Eksoda 7:11 - BIBELE Mahungu Lamanene

¹¹ Kwalaho Faro a vitana tintlhari ni vangoma va tiko, kutani vaendli lava va mahlori va tiko ra Egipta na vona va endla swo fana ni swa Aroni, hi migilo-gilo ya vona.

Xitsonga (Bibele)

¹¹ Kambe Faro a vitana tintlhari ni vangoma; kutani na vona, hikuva a ti ri tintlhari ta Egipta, va endlisa sweswo hi vutlhari bya vona:

Eksoda 7:11 Iomraidhean Croise

Genesa 41:8

Nimixo hosi Faro a a karhateka emoyeni, kutani a rhuma vanhu va ya vitana vangoma hinkwavo va tiko ra Egipta ni tintlhari ta rona hinkwato. Loko Faro a va rungulerile norho wa yena, a ku vanga na un'we exikarhi ka vona loyi a koteke ku n'wi byela nhlamuselo ya kona.

Eksoda 7:12

Un'wana ni un'wana wa vona a hoxa nhonga ya yena ehansi, kutani yi hundzuka nyoka, kambe nhonga ya Aroni yi mitetela ta vona.

Eksoda 7:22

Kambe vangoma va tiko ra Egipta na vona va endlisa sweswo hi migilo-gilo ya vona; hikokwalaho Faro a ya emahlweni a tinonon'hwisa, a nga yingisi Muxe na Aroni, tani hilaha HOSI Xikwembu a xi vurile hakona.

Eksoda 8:18

Kwalaho vangoma va ringeta ku vanga tinhwala hi migilo-gilo ya vona, kambe va tsandzeka. Tinhwala a ti tele ehenhla ka vanhu ni swifuwo.

Eksoda 8:3

Nambu wu ta tala hi mintlambya, yi kondza yi huma yi ta emutini wa wena, ni le ndlwini ya wena, ni le masangwini ya wena, ni le tindlwini ta malandza ya wena, ni le ka vanhu va tiko ra wena, ni le swibyeni swa le xitangeni.

Eksoda 8:7

Kambe vangoma na vona va endlisa sweswo hi migilo-gilo ya vona, va vanga mintlambya etikweni ra Egipta.

Daniele 2:2

Kutani Nebukadnetsara a lerisa leswaku ku hlengeletiwa vangoma, ni vavhumbhi, ni vanyamusoro, ni Vakalediya, va ta entsindza ku ta n'wi hlamusela norho wa yena. Hiloko va ta va ta yima emahlweni ka yena.

Daniele 2:27

Daniele a hlamula a ku: “We hosi, ku hava ntlhari, kumbe muvhumbhi, kumbe mungoma, hambi a ri la tivaka tinyeleti, loyi a nga boxaka xihundla xa norho wa wena, hilaha u kombelaka hakona.

Daniele 4:6

Hiloko ndzi veka nawu lowu nge, tintlhari hinkwato ta Babilona, ti fanele ku ta eka mina, ti ta ndzi hlamusela leswi norho lowu wu vulaka swona.

Daniele 5:11

Laha tikweni ra wena ú kona munhu un'wana loyi a nga ni moya wa swikwembu leswo hlawuleka. Enkarhini wa hosi Nebukadnetsara tata wa wena, munhu loyi a a vekiwile ku va ndhuna ya vangoma ni vavhumbhi ni Vakalediya ni lava tivaka tinyeleti, hikuva ú kumeke a ri ni vutivi ni ku twisisa, ni vutlhari lebyi fanaka ni bya swikwembu.

Daniele 5:7

Kutani Belxatsara a huwelela vavhumbhi ni Vakalediya ni lava tivaka tinyeleti, a byela tintlhari leti ta Babilona, a ku: “Loyi a nga ta hlaya leswi tsariweke laha khumbini, a tlhela a ndzi hlamusela swona, ndzi ta n'wi ambexa xiambalo xa xivunguvungu, ndzi n'wi ambexa ni vuhlalu bya nsuku enhan'wini, kutani ndzi n'wi veka ku va ndhunankulu etikweni ra mina.”

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Vagalatiya 3:1

Yo! Vagalatiya, maphuphula ndzin'wina! Mi yengiwile hi mani xana, n'wina lava mi hlamuseriweke swinene ta ku vambiwa ka Yesu Kriste exihambanweni, onge hi loko swi humelerile mi ri karhi mi swi vona hi mahlo?

Vaefesa 4:14

Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

2 Vatesalonika 2:9

Loko munhu lowo homboloka a humelela hi matimba ya Sathana, ú ta vanga mahlori ya tinxaka-xaka, ni swikombiso swa vunwa, ni swihlamariso;

2 Timotiya 3:8

Vanhu lava va kaneta ntiyiso, ku fana na Yani na Yambri, lava nga kanetana na Muxe. I vanhu lava boleke miehleketo, i vapfumeri va nomo ntsena.

2 Timotiya 3:9

Kambe a va nga yi kule, hikuva vuphukuphuku bya vona byi ta humela erivaleni emahlweni ka vanhu hinkwavo, tanihi leswi swi nga endlisa swona eka vavanuna lavaya vambirhi.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

1 SAMIELE 6:2

Kutani Vafilista va vitana vaprista ni vangoma, va va vutisa va ku: “Xana hi nga endla yini hi Areka ya HOSI xana? Hi byeleni: Loko hi yi tlherisela ekaya ka yona, xana hi ta yi rhumela na yini xana?”