Eksoda 7:4 - BIBELE Mahungu Lamanene

⁴ Faro a nga ka a nga mi yingisi; kwalaho ndzi ta tirhisa matimba ya mina ehenhla ka tiko ra Egipta, ndzi humesa mintshungu ya mina, va nga vanhu va mina va Israele, etikweni ra Egipta, hi ku avanyisa loku hlamarisaka.

Xitsonga (Bibele)

⁴ Kambe Faro a nga ka a nga mi yingisi, kutani ndzi ta tlakusa voko ra mina henhla ka Egipta, ndzi humesa etikweni leri mavandla ya mina ri nga tiko ra mina, vana va Israele, hi ku avanyisa lokukulu.

Eksoda 7:4 Iomraidhean Croise

Eksoda 10:1

Kutani HOSI Xikwembu xi ku ka Muxe: “Yana u ya nghena emutini wa Faro. Ndzi nonon'hwisile mbilu ya yena ni timbilu ta malandza ya yena, leswaku ndzi ta humesa swikombiso swa mina exikarhi ka vona,

Eksoda 11:9

HOSI Xikwembu a xi byerile Muxe xi ku: “Ku endlela leswaku swihlamariso swa mina swi andza etikweni ra Egipta, Faro a nga ka a nga ku yingisi.”

Eksoda 12:51

Hi siku rorero ra nkhuvo, HOSI Xikwembu xi humesile Vaisraele etikweni ra Egipta, hi mintshungu ya vona.

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Eksoda 13:9

Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Eksoda 18:8

Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona.

Eksoda 3:19

Kambe ndza swi tiva leswaku, handle ka loko yi nga lo sindzisiwa hi voko ra matimba, hosi ya Egipta yi nga ka yi nga mi tshiki mi famba.

Eksoda 3:20

Hikokwalaho, ndzi ta tirhisa matimba ya mina, ndzi ba vanhu va Egipta hi swihlamariso hinkwaswo leswi ndzi nga ta swi endla exikarhi ka vona; endzhaku ka swona, hosi ya Egipta yi ta mi tshika mi famba.

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Eksoda 6:26

Aroni na Muxe, hi vona lava Xikwembu xi nga va byela xi ku: “Humesani vanhu va Israele etikweni ra Egipta, hi mintshungu ya vona.”

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 7:13

Hambiswiritano, Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 7:16

U ta ku ka yena: ‘HOSI Xikwembu, xi nga Xikwembu xa Vaheveru, xi ndzi rhumile eka wena leswaku u tshika vanhu va xona va ya xi gandzela emananga, kambe wena ku fika ni sweswi a wu si yingisa.

Eksoda 8:15

Kambe loko Faro a kuma nkarhi wo hefemula, a tlhela a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 8:19

Kutani vangoma va ku ka Faro: “Lowu i ntirho wa Xikwembu!” Kambe Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 9:12

Kambe HOSI Xikwembu xi nonon'hwisa mbilu ya Faro, a nga yingisi Muxe na Aroni, tanihilaha a xi byerile Muxe hakona.

Eksoda 9:3

mina HOSI Xikwembu ndzi ta ba swifuwo swa wena leswi nga madyelweni, hi xirha lexo chavisa swinene lexi nga ta wela tihanci, ni timbhongolo, ni tikamela, ni tihomu, ni tinyimpfu ni timbuti.

Swivuriso 19:29

Vasandzi va yimeriwile hi ku avanyisiwa, swiphunta swi nge poni, swi ta biwa.

Esaya 26:9

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

Swirilo 3:3

Hakunene, siku rin'wana ni rin'wana ú tshamela ku ndzi ba.

Ezekiele 14:21

HOSI N'wini wa hinkwaswo ú vurisa sweswo ú ri: “Hakunene ndzi ta ba muti wa Yerusalema hi swilo swa mune, ku nga matlhari ni tindlala ni swiharhi ni mintungu; swilo leswi swi ta dlaya vanhu ni swifuwo.

Ezekiele 25:11

Va le Mowabu ndzi ta va avanyisa kutani va ta tiva leswaku HOSI Xikwembu, hi mina!”

Ezekiele 30:14

Ndzi ta ri hundzula mananga ematlhelweni ya le Patroso, ndzi hisa muti wa Sowani, ndzi ba ni muti wa Teba;

Ezekiele 30:19

Loko ndzi ta va ndzi bile Vaegipta hi mukhuva lowu, va ta tiva leswaku HOSI Xikwembu, hi mina!”

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

Nhlavutelo 16:7

Kutani ndzi twa rito ri huma hi le alitarini ri ku: “Ina, we Hosi Xikwembu xa matimba hinkwawo, ku avanyisa ka wena ka tshembeka, ku lulamile.”

Nhlavutelo 19:2

hikuva ku avanyisa ka xona ka tshembeka, ku lulamile minkarhi hinkwayo. Xi avanyisile muoswi lonkulu loyi a boriseke misava hi vuoswi bya yena, kutani xi rihiserile ngati ya malandza ya xona ehenhla ka yena.”

Vaavanyisi 2:15

Minkarhi hinkwayo loko Vaisraele va huma nyimpi, HOSI Xikwembu a xi va tshika va wela ekhombyeni, hilaha a xi va hlambanyerile hakona, kutani va xaniseka ngopfu.