Eksoda 7:5 - BIBELE Mahungu Lamanene

⁵ Loko ndzi tirhisile matimba ya mina ehenhla ka tiko ra Egipta ku humesa vanhu va mina exikarhi ka rona, hi kona Vaegipta va nga ta tiva leswaku hi mina HOSI Xikwembu.”

Xitsonga (Bibele)

⁵ Kutani Vaegipta va ta tiva leswaku hi mina Yehovha loko ndzi tlakuse voko ra mina ehenhla ka Egipta, ndzi humese vana va Israele exikarhi ka vona.”

Eksoda 7:5 Iomraidhean Croise

Pisalema 138:7

Loko ndzi tikuma ndzi rhendzeriwe hi maxangu, wa ndzi biyelela we HOSI; ni loko valala va ndzi karihela, voko ra wena ra ndzi sirhelela ri ndzi lamulela.

Pisalema 9:16

HOSI yi titivisile, hi ku avanyisa ka yona loku lulameke: Lavo homboloka va phasiwile hi swiendlo swa vona vinyi.

Eksoda 10:2

kutani wena u ta rungulela vana va wena ni vatukulu va wena hilaha ndzi tlangeke hi Vaegipta hakona; u ta va hlayela ni swikombiso leswi ndzi swi humeseke exikarhi ka Vaegipta, kutani mi ta tiva leswaku hi mina HOSI Xikwembu.”

Eksoda 10:7

Hiloko malandza ya Faro ma ku ka yena: “Xana wanuna loyi ú ta hi vangela makhombo ku fikela rini xana? Pfumela leswaku ku famba vavanuna, va ya gandzela HOSI Xikwembu xa vona. Xana ni sweswi a wu si swi vona leswaku tiko ra Egipta ra lova, xana?”

Eksoda 14:18

Loko ndzi dzunisiwa hi mhaka ya Faro ni makalichi ya yena ni vagadi va tihanci ta yena, hi kona Vaegipta va nga ta swi tiva leswaku hi mina ndzi nga HOSI.”

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 18:8

Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona.

Eksoda 3:20

Hikokwalaho, ndzi ta tirhisa matimba ya mina, ndzi ba vanhu va Egipta hi swihlamariso hinkwaswo leswi ndzi nga ta swi endla exikarhi ka vona; endzhaku ka swona, hosi ya Egipta yi ta mi tshika mi famba.

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 7:17

Hikokwalaho HOSI Xikwembu xi vurisa sweswo xi ri, hi xona xi nga HOSI! U ta swi tiva hi mukhuva lowu: Mina Muxe ndzi ta ba mati ya nambu hi nhonga leyi ndzi nga yi khoma, kutani ma ta hundzuka ngati.

Eksoda 8:10

Kutani Faro a ku: “Mundzuku!” Muxe a ku: “Swi ta va hilaha u vulaka hakona, u ta tiva leswaku ku hava loyi a fanaka na HOSI Xikwembu xa hina.

Eksoda 8:19

Kutani vangoma va ku ka Faro: “Lowu i ntirho wa Xikwembu!” Kambe Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 8:22

Kambe hi siku ra kona, ndzi ta hlawula muganga wa le Goxeni, laha vanhu va mina va tshamaka kona; a ku nga vi na mabawa kona, u ta kala u swi tiva wena Faro leswaku hi mina ndzi nga HOSI laha misaveni.

Ezekiele 25:17

Hakunene ndzi ta va rihiseta, ndzi va ba ndza ha hlundzukile. Loko ndzi hetile sweswo, va ta tiva leswaku HOSI Xikwembu, hi mina!”

Ezekiele 28:22

u va byela leswaku mina HOSI N'wini wa hinkwaswo ndzi ni rito eka vona leri nge: “N'wina va le Sidoni, ndzi lwa na n'wina! Ndzi ta komba ku dzuneka ka mina exikarhi ka n'wina. Siku ndzi nga ta mi avanyisa, ni ku mi komba ku hlawuleka ka mina, mi ta tiva leswaku HOSI Xikwembu, hi mina.

Ezekiele 32:15

Siku ndzi nga ta hundzula tiko ra Egipta ri va mananga, ndzi susa hinkwaswo leswi nga ka rona, ndzi herisa ni vaaki va rona hinkwavo, vanhu va ta tiva leswaku HOSI Xikwembu, hi mina!

Ezekiele 36:23

Ndzi ta basisa vito ra mina lerikulu, hikuva mi ri sorisile exikarhi ka vamatiko; kambe loko ndzi ta va ndzi kombisile ku hlawuleka ka mina emahlweni ka vamatiko lava, va ta tiva leswaku HOSI Xikwembu, hi mina! Ndzi vula sweswo mina HOSI N'wini wa hinkwaswo.

Ezekiele 39:22

Ku sukela siku rero, Vaisraele va ta tiva leswaku hi mina ndzi nga HOSI, Xikwembu xa vona.

Ezekiele 39:7

“Ndzi ta twarisa vito ra mina lero hlawuleka, ri tiveka exikarhi ka Vaisraele vanhu va mina. A ndzi nga ha pfumeli leswaku va tlhela va ri nyamisa; kutani vamatiko va ta tiva leswaku HOSI Xikwembu Muhlawuleki wa Israele, hi mina!