Eksoda 7:3 - BIBELE Mahungu Lamanene

³ Kambe mina ndzi ta nonon'hwisa mbilu ya Faro, lero hambiloko ndzi andzisa swikombiso ni swihlamariso etikweni ra Egipta,

Xitsonga (Bibele)

³ Kambe mina ndzi ta nonon'hwisa mbilu ya Faro, ndzi va ndzi andzisa swikombiso ni masingita ya mina etikweni ra Egipta.

Eksoda 7:3 Iomraidhean Croise

Nehemiya 9:10

U endlile swikombiso ni swihlamariso, u ba Faro ni malandza ya yena hinkwawo ni vanhu va tiko ra yena hinkwavo, hikuva a wu swi tiva leswaku va vile ni tihanyi eka vatata wa hina. Hikokwalaho, ku sukela enkarhini wolowo ku ta fika sweswi, vito ra wena ra tiveka swinene.

Pisalema 135:9

N'wina Vaegipta, HOSI Xikwembu xi bile hosi ya n'wina Faro ni malandza ya yena hinkwawo, hi mahlori ni swihlamariso.

Pisalema 78:12

Xikwembu xi kombile vatata wa vona mintirho leyo hlamarisa, loko va ha ri erivaleni ra Sowani le Egipta.

Eksoda 11:10

Hakunene, hambileswi Muxe na Aroni va endleke swihlamariso leswi emahlweni ka Faro, HOSI Xikwembu xi nonon'hwisile mbilu ya yena, kutani a ala ku tshika vanhu va Israele va famba, va huma etikweni ra yena.

Eksoda 11:9

HOSI Xikwembu a xi byerile Muxe xi ku: “Ku endlela leswaku swihlamariso swa mina swi andza etikweni ra Egipta, Faro a nga ka a nga ku yingisi.”

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 3:20

Hikokwalaho, ndzi ta tirhisa matimba ya mina, ndzi ba vanhu va Egipta hi swihlamariso hinkwaswo leswi ndzi nga ta swi endla exikarhi ka vona; endzhaku ka swona, hosi ya Egipta yi ta mi tshika mi famba.

Eksoda 4:21

Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

Eksoda 4:29

Kavaloko Muxe na Aroni va ya va ya hlengeleta vakulukumba va Israele hinkwavo.

Eksoda 4:7

Kutani Xikwembu xi ku: “Tlhela u nghenisa xandla endzeni ka xiambalo.” Muxe a endla tano; loko a xi humesa, a vona leswaku xi tlhele xi va lexinene, xi fana ni miri hinkwawo.

Eksoda 7:13

Hambiswiritano, Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Eksoda 9:16

Kambe ndzi ku tshikile u hanya, xikongomelo xa kona ku ri ku ku komba matimba ya mina, leswaku vito ra mina ri ta twarisiwa emisaveni hinkwayo.

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?

Mikiya 7:15

Endla mahlori emahlweni ka hina, kukota eminkarhini leyi u humeke na hina etikweni ra Egipta.

Yohane 4:48

Kutani Yesu a ku ka yena: “Loko mi nga voni mahlori ni swihlamariso, a mi swi koti ku pfumela.”

Timhaka 2:22

“Vavanuna va Israele, yingisani marito lawa: Yesu wa Nazareta, a a ri wanuna loyi Xikwembu xi nga mi komba yena, hi mintirho ya matimba, ni swihlamariso, ni mahlori lawa xi ma endleke ha yena exikarhi ka n'wina, hilaha mi swi tivaka hakona na n'wina;

Timhaka 7:36

Hi yena Muxe loyi a nga va humesa, hi ku endla swihlamariso ni mahlori le Egipta, ni le Lwandle lero Tshwuka, ni le mananga, hi nkarhi lowu ringanaka malembe ya 40.

Varhoma 15:19

hi matimba ya mahlori ni swihlamariso, ni matimba ya Moya; hi mukhuva wolowo, ndzi haxile Mahungu Lamanene ya Kriste ematlhelweni hinkwawo, ku sukela le Yerusalema, ku ya fika le Iliriya;

Varhoma 9:18

Loko swi ri tano ke, Xikwembu xi tsetselela loyi xi rhandzaka ku n'wi tsetselela; kutani xi nonon'hwisa loyi xi rhandzaka ku n'wi nonon'hwisa.

Duteronoma 4:34

Ku hava xikwembu ni xin'we lexi nga tshama xi ringeta ku ya tihumesela vanhu va xona exikarhi ka rixaka rin'wana, hi ku tirhisa mintungu, ni swikombiso, ni mahlori, ni tinyimpi, hi ntamu lowukulu ni mintirho ya matimba leyi chavisaka ngopfu. I HOSI Xikwembu xa n'wina ntsena lexi endleke swilo leswi hinkwaswo etikweni ra Egipta, mi ri karhi mi swi vona.

Duteronoma 7:19

ku nga mintungu leyo chavisa leyi mi yi voneke, ni swikombiso ni mahlori, swi nga leswi HOSI Xikwembu xa n'wina xi mi humeseke ha swona le Egipta, hi ntamu wa xona lowukulu ni mintirho ya xona ya matimba; vanhu hinkwavo lava mi va chavaka, HOSI Xikwembu xa n'wina xi ta va herisa hi mukhuva wolowo.