Eksoda 3:12 - BIBELE Mahungu Lamanene

¹² Kutani Xikwembu xi ku ka yena: “Ndzi ta va na wena; xikombiso xa leswaku ndzi ku rhumile xi ta va lexi: Loko u humesile vanhu va Israele etikweni ra Egipta, mi ta ndzi gandzela entshaveni leyi.”

Xitsonga (Bibele)

¹² Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Eksoda 3:12 Iomraidhean Croise

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Genesa 15:8

Abrama a hlamula a ku: “We Xikwembu N'wini wanga, xana ndzi ta swi tivisa ku yini leswaku tiko leri ri ta va ra mina xana?”

Genesa 26:3

Wena luvela etikweni reri, kutani mina ndzi ta va na wena ndzi ku katekisa, hikuva matiko lawa hinkwawo ndzi ta ku nyika wona, wena ni vatukulu va wena, naswona ndzi ta hetisisa leswi ndzi swi tshembiseke tata wa wena Abrahama hi ku hlambanya.

Genesa 31:3

Kutani HOSI Xikwembu xi ku ka Yakobo: “Tlhelela etikweni ra rikwenu, eka va ka n'wina; mina ndzi ta va na wena.”

2 TIHOSI 19:29

“Leswi swi nga ta ku komba ku tiya ka marito lawa wena Hezekiya hi leswi: Nan'waka, ku ta dyiwa leswi timilelaka hi swoxe; haxawu ku ta dyiwa leswi hlukaka hunene; kambe loko lembe ra vunharhu ri ta va ri fikile, haxani mbewu, mi tshovela; byalani masimu ya vhinya, mi dya mihandzu ya kona!

1 TIKRONIKA 9:20

Eminkarhini ya khale, Finiyasi n'wana Eliyazara a a ri mufambisi wa vona, hikuva HOSI Xikwembu a xi ri na yena.

Pisalema 86:17

Ndzi nyike xikombiso xa leswaku wa ndzi tsakela, kutani lava va ndzi vengaka va ta khoma hi tingana loko va swi vona, hikuva wena HOSI u ta va u ndzi pfunile, u ndzi tiyisa.

Eksoda 18:5

Kutani Yetro mukon'wana wa Muxe a ta ni vana va Muxe ni nsati wa yena emananga, laha Muxe a a govile kona entshaveni ya Xikwembu.

Eksoda 3:1

Muxe a a risa swifuwo swa mukon'wana wa yena Yetro, muprista wa Midiyani. Siku rin'wana, a tsemakanya mananga ni ntlhambi wa yena, a ya fika eHorebe, entshaveni ya Xikwembu.

Eksoda 3:13

Kavaloko Muxe a ku ka Xikwembu: “Loko ndzi fika eka vanhu va Israele, ndzi ku ka vona: ‘Xikwembu xa vatata wa n'wina xi ndzi rhumile eka n'wina’, kutani va ndzi vutisa va ku: ‘Vito ra xona i mani ke?’ xana ndzi ta va hlamula yini xana?”

Eksoda 33:14

Hiloko HOSI Xikwembu xi ku: “Mina hi ndzexe ndzi ta famba na n'wina, ndzi mi yisa lomu mi nga ta tshamiseka kona.”

Eksoda 4:12

Hikokwalaho, famba sweswi! Mina ndzi ta ku pfuna ku vulavula; ndzi ta ku byela ni leswi u nga ta vula swona.”

Eksoda 4:15

Wena u ta vulavula na yena, u n'wi byela leswi a fanelaka ku vula swona. Loko a ri mina, ndzi ta mi pfuna ku vulavula ha vumbirhi bya n'wina; naswona ndzi ta mi komba leswi mi nga ta endla swona.

Eksoda 8:27

Hina hi fanele ku teka riendzo ra masiku manharhu, hi ya emananga hi ya humesela HOSI Xikwembu xa hina emagandzelo lawa xi nga ta hi lerisa wona.”

Esaya 37:30

“Leswi swi nga ta ku komba ku tiya ka marito lawa wena Hezekiya, hi leswi: Nan'waka, ku ta dyiwa leswi timilelaka hi swoxe; haxawu ku ta dyiwa leswi hlukaka kunene; kambe loko lembe ra vunharhu ri ta va ri fikile, haxani mbewu, mi tshovela; byalani masimu ya vhinya, mi dya mihandzu ya kona!

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Esaya 43:2

Hambiloko mi nghena eswidziveni, ndzi ta va na n'wina, ni loko mi pela milambu, a mi nga dyiwi hi mati; hambi mo tshuka mi hundza hi le xikarhi ka ndzilo, a mi nga tshwi, malangavi a ma nga mi hisi,

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Yeremiya 1:8

U nga tshuki u va chava, hikuva ndzi ta va na wena ndzi ku sirhelela. Ndzi vula sweswo mina HOSI.”

Tinhlayo 16:28

Kutani Muxe a ku: “Ku sukela namuntlha, mi ta tiva leswaku HOSI Xikwembu, hi xona xi ndzi rhumeke ku tirha mintirho leyi hinkwayo, ni leswaku leswi ndzi swi endlaka, a ndzo tisungulela swona.

Tinhlayo 23:21

Xikwembu a xi vonanga nchumu xo biha erixakeni ra Yakobo, hambi ma ri manyala, a xi ma vonanga eka Vaisraele. HOSI Xikwembu xa vona xi na vona, hi xona hosi ya vona leyi va yi belaka minkulungwana.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Marka 16:20

Loko va ri vona, va suka va famba, va ya twarisa Evhangeli hinkwako, Hosi yi ri karhi yi tirhisana na vona, yi tiyisa marito ya vona hi mahlori lawa a ma humelela enkarhini wolowo.]

Timhaka 11:21

Matimba ya Hosi a ma ri na vona; kutani vanhu lavo tala va pfumela, va hundzukela ka Hosi.

Timhaka 7:7

Kambe ndzi ta avanyisa tiko leri ri va endleke mahlonga, ku vula Xikwembu; endzhaku ka swona va ta suka eka rona, va ta, va ta ndzi gandzela exivandleni xexi.’

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Duteronoma 31:23

Kutani HOSI Xikwembu xi lerisa Yoxuwa n'wana Nuni, xi ku: “U fanele ku tiya, u va ni xivindzi, hikuva hi wena u nga ta fikisa Vaisraele etikweni leri ndzi hlambanyeke ku va nyika rona. Mina ndzi ta va na wena.”

Vaheveru 13:5

Mi nga fumiwi hi mali eku hanyeni ka n'wina, kutani mi kolwa hi leswi mi nga na swona, hikuva Xikwembu xi te: “Ndzi nga ka ndzi nga ku tshiki, kumbe ku ku cukumeta, ni siku ni rin'we.”

Yoxuwa 1:5

Evuton'wini bya wena hinkwabyo a ku nga vi na munhu loyi a nga ta ku hlula; ndzi ta va na wena ku fana ni leswi ndzi veke na Muxe; a ndzi nga ku fularheli, naswona a ndzi nga ku tshiki u ri wexe.

Vaavanyisi 6:12

Kutani ntsumi yi tikomba eka Gidiyoni, yi ku ka yena: “We nhenha ya xivindzi, HOSI Xikwembu xi na wena!”

Vaavanyisi 6:16

HOSI Xikwembu xi ku: “U ta swi kota, hikuva ndzi ta va na wena, kutani u ta herisa Vamidiyani hinkwavo.”

Vaavanyisi 6:17

Gidiyoni a ku: “Loko u ndzi tsakela, ndzi nyike xikombiso xa leswaku marito lawa ma huma eka wena hakunene.

Vaavanyisi 6:21

Kutani ntsumi ya HOSI Xikwembu yi tshambuluta voko yi khumba nyama ni swinkwa leswo-ke-comela hi le makumu ka nhonga leyi a yi yi khomile, kutani ku huma ndzilo eribyeni, wu herisa nyama ni swinkwa, kutani ntsumi ya HOSI Xikwembu yi suka yi nyamalala.

Vaavanyisi 7:11

U ta twa leswi Vamidiyani va swi vulaka, kutani endzhaku ka swona u ta tiya nhlana, u nga ha chavi ku nghena emixaxeni.” Kavaloko Gidiyoni a rhelela ni nandza wa yena Pura, va fika erihlampfini ra mixaxa ya masocha.

1 SAMIELE 14:10

Kambe loko va ku ka hina: ‘Tlhandlukelani haleno ka hina!’ hi ta tlhandluka, hikuva leswi swi ta komba leswaku HOSI Xikwembu xi va nyiketile emavokweni ya hina.”