Eksoda 3:2 - BIBELE Mahungu Lamanene

² Kutani ntsumi ya HOSI Xikwembu yi tikomba eka yena yi ri exihlahleni, yi fana ni langavi ra ndzilo. Loko Muxe a xiyisisa, a vona leswaku xihlahla xa vuvumela, kambe a xi tshwi.

Xitsonga (Bibele)

² Ntsumi ya Yehovha yi humelela eka yena emalangavini ya ndzilo, exikarhi ka xihlahla; kuteloko Muxe a langutile, a vona xihlahla xi pfurha hi ndzilo, kambe xihlahla xi nga heli.

Eksoda 3:2 Iomraidhean Croise

Genesa 21:17

Xirilo xa xifanyetana lexi xi fikile etindleveni ta Xikwembu, kutani ntsumi ya Xikwembu yi huwelela Hagara yi ri etilweni, yi ku ka yena: “Hagara, u karhata hi yini xana? U nga chavi hikuva Xikwembu xi twile xirilo xa xifanyetana kwale hansi ka ximudyana.

Genesa 22:11

Kambe ntsumi ya HOSI Xikwembu yi n'wi vitana yi ri etilweni yi ku: “Abrahama! Abrahama!” Yena a pfumela a ku: “Hi mina loyi.”

Genesa 48:16

yona ntsumi leyi yi ndzi kutsuleke eka leswo biha hinkwaswo, a xi katekise majaha lawa! A va ve vona lava nga ta yisa vito ra mina emahlweni, ni mavito ya vatata wa mina Abrahama na Isaka. A va andze va va vanhu va ntsandza-vahlayi emisaveni leyi!”

Pisalema 66:12

U tshikile valala va hina va hi kandziyela. U hi hundzisile hi le ndzilweni ni le swidziveni swa mati, kambe eku heteleleni u hi fikisile etikweni leri noneke.

Eksoda 19:18

Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Eksoda 23:20

“Vonani, ndzi mi rhumela ntsumi leyi nga ta mi rhangela; yi ta mi sirhelela eriendzweni ra n'wina, yi ya mi fikisa endhawini leyi ndzi yi lulamiseke.

Eksoda 24:17

Vaisraele a va vona ku vonakala ka HOSI Xikwembu, ehenhla ka ntshava, ku fana ni ndzilo lowu pfurhaka.

Eksoda 3:16

Famba u ya hlengeleta vakulukumba va Israele, u va byela leswaku mina HOSI Xikwembu xa vatata wa vona ndzi nga Xikwembu xa Abrahama, na Isaka, na Yakobo, ndzi tikombile eka wena; va byele leswaku ndzi tile ka vona hakunene; ni leswi vanhu va Egipta va va endlaka swona, ndzi swi vonile.

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Daniele 3:27

Kutani tihosana, ni tindhuna letikulu ni letitsongo, ni vatsundzuxi va hosi, va hlengeletana va ta va ta xiyaxiya vanhu lava, kutani va vona leswaku ndzilo a wu va endlanga nchumu, hambi yi ri misisi ya vona a yi vavukanga, ni swiambalo swa vona a swi tshwanga, ku ri hava ni risema leri kombaka leswaku a va ri endzilweni.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Marka 12:26

Loko va ri vafi ni ku pfuka ka vona, xana a mi hlayanga ta vona ebukwini ya Muxe xana? Loko Xikwembu xi vulavule na yena exihlahleni, xi te: ‘Hi mina Xikwembu xa Abrahama, ni Xikwembu xa Isaka, ni Xikwembu xa Yakobo!’

Luka 20:37

Loko ku ri ku pfuka ka vafi, Muxe na yena ú tiyisile mhaka loko a ri kusuhi ni xihlahla, kutani a vula leswaku Hosi i Xikwembu xa Abrahama, ni Xikwembu xa Isaka, ni Xikwembu xa Yakobo.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Duteronoma 33:16

a xi va nyike misava yo nona ni swimila swa yona hinkwaswo, ni minkateko ya Loyi-a-tshamaka-exihlahleni. Minkateko leyi a yi tshame etinhlokweni ta va ka Yosefa, emimombyeni ya lava rhangelaka vamakwavo.

Duteronoma 4:20

HOSI Xikwembu xi mi tekile, xi mi humesa endzilweni wa le Egipta, lowu nga n'okisaka ni tinsimbhi, leswaku mi va tiko leri nga ra xona ntsena, kutani hi leswi mi nga swona ni namuntlha.

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

Vaavanyisi 13:13

Ntsumi ya HOSI yi ku ka Manowaka: “Nsati wa wena a a titsone hinkwaswo leswi ndzi n'wi byeleke swona.