Eksoda 3:9 - BIBELE Mahungu Lamanene

⁹ Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona,

Xitsonga (Bibele)

⁹ Sweswi, ku huwelela ka vana va Israele ku fikile eka mina; ndzi ku vonisisile ku xaniseka loku Vaegipta va va xanisaka hakona.

Eksoda 3:9 Iomraidhean Croise

Genesa 16:11

Ntsumi ya HOSI Xikwembu yi tlhela yi ku: “Languta, u tikile, kutani u ta veleka n'wana wa mufana; n'wana loyi u ta n'wi thya vito ra Iximaela, hikuva Xikwembu xi ku hlamurile eku xanisekeni ka wena.

Genesa 31:12

Kutani yi ku: ‘Tlakusa mahlo u vona: Swiphongho hinkwaswo leswi khandziyaka ntlhambi i swa mavalavala ni swa minkhwati-nkhwati, hikuva hinkwaswo leswi Labani a ku endleke swona ndzi swi vonile.

2 TIHOSI 13:4

Kavaloko Yowahazi a khongela hi matimba eka HOSI Xikwembu, kutani xi n'wi yingisa, hikuva a xi vonile ku xaniseka ka Vaisraele, ni hilaha hosi ya le Siriya a yi va tshikelela hakona.

2 TIHOSI 20:5

“Famba, u ya byela Hezekiya mufambisi wa tiko ra mina, leswaku HOSI Xikwembu xa Davhida kokwa wa yena xi vurisa sweswo xi ri: ‘Xikhongelo xa wena ndzi xi twile, ndzi vonile ni mihloti ya wena. Hikokwalaho, ndzi ta ku horisa, kutani ku sukela mundlwani, u ta kota ku tlhandlukela endlwini ya mina.

Nehemiya 9:9

“U vonile ku xaniseka ka vatata wa hina etikweni ra Egipta, u tlhela u twa xirilo xa vona le Lwandle-ro-Tshwuka.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Pisalema 9:14

leswaku ndzi ta tlhela ndzi yima etinyangweni ta Siyoni, ndzi byela vanhu hinkwaswo leswi ndzi ku dzuniselaka swona, ndzi tsaka hi leswi u ndzi poniseke.

Eksoda 1:11

Hiloko Vaegipta va veka valanguteri, leswaku va xanisa Vaisraele hi ku va rhwexa mintirho yo tika. Kutani Vaisraele va akela Faro miti ya Pitomu na Ramsese yo hlayisela tinhundzu ta yena eka yona.

Eksoda 1:22

Kutani Faro a lerisa tiko ra yena hinkwaro, a ku: “N'wana un'wana ni un'wana wa mufana loyi a nga ta velekiwa eka Vaheveru, n'wi cukumeteni enambyeni, kambe mi tshika vanhwanyana hinkwavo va hanya!”

Eksoda 1:8

Loko ku hundzile nkarhi, ku vekiwa hosi leyintshwa etikweni ra Egipta; hosi leyi a yi tivanga nchumu hi Yosefa,

Eksoda 2:23

Ku hundza malembe, kutani hosi ya le Egipta yi fa. Vanhu va Israele vona a va konya hikwalaho ka mintirho ya vona leyo tika, va rilela ku lamuleriwa, kutani xirilo xa vona xi ya fika etindleveni ta Xikwembu.

Eksoda 2:25

Xikwembu xi languta vanhu va Israele, kutani xi twisisa matshamelo ya vona.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Eklesiasta 5:8

Loko u vona swisiwana swi xanisiwa etikweni, ni loko milawu leyo lulama yi nga ha landzeleriwi, u nga hlamali hi mhaka yo tano, hikuva tindhuna ti fuma hi tindhuna-kulobye, kambe hinkwato ti le hansi ka ndhunankulu.

Amosi 4:1

“Yingisani mhaka leyi, n'wina tihomu ta mantswele ta Baxani, leti dyelaka eswitsungeni swa Samariya, n'wina mi xanisaka swisiwana, mi tshikelelaka vapfumari, n'wina mi byelaka vanuna va n'wina, mi ku: ‘Hi keleni, hi nwa!’

Duteronoma 26:7

Hiloko hi huwelela eka HOSI Xikwembu xa vatatana, kutani xi twa xirilo xa hina, xi vona maxangu ya hina, ni ku karhateka ka hina, ni ku tshikeleriwa ka hina.

1 SAMIELE 9:16

“Mundzuku hi nkarhi wolowu, ndzi ta ku rhumela wanuna la humaka etikweni ra Benjamini. U ta n'wi veka mufambisi wa tiko ra mina ra Israele hi ku n'wi chela mafurha enhlokweni. Hi yena la nga ta lamulela tiko ra mina emavokweni ya Vafilista, hikuva ndzi langutile tiko ra mina, ndzi twa ni xirilo xa rona.”