Eksoda 27:9 - BIBELE Mahungu Lamanene

⁹ “Mi ta biyela Ntsonga hi xivava. Hi tlhelo ra dzonga, xivava lexi xi ta va ni swisirhelelo swa ntsembyani wo saseka lowu lukiweke; ku leha ka swona ku ta va 50 m.

Xitsonga (Bibele)

⁹ “Kutani u ta endla xivava xa Yindlu. Tlhelo ra dzonga u ta xi endlela tinguvu ta ntsembyana lowo saseka leti nembelelaka, ku leha ka tinguvu leti, swi ta va swisungunhu swa dzana tlhelo rin'wana.

Eksoda 27:9 Iomraidhean Croise

1 TIHOSI 6:36

A biyela xivava xa le ndzeni ka Tempele hi tinxaxa tinharhu ta maribye lama vatliweke, a tlhandleka mintsandza ya murhi wa kedari.

1 TIHOSI 8:64

Hi siku rero, hosi Solomoni a hlawulekisa ndhawu ya le xikarhi, exivaveni lexi nga mahlweni ka Tempele, a humesela kona magandzelo lama hisiwaka, ni magandzelo ya swa le masin'wini, ni mafurha ya magandzelo ya xinakulobye, hikuva alitari ya koporo ya le ndzeni ka Tempele a yi ri yitsongo ngopfu ku humesela ka yona swa magandzelo lawa hinkwawo.

2 TIKRONIKA 33:5

Eswivaveni swimbirhi swa yindlu ya HOSI Xikwembu, Manase a aka tialitari to gandzelela eka tona dyambu ni n'weti ni tinyeleti.

2 TIKRONIKA 4:9

Kutani a aka xivava xa vaprista ni xivava lexikulu xa vanhu, ni tinyangwa ta swona, a nameka koporo etimbantini ta kona.

Pisalema 100:4

Nghenani eTempeleni ya xona mi ri karhi mi nkhensa, mi nghena eswivaveni swa xona mi ri karhi mi yimbelela. Xi dzuniseni mi tlangela vito ra xona.

Pisalema 116:19

ndzi ri exivaveni xa Tempele ya yona, exikarhi ka wena, we muti wa Yerusalema. Dzunisani HOSI!

Pisalema 84:10

Hakunene ku tshama siku rin'we ntsena eTempeleni ya wena, swi tlula ku tshama masiku ya khume ra madzana kun'wana. Ndzi ngo tsakela ku yima kunene enyangweni ya Tempele, we Xikwembu xanga, ku ri na ku tshama ni lava va nga ku khongeriki.

Pisalema 92:13

Va simekiwile endlwini ya HOSI Xikwembu xa hina, va phaka marhavi eswivaveni swa Tempele ya xona.

Eksoda 27:10

Swisirhelelo leswi swi ta va ni timhandze ta 20 to seketela xivava, ni minkotloto ya tona ya 20 ya koporo, kambe swikhweketo swa le timhandzeni ni timbalelo ta tona swi ta va swa silivhere.

Eksoda 35:17

swisirhelelo swa xivava, ni tiphuphu ta xona ni minkotloto ya kona, ni xisirhelelo xo pfala nyangwa ya xivava;

Eksoda 36:17

Nsomo wa xisirhelelo xo sungula eka leswa ntlhanu, va wu rhungelela marimi ya 50, na wona nsomo wa xisirhelelo lexo hetelela eka leswa 6, va wu rhungelela marimi ya 50.

Eksoda 39:40

swisirhelelo swa xivava, ni tiphuphu ta xona ni minkotloto ya kona, ni xisirhelelo xo pfala nyangwa ya xivava, ni tingoti ta kona, ni swikhomiso swa xivava, ni swingolongondzwana hinkwaswo swa ntirho wa Ntsonga lowo Hlawuleka wa HOSI;

Eksoda 40:33

Kutani va biyela Ntsonga ni alitari hi xivava, va hayeka ni xisirhelelo xo pfala nyangwa ya xivava. Hi ndlela leyi, Muxe a va a hetile ntirho wa kona.

Eksoda 40:8

Kutani mi ta biyela Ntsonga hi xivava, mi hayeka ni xisirhelelo xo pfala nyangwa ya xivava.

Ezekiele 40:14

A pima ni ku leha ka rikupakupa ku ya henhla, a kuma 10 m. Xivava xa Tempele a xi rhendzela rikupakupa leri, leri a ri huma emahlweni ka muako wa nyangwa hi tlhelo ra le ndzeni.

Ezekiele 40:17

Kutani mupimi a ndzi yisa exivaveni xa le handle ka Tempele. Ematlhelo hinkwawo ya xivava lexi, a ku ri ni makamari yo 30, naswona a ku andlariwile maribye ya swiphepherhele emahlweni ka wona.

Ezekiele 40:20

a ku ri ni muako wa nyangwa lowu langutaka en'walungwini, exivaveni xa le handle, kutani a pima ku leha ni ku anama ka wona.

Ezekiele 40:23

Muako wa nyangwa ya le n'walungwini, a wu fana ni muako wa nyangwa ya le vuxeni: A wu langutene ni muako wa nyangwa ya xivava xa le ndzeni; loko mupimi a pima mpfhuka wa kona, a kuma 50 m.

Ezekiele 40:28

Mupimi a nghena na mina hi muako wa nyangwa ya le dzongeni, a ndzi yisa exivaveni xa le ndzeni emahlweni ka Tempele, kutani a pima muako lowu wa nyangwa, a wu kuma wu ringana ni miako leyin'wana.

Ezekiele 40:32

Kutani mupimi a ndzi yisa exivaveni xa le ndzeni hi nyangwa ya le vuxeni, a pima ni muako wa nyangwa ya kona, a kuma leswaku a wu ringana ni miako leyin'wana.

Ezekiele 40:44

Kutani mupimi a nghena na mina exivaveni xa le ndzeni, a ndzi komba makamari mambirhi lawa a ma ri kona; rin'wana a ri ri etlhelo ra nyangwa ya le n'walungwini, ri languta edzongeni; rin'wana a ri ri etlhelo ra nyangwa ya le dzongeni ri languta en'walungwini.

Ezekiele 42:3

Hi tlhelo rin'we, muako wa kona a wu langutana ni rivala ra 10 m ra le ndzhaku ka Tempele, hi tlhelo lerin'wana a wu langutana ni maribye ya swiphepherhele, exivaveni xa le handle ka Tempele; a wu ri ni tinxaxa ta timhandze leti endlaka swithezi swinharhu.

Tinhlayo 3:26

ni swisirhelelo swa xivava lexi biyelaka Ntsonga ni alitari, ni xisirhelelo xa nyangwa ya xona, ni tingoti ta xona; a va tirha ni mintirho hinkwayo leyi fambelanaka ni swilo leswi.

Tinhlayo 4:26

ni swisirhelelo swa xivava lexi biyelelaka Ntsonga ni alitari, ni xisirhelelo xa nyangwa ya xivava, ni tingoti ta swisirhelelo, ni swikhetsakhetsa hinkwaswo swa kona; va ta tirha ni hinkwaswo leswi fambelanaka ni swilo leswi.

Tinhlayo 4:32

ni tiphuphu ta xivava ta matlhelo hinkwawo, ni minkotloto ya tona, ni swikhomiso, ni tingoti, ni switirho hinkwaswo, ni swikhetsakhetsa swa kona hinkwaswo. U ta va komba leswi va nga ta rhwala swona hi ku swi vula hi mavito ya swona.