Eksoda 7:2 - BIBELE Mahungu Lamanene

² Wena u ta vula hinkwaswo leswi ndzi nga ta ku lerisa swona, kutani makwenu Aroni yena ú ta byela Faro leswaku a tshika Vaisraele va huma etikweni ra yena.

Xitsonga (Bibele)

² U ta vula hinkwaswo leswi ndzi nga ta ku lerisa swona, yena Aroni makwenu u ta byela Faro leswaku a tshika vana va Israele va suka etikweni ra yena.

Eksoda 7:2 Iomraidhean Croise

1 TIHOSI 22:14

Mikaya a hlamula a ku: “Ndza tiyisa emahlweni ka HOSI Xikwembu lexi hanyaka, ndzi ri: Leswi HOSI Xikwembu xi nga ta ndzi tivisa swona, hi swona ntsena leswi ndzi nga ta swi vula.”

Eksoda 4:15

Wena u ta vulavula na yena, u n'wi byela leswi a fanelaka ku vula swona. Loko a ri mina, ndzi ta mi pfuna ku vulavula ha vumbirhi bya n'wina; naswona ndzi ta mi komba leswi mi nga ta endla swona.

Eksoda 4:16

Aroni ú ta vulavula ematshan'wini ya wena, a va nomo wa wena eka vanhu, kutani wena u ta fana ni Xikwembu eka Aroni.

Eksoda 5:1

Endzhaku ka swona, Muxe na Aroni va ya eka Faro, va fika va ku: “HOSI Xikwembu, xi nga Xikwembu xa Israele, xi vurisa sweswo xi ri: ‘Tshika vanhu va mina va famba, va ya endla nkhuvo emananga va ndzi tlangela.’ ”

Eksoda 6:29

xi te ka yena: “Hi mina HOSI Xikwembu; u ta byela Faro hosi ya Egipta hinkwaswo leswi ndzi ku lerisaka swona.”

Eksoda 7:6

Kutani Muxe na Aroni va endla hilaha HOSI Xikwembu xi va leriseke hakona.

Yeremiya 1:17

“Wena Yeremiya, tilulamise! Suka u yima, u ya va byela hinkwaswo leswi ndzi ku lerisaka swona. U nga va chavi, hikuva loko wo va chava, a ndzi nga ku pfuni.

Yeremiya 1:7

Kambe HOSI Xikwembu xi ku ka mina: “U nga vuli leswaku wa ha ri ntsongo, hikuva u ta ya eka vanhu hinkwavo lava ndzi nga ta ku rhuma eka vona, u ya va byela hinkwaswo leswi ndzi nga ta ku lerisa swona.

Ezekiele 3:10

A engeta a ku ka mina: “Rhiya ndleve we Ezekiele, u yingisa hinkwaswo leswi ndzi ku byelaka swona, u swi hlayisa embilwini ya wena.

Ezekiele 3:17

“Wena munhu, ndzi ku vekile ku va mulanguteri wa Vaisraele. Nkarhi wihi na wihi, u ta va tshinya hi vito ra mina, loko ndzi ta va ndzi vulavurile na wena.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Timhaka 20:27

hikuva a ndzi mi fihlelanga makungu ya Xikwembu kambe ndzi mi tivisile wona hinkwawo.

Duteronoma 4:2

Eka leswi ndzi mi lerisaka swona, mi nga engeteli nchumu, naswona mi nga hunguti nchumu; hlayisani swileriso swa HOSI Xikwembu xa n'wina, leswi ndzi mi lerisaka swona.