Eksoda 8:16 - BIBELE Mahungu Lamanene

¹⁶ Kutani HOSI Xikwembu xi ku ka Muxe: “Lerisa Aroni leswaku a tlakusa nhonga ya yena, a ba hansi leswaku ritshuri ri hundzuka tinhwala etikweni hinkwaro ra Egipta.”

Xitsonga (Bibele)

¹⁶ Kutani Yehovha a ku eka Muxe: “Byela Aroni, u ku: Tlakusa nhonga ya wena, u ba ntshuri wa misava, wu ta hundzuka tin'hwala etikweni hinkwaro ra Egipta.”

Eksoda 8:16 Iomraidhean Croise

Pisalema 105:31

Xi vulavula kunene, kutani ku humelela mabawa, ku landza tinhwala ti tata tiko hinkwaro.

Eksoda 4:23

kutani wena Faro, tshika n'wana loyi wa mina wa mativula a famba, a ya ndzi gandzela. Tiva leswaku loko u ala ku n'wi tshika, ndzi ta dlaya n'wana wa wena wa mativula.’ ”

Eksoda 5:1

Endzhaku ka swona, Muxe na Aroni va ya eka Faro, va fika va ku: “HOSI Xikwembu, xi nga Xikwembu xa Israele, xi vurisa sweswo xi ri: ‘Tshika vanhu va mina va famba, va ya endla nkhuvo emananga va ndzi tlangela.’ ”

Eksoda 8:15

Kambe loko Faro a kuma nkarhi wo hefemula, a tlhela a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 8:17

Kutani va endlisa sweswo: Aroni a tlakusa voko, a ba hansi hi nhonga, kutani ku huma tinhwala, ti pomela vanhu ni swifuwo swa vona, ritshuri hinkwaro ri hundzuka tinhwala, ematlhelweni hinkwawo ya tiko ra Egipta.

Eksoda 8:18

Kwalaho vangoma va ringeta ku vanga tinhwala hi migilo-gilo ya vona, kambe va tsandzeka. Tinhwala a ti tele ehenhla ka vanhu ni swifuwo.

Eksoda 8:5

Kutani HOSI Xikwembu xi ku ka Muxe: “Lerisa Aroni leswaku a teka nhonga ya yena hi voko, a yi tlakusela ehenhla ka milambu, ni le henhla ka tindlela ta mati, ni le henhla ka maqhivi, a vangela tiko ra Egipta khombo ra mintlambya.”