yingisani! Vanhu va wona ndzi ta va hlengeleta va huma ematikweni hinkwawo lawa ndzi va hangalaseke va ya eka wona, siku ndzi va hlundzukeleke ni ku va karihela; ndzi ta va vuyisa exivandleni lexi, ndzi va nyika ku tshamiseka eka xona.

Yeremiya 50:19

Vaisraele vona ndzi ta va vuyisa etikweni ra vona, tanihi tinyimpfu emadyelweni ya tona. Va ta dya leswi byariweke entshaveni ya Karmele, ni le Baxani; swakudya leswi humaka emagangeni ya Efrayimi, ni le Giliyadi, va ta swi dya va xurha.

Ezekiele 39:25

“Kambe sweswi mina HOSI N'wini wa hinkwaswo ndzi ri, ndzi ta tlhela ndzi katekisa va ka Yakobo hinkwavo, ndzi komba tintswalo ta mina eka vona Vaisraele, ndzi endlela ku lwela vito ra mina lero hlawuleka.

Hosiya 2:1

Hikokwalaho, loko mi vula vamakwenu va xinuna, mi ta ku: “Ami” (hileswaku: “Mi vanhu va Xikwembu”), kasi vamakwenu va xisati mi ta ku ka vona: “Ruhama” (hileswaku: “Xikwembu xi mi tsetselerile”).

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Varhoma 11:15

Hikuva loko ku cukumetiwa ka vona ku endlile leswaku misava yi vuyelelana ni Xikwembu, ku amukeriwa ka vona hi Xikwembu ku ta vula yini, loko ku nga ri ku hanya ka lava a va file, xana?