Eksoda 3:6 - BIBELE Mahungu Lamanene

⁶ Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

Xitsonga (Bibele)

⁶ Xi engeta xi ku: “Hi mina Xikwembu xa tata wa wena, Xikwembu xa Abrahama, ni Xikwembu xa Isaka, ni Xikwembu xa Yakobo.” Kavaloko Muxe a funengeta mombo wa yena, hikuva a a chava ku languta Xikwembu.

Eksoda 3:6 Iomraidhean Croise

Genesa 12:1

HOSI Xikwembu xi ku ka Abrama: “Suka etikweni ra rikwenu, u hambana ni maxaka ya wena ni va ka n'wina hinkwavo, u ya etikweni leri ndzi nga ta ku komba rona.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Genesa 17:3

Hiloko Abrama a wela ehansi hi mombo, kutani Xikwembu xi ku ka yena:

Genesa 24:12

Kutani a khongela a ku: “We HOSI, wena Xikwembu xa n'wini wa mina Abrahama, ndzi kombela leswaku u ndzi humelerisa namuntlha, u komba ku tshembeka ka wena eka n'wini wa mina Abrahama.

Genesa 26:24

Kutani hi vusiku byebyo, HOSI Xikwembu xi humelela eka yena, xi ku: “Hi mina Xikwembu xa tata wa wena Abrahama; u nga chavi hikuva ndzi na wena, ndzi ta ku katekisa ndzi ku nyika vatukulu lavo tala hikokwalaho ka nandza wa mina Abrahama.”

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Genesa 28:17

Kutani a sungula ku chava a ku: “Ndhawu leyi ya hlamarisa swinene! Leyi yo va yona yindlu ya Xikwembu, naswona yo va yona nyangwa ya tilo!”

Genesa 31:42

Loko Xikwembu xa tatana, xona Xikwembu xa Abrahama lexi Isaka a xi chavaka, a xi nga yimanga na mina, wena a wu ta va u ndzi hlongorile ndzi suka eka wena ndzi nga ri na nchumu. Xikwembu xi vonile ku xaniseka ka mina, ni leswi a ndzi tirha swona eka wena, kutani vusiku bya tolo xi ku tshinya.”

Genesa 32:9

Kutani Yakobo a khongela a ku: “We Xikwembu xa Abrahama kokwa wa mina ni xa Isaka tata wa mina, we HOSI, u ndzi byerile u ku: ‘Tlhelela eka n'wina etikweni ra rikwenu, kutani mina ndzi ta ku endlela leswinene.’

1 TIHOSI 18:36

Enkarhini wa magandzelo ya xinakulobye nindzhenga, muprofeta Eliya a tshinelela alitari, a ku: “We HOSI, Xikwembu xa Abrahama ni xa Isaka ni xa Yakobo, a swi tiveke namuntlha leswaku hi wena la nga Xikwembu etikweni ra Israele, ni leswaku ndzi nandza wa wena, ni leswaku ndzi endlile hinkwaswo leswi hi ku lerisiwa hi wena.

1 TIHOSI 19:13

Loko Eliya a twa xiritwana lexi, a tifunengeta nghohe hi xiambalo xa yena xa vuprofeta, a ya yima enon'weni wa bako. Hi nomu lo, rito ri ta eka yena, ri n'wi vutisa ri ku: “Xana u endla yini kwala, we Eliya?”

Nehemiya 9:9

“U vonile ku xaniseka ka vatata wa hina etikweni ra Egipta, u tlhela u twa xirilo xa vona le Lwandle-ro-Tshwuka.

Estere 3:4

Siku rin'wana ni rin'wana va n'wi khongotela, kambe yena a nga va yingisi, a va byela a ku: “Mina ndzi Muyuda!” Kutani va ya byela Hamani marito lawa ya Mordekayi, va lava ku vona loko Hamani a ta swi amukela.

Pisalema 132:2

hikuva ú tibohile eka wena hi ku hlambanya, wena Xikwembu lexi nga ntamu wa va ka Yakobo,

Eksoda 15:2

HOSI i matimba yanga ni risimu ranga, ndzi ponisiwile hi yona; lexi hi xona Xikwembu xa mina, ndzi ta xi vonga, Xikwembu xa tata wa mina, ndzi ta xi twarisa.

Eksoda 29:45

Ndzi ta tshama exikarhi ka Vaisraele, kutani eka vona, ndzi ta va Xikwembu.

Eksoda 3:16

Famba u ya hlengeleta vakulukumba va Israele, u va byela leswaku mina HOSI Xikwembu xa vatata wa vona ndzi nga Xikwembu xa Abrahama, na Isaka, na Yakobo, ndzi tikombile eka wena; va byele leswaku ndzi tile ka vona hakunene; ni leswi vanhu va Egipta va va endlaka swona, ndzi swi vonile.

Eksoda 33:20

Xi engeta xi ku: “Loko wu ri mombo wa mina wona, u nga ka u nga wu voni, hikuva a ku na munhu loyi a nga hanyaka, loko a ndzi vona.”

Eksoda 4:5

Xikwembu xi ku: “Leswi swi ta khorwisa Vaisraele leswaku ndzi tikombile eka wena, mina HOSI Xikwembu xa vatata wa vona, ndzi nga Xikwembu xa Abrahama, na Isaka, na Yakobo.”

Yeremiya 24:7

Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

Yeremiya 31:33

Kambe ntwanano lowu mina HOSI ndzi nga ta wu endla ni Vaisraele endzhaku ka masiku ma nga ri mangani, hi lowu: Ndzi ta tsala nawu wa mina etimbilwini ta vona, wu tshama emiehleketweni ya vona. Ndzi ta va Xikwembu xa vona, vona va va vanhu va mina.

Yeremiya 32:38

Va ta va vanhu va mina, na mina ndzi va Xikwembu xa vona.

Ezekiele 11:20

Hikokwalaho va ta hlayisa milawu ya mina ni swiletelo swa mina, va famba ha swona, kutani va ta va vanhu va mina, mina ndzi va Xikwembu xa vona.

Zakariya 8:8

Ndzi ta va vuyisa va ta tshama eYerusalema; va ta va vanhu va mina, mina ndzi va Xikwembu xa vona xo lulama, lexi tshembekaka.”

Matewu 17:6

Loko vadyondzisiwa va twa rito rero, va wa hi mimombo, va chava ngopfu.

Matewu 22:32

‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo.’ Xona a hi Xikwembu xa lava feke, kambe i Xikwembu xa lava hanyaka.”

Marka 12:26

Loko va ri vafi ni ku pfuka ka vona, xana a mi hlayanga ta vona ebukwini ya Muxe xana? Loko Xikwembu xi vulavule na yena exihlahleni, xi te: ‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo!’

Luka 20:37

Loko ku ri ku pfuka ka vafi, Muxe na yena ú tiyisile mhaka loko a ri kusuhi ni xihlahla, kutani a vula leswaku Hosi i Xikwembu xa Abrahama, ni Xikwembu xa Isaka, ni Xikwembu xa Yakobo.

Luka 5:8

Loko Simoni Petro a swi vona, a nkhinsama emilengeni ya Yesu, a ku ka yena: “Suka ka mina Hosi, hikuva ndzi mudyohi.”

Timhaka 7:32

‘Hi mina Xikwembu xa vatata wa wena, Xikwembu xa Abrahama ni xa Isaka ni xa Yakobo.’ Kutani Muxe a rhurhumela, a chava ni ku langutisisa.

Timhaka 7:34

Ndzi vonile nhlomulo wa tiko ra mina le Egipta hakunene, ni ku rila ka vona ndzi ku twile, kutani ndzi xikile ku va kutsula; tana sweswi, ndzi ku rhuma le Egipta.’

Duteronoma 6:3

N'wina Vaisraele, yingisani milawu leyi, mi yi hlayisa, mi hanya ha yona, leswaku mi ta kateka, kutani mi va ni vana lavo tala etikweni leriya ri khulukaka ntswamba ni vulombe, hilaha HOSI Xikwembu xa vatata wa n'wina xi tshembiseke hakona.

Vaheveru 11:16

Kambe, hilaha swi nga hakona, va navela tiko lerinene ku tlula leriya, hileswaku ra le tilweni; hikokwalaho Xikwembu a xi na tingana hi vona loko va xi vula Xikwembu xa vona, hikuva xi va lunghisele muti.

Vaheveru 12:21

Hakunene leswi va swi voneke, a swi chavisa ngopfu, lero kala Muxe a ku: “Ndza rhurhumela hi ku chava.”

Nhlavutelo 1:17

Loko ndzi n'wi vona, ndzi wela emilengeni ya yena, ndzi fana ni munhu loyi a feke. Kambe a tlhandleka voko ra yena ra xinene ehenhla ka mina, a ku: “U nga chavi! Ndzi lowo sungula ni lowo hetelela,

Vaavanyisi 13:22

Kutani Manowaka a ku ka nsati wa yena: “Hakunene hi file, hikuva hi vonile Xikwembu!”