Eksoda 3:5 - BIBELE Mahungu Lamanene

⁵ Xikwembu xi ku: “U nga tshuki u tshinela haleno. Hluvula tintanghu, hikuva laha u yimaka kona i misava leyi hlawulekeke.”

Xitsonga (Bibele)

⁵ Xikwembu xi ku: “U nga tshuki u tshinela la; susa tintanghu emilengeni ya wena, hikuva xivandla lexi u yimeka eka xona i misava leyo kwetsima.”

Eksoda 3:5 Iomraidhean Croise

Eksoda 19:12

U ta bela vanhu mindzilekana ku rhendzeleka ni ntshava, u ku ka vona: ‘Tivoneleni leswaku mi nga tshuki mi khandziya mi ya entshaveni; ni ku khumba laha yi helelaka kona, mi nga khumbi! Loyi a nga ta khumba ntshava, u ta dlayiwa.’

Eksoda 19:21

HOSI Xikwembu xi ku ka Muxe: “Rhelela u ya tshinya vanhu, hikuva va nga tshuka va tsemakanya ndzilekana, va ku va ta va ta vona HOSI Xikwembu, kutani ku nga fa lavo tala exikarhi ka vona.

Eksoda 4:28

Kutani Muxe a tivisa Aroni hinkwaswo leswi HOSI Xikwembu xi n'wi rhumeke ku ya swi vula, ni swikombiso hinkwaswo leswi xi n'wi byeleke ku ya swi endla.

Eklesiasta 5:1

Loko u kongoma eTempeleni, u fanele ku tivonela swinene; xikongomelo xa wena a ku ve ku yingisa ntsena, ku nga ri ku humesa magandzelo kukota swiphunta, hikuva swona a swi tivi nchumu, loko ku nga ri ku dyoha ntsena.

Yeremiya 30:21

Munhu loyi a nga ta va fuma, ú ta va un'wana wa va ka vona, hosi ya vona yi ta huma exikarhi ka vona; ndzi ta yi rhamba, yi tshinela kusuhi na mina, hikuva ehandle ka sweswo, mina HOSI ndzi ri, a ku na munhu loyi a nga ndzi tshinelelaka.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Timhaka 7:33

Kutani Hosi yi ku ka yena: ‘Hluvula tintanghu emilengeni ya wena, hikuva xivandla lexi u yimeke eka xona, i misava leyi hlawulekeke.

Duteronoma 23:14

Mixaxa ya n'wina yi fanele ku tshama yi hlawulekile, hikuva HOSI Xikwembu xi famba na n'wina loko mi huma nyimpi, leswaku xi ta mi lwela, xi nyiketa valala va n'wina emavokweni ya n'wina; hikokwalaho xi nga tshuki xi vona swo khomisa tingana exikarhi ka n'wina, hikuva xi nga ta mi fularhela.

Vaheveru 12:20

hikuva a va nga koti ku byarha xileriso lexi a va nyikiwile xona, lexi nge: “Hambiloko xo va xifuwo, loko xi khumba ntshava, xi ta khandliwa hi maribye.”

Yoxuwa 5:15

Kutani mufambisi wa mavuthu ya HOSI Xikwembu a ku ka Yoxuwa: “Hluvula tintanghu, hikuva laha u yimeke kona i misava leyi hlawulekeke.” Kutani Yoxuwa a endlisa sweswo.

2 Petro 1:18

Kutani hina hi ri twile rito leri, loko ri huma etilweni, hikuva a hi ri na yena entshaveni leyo hlawuleka.