Eksoda 5:2 - BIBELE Mahungu Lamanene

² Kutani Faro a ku: “HOSI Xikwembu i mani xana? Hikwalaho ka yini ndzi fanele ku n'wi yingisa, ndzi tshika Vaisraele va famba xana? HOSI Xikwembu, a ndzi n'wi tivi, naswona ndzi nga ka ndzi nga tshiki Vaisraele va famba.”

Xitsonga (Bibele)

² Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”

Eksoda 5:2 Iomraidhean Croise

2 TIHOSI 18:35

Exikarhi ka swikwembu hinkwaswo swa vamatiko, hi xihi xikwembu lexi poniseke tiko ra xona emavokweni ya mina xana? A xi kona! Hikokwalaho, HOSI Xikwembu xi nga ka xi nga ponisi Yerusalema emavokweni ya mina.’ ”

2 TIKRONIKA 32:14

Kutani exikarhi ka swikwembu swa matiko lawa, ku hava na xin'we lexi koteke ku ma lwela. Xana mi tshemba leswaku Xikwembu lexi xa n'wina xi nga kota ku mi kutsula emavokweni ya mina xana?

2 TIKRONIKA 32:15

Hikokwalaho ndzi ri, mi nga pfumeli leswaku Hezekiya a mi kanganyisa hi ndlela leyi; mi nga n'wi tshembi, hikuva a ku na Xikwembu ni xin'we lexi koteke ku ponisa vanhu va matiko man'wana ni tihosi ta vona emavokweni ya mina kumbe emavokweni ya vatata wa mina. Xana Xikwembu xa n'wina xi nga swi kotisa ku yini ku mi lamulela emavokweni ya mina xana?”

2 TIKRONIKA 32:19

Xikwembu xa Yerusalema, Vaasiriya a va vulavula ha xona ku fana ni loko va vulavula hi swikwembu swin'wana swa vamatiko, leswi endliweke hi mavoko ya vanhu.

Nehemiya 9:10

U endlile swikombiso ni swihlamariso, u ba Faro ni malandza ya yena hinkwawo ni vanhu va tiko ra yena hinkwavo, hikuva a wu swi tiva leswaku va vile ni tihanyi eka vatata wa hina. Hikokwalaho, ku sukela enkarhini wolowo ku ta fika sweswi, vito ra wena ra tiveka swinene.

Ntirho 15:25

Hakunene, munhu wo tano u lwa ni Xikwembu, wa tikurisa emahlweni ka Xikwembu-xa-matimba-hinkwawo,

Ntirho 15:26

a hatla a xi yela a ri karhi a titshemba, a rhangisa xitlhangu xa yena xo tiya no tsindziyela.

Ntirho 21:15

Xana ha boheka ku tirhela Xikwembu-xa-matimba-hinkwawo ke? Ku huwelela eka xona, swi hi pfuna yini xana?’

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Pisalema 12:4

va ku: “Hi ta hlula hi milomo ya hina, ku vulavula, ha swi kota, i mani a nga hi fumaka xana?”

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Pisalema 14:1

Embilwini ya xona, xiphukuphuku xi ri: “Xikwembu a xi kona!” Vanhu va onhakile, va endla swa manyala ntsena, ku hava na un'we la endlaka leswinene.

Eksoda 3:19

Kambe ndza swi tiva leswaku, handle ka loko yi nga lo sindzisiwa hi voko ra matimba, hosi ya Egipta yi nga ka yi nga mi tshiki mi famba.

Eksoda 7:17

Hikokwalaho HOSI Xikwembu xi vurisa sweswo xi ri, hi xona xi nga HOSI! U ta swi tiva hi mukhuva lowu: Mina Muxe ndzi ta ba mati ya nambu hi nhonga leyi ndzi nga yi khoma, kutani ma ta hundzuka ngati.

Swivuriso 30:9

hikuva loko ndzi xurha ngopfu, ndzi nga tshuka ndzi ku landzula, ndzi ku: “HOSI Xikwembu xa kona, i mani ke?” Kumbe loko ndzi wela evusiwaneni, ndzi sungula ku yiva, kutani ndzi onha vito ra wena, we Xikwembu xanga.

Yeremiya 42:13

Kambe nkarhi wun'wana a mi nga lavi ku ndzi yingisa mina HOSI Xikwembu xa n'wina, mi ala ku tshama etikweni leri,

Yeremiya 48:26

Leswi tiko ra Mowabu ri tikurisaka ri lwa na HOSI Xikwembu, ri fanele ku nwisiwa vhinyo, ri ko ri khuguka ri wela emahlanteni ya rona, kutani ri hundzuka xihlekiso na rona.

Daniele 3:15

Kutani sweswi, loko mi lava ku pona, nkhinsamani mi khongela xifaniso lexi ndzi xi yimiseke, enkarhini lowu mi nga ta twa mpfumawulo wa mhalamhala, ni xitiringo, ni xitende, ni haripa, ni nkatara, ni nanga, ni swichaya-chayani swin'wana. Loko mi nga endli sweswo, mi ta hatla mi khomiwa, mi hoxiwa ekheleni ra ndzilo lowu pfurhaka. Xana xi kona xikwembu lexi xi nga mi ponisaka emavokweni ya mina xana?”

Yohane 16:3

Va ta mi endla swilo leswi hikuva a va hi tivanga, hambi Tatana hambi mina.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

2 Vatesalonika 1:8

emalangavini ya ndzilo. Xi ta ba lava va nga xi tiviki, va nga lava nga yingisiki Evhangeli ya Hosi ya hina Yesu.

Vaavanyisi 2:10

Loko vanhu hinkwavo va hundzile emisaveni va landza vatata wa vona, ku humelela van'wana lava nga tivangiki HOSI Xikwembu hambi yi ri mintirho ya xona leyi xi yi endleleke Vaisraele.

1 SAMIELE 2:12

Vana va Heli a va ri vaprista lava nga pfuniki nchumu; a va nga ri na mhaka na HOSI Xikwembu.

1 SAMIELE 25:10

Kutani Nabala a va hlamula a ku: “Davhida i mani xana? I mani n'wana Yese xana? Kambe masiku lawa, a hi ku tala ka mahlonga lama balekelaka vinyi va wona!