Eksoda 6:5 - BIBELE Mahungu Lamanene

⁵ Kutani sweswi ndzi twile ku konya ka Vaisraele lava endliweke mahlonga hi Vaegipta, ndzi tsundzukile ni ntwanano wa mina.

Xitsonga (Bibele)

⁵ Ndzi yingisile ku huwelela ka vana va Israele, hilaha Vaegipta va va endleke makhumbi hakona; kutani ndzi tsundzukile ntwanano wa mina.

Eksoda 6:5 Iomraidhean Croise

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

Genesa 9:15

ndzi ta tsundzuka ntwanano lowu nga kona exikarhi ka mina na n'wina ni swivumbiwa hinkwaswo swa tinxaka-xaka leswi hanyaka. Ku nga ka ku nga ha vi na mati ya ndhambi lama nga ta herisa swivumbiwa hinkwaswo.

Pisalema 105:8

Minkarhi hinkwayo xi hlayisa ntwanano wa xona, a xi rivali marito lawa xi ma vuleke, lama nga ta tirha malembe ya madzana-dzana.

Eksoda 2:23

Ku hundza malembe, kutani hosi ya le Egipta yi fa. Vanhu va Israele vona a va konya hikwalaho ka mintirho ya vona leyo tika, va rilela ku lamuleriwa, kutani xirilo xa vona xi ya fika etindleveni ta Xikwembu.

Eksoda 2:24

Loko Xikwembu xi twa ku konya ka vona, xi tsundzuka ntwanano wa xona na Abrahama, na Isaka, na Yakobo.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Eksoda 5:4

Kambe hosi ya Egipta yi ku: “Wena Muxe, na wena Aroni, hikwalaho ka yini mi tshikisa vanhu mintirho ya vona? Tlhelelani emintirhweni ya n'wina!”

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Luka 1:54

Ú lwerile Israele nandza wa yena, hi ku anakanya tintswalo ta yena,

Luka 1:72

A xi te, xi ta tsetselela vatata wa hina, ni ku anakanya ntwanano wa xona lowo hlawuleka;