Eksoda 6:2 - BIBELE Mahungu Lamanene

² Xikwembu xi ku ka Muxe: “Hi mina HOSI Xikwembu.

Xitsonga (Bibele)

² Xikwembu xi engeta xi vulavula na Muxe, xi ku eka yena: “Hi mina Yehovha.

Eksoda 6:2 Iomraidhean Croise

Genesa 15:7

Kutani HOSI Xikwembu xi ku ka Abrama: “Hi mina HOSI Xikwembu lexi xi ku humeseke emutini wa Uru etikweni ra Vakalediya, leswaku ndzi ta ku nyika tiko leri ri va ra wena.”

Eksoda 12:12

“Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Eksoda 14:18

Loko ndzi dzunisiwa hi mhaka ya Faro ni makalichi ya yena ni vagadi va tihanci ta yena, hi kona Vaegipta va nga ta swi tiva leswaku hi mina ndzi nga HOSI.”

Eksoda 15:3

HOSI i nhenha hakunene, vito ra yona i HOSI Xikwembu.

Eksoda 17:1

Kutani ntshungu hinkwawo wa Vaisraele wu ya emahlweni ni riendzo, wu suka emananga ya Sina; va famba mpfhuka lowu a va pimeriwile wona hi siku, hilaha HOSI Xikwembu a xi lerisile hakona, ku kondza va ya gova eRefidimi, kambe kona a ku nga ri na mati yo nwa.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Eksoda 3:14

Kutani Xikwembu xi ku ka Muxe: “NDZI LOYI NDZI NGA YENA!” Xi engeta xi ku: “U ta ku ka vanhu va Israele: ‘La vuriwaka NDZI YENA, ú ndzi rhumile eka n'wina.’ ”

Eksoda 3:15

Xikwembu xi tlhela xi ku ka Muxe: “U ta byela vanhu va Israele, u ku: ‘HOSI, Xikwembu xa vatata wa n'wina, xi nga Xikwembu xa Abrahama, na Isaka, na Yakobo, xi ndzi rhumile eka n'wina.’ Leri hi rona vito ra mina hilaha ku nga heriki, kutani ndzi ta vitaniwa hi rona eka hinkwavo lava nga ta velekiwa.

Eksoda 6:29

xi te ka yena: “Hi mina HOSI Xikwembu; u ta byela Faro hosi ya Egipta hinkwaswo leswi ndzi ku lerisaka swona.”

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 6:8

Kutani ndzi ta mi yisa etikweni leri ndzi hlambanyeke leswaku ndzi ta ri nyika Abrahama, na Isaka, na Yakobo; ndzi ta mi nyika rona ri va ndzhaka ya n'wina. Hi mina HOSI Xikwembu!’ ”

Esaya 42:8

Mina, ndzi HOSI Xikwembu, hi rona vito ra mina, ku hava xikwembu xin'wana lexi ndzi nga xi nyikaka ku dzuneka ka mina; swifaniso leswi vatliweke swa swikwembu, ndzi nge swi nyiki ku twala ka mina.

Esaya 43:11

HOSI Xikwembu hi mina, ehandle ka mina, a ku na muponisi un'wana.

Esaya 43:15

Hi mina HOSI Xikwembu, Muhlawuleki wa n'wina, ndzi muvumbi ni mufumi wa n'wina Vaisraele.”

Esaya 44:6

HOSI Xikwembu mufumi wa Vaisraele ni muponisi wa vona, yona HOSI ya matimba hinkwawo, xi vurisa sweswo xi ri: “Hi mina loyi a a ri kona eku sunguleni, loyi a nga ta va kona hilaha ku nga heriki, ehandle ka mina a ku na xikwembu xin'wana.

Yeremiya 9:24

Loyi a lavaka ku tidzunisa, a a tidzunise hileswi a ndzi tivaka ni ku ndzi twisisa, hikuva laha misaveni mina HOSI ndzi tirha hi rirhandzu, ni ku lulama, ni ku tshembeka; mina HOSI ndzi ri, swilo leswi hi swona ndzi swi tsakelaka!”

Ezekiele 20:5

Va tivise leswaku mina HOSI N'wini wa hinkwaswo ndzi ni rito eka vona leri nge: Siku leri ndzi hlawuleke va ka Yakobo va nga vona Vaisraele, ndzi tikombile eka vona loko va ha ri etikweni ra Egipta, ndzi tlhela ndzi tiboha eka vona hi ku hlambanya leswaku ndzi ta va Xikwembu xa vona mina HOSI.

Malakiya 3:6

“Mina HOSI Xikwembu a ndzi hundzuki, kutani na n'wina ma ha ri va ka Yakobo hakunene.