Eksoda 27:2 - BIBELE Mahungu Lamanene

² Etinhleni ta yona ta mune, mi ta vekela timhondzo, ti khomana na yona, kutani mi ta yi nameka koporo.

Xitsonga (Bibele)

² U ta endla timhondzo ta mune etikhonweni ta alitari, kutani u ta yi nameka hi koporo.

Eksoda 27:2 Iomraidhean Croise

1 TIHOSI 1:50

Loko a ri Adoniya, hi ku chava Solomoni, a suka a ya khomelela timhondzo ta alitari.

1 TIHOSI 2:28

Loko timhaka leti ti fika etindleveni ta Yowabu, a tsutsumela eka Ntsonga lowo Hlawuleka wa HOSI Xikwembu, a fika a khomelela timhondzo ta alitari, hikuva a a seketela Adoniya, hambileswi a nga seketelangiki Abixalomu.

1 TIHOSI 8:64

Hi siku rero, hosi Solomoni a hlawulekisa ndhawu ya le xikarhi, exivaveni lexi nga mahlweni ka Tempele, a humesela kona magandzelo lama hisiwaka, ni magandzelo ya swa le masin'wini, ni mafurha ya magandzelo ya xinakulobye, hikuva alitari ya koporo ya le ndzeni ka Tempele a yi ri yitsongo ngopfu ku humesela ka yona swa magandzelo lawa hinkwawo.

2 TIHOSI 16:14

Kutani ke, alitari ya koporo leyi a yi ri ya HOSI Xikwembu, sweswi a yi ri exikarhi ka alitari ya Akazi ni Tempele; hikokwalaho Akazi a yi susa emahlweni ka Tempele, a yi veka etlhelo, evokweni ra xinene ra alitari ya yena.

2 TIKRONIKA 4:1

Solomoni a endla alitari hi koporo; alitari leyi a yi anamile 10 m matlhelo hinkwawo, yi lehile 5 m ku ya henhla.

Pisalema 118:27

HOSI i Xikwembu, xa hi voninga. Endlani nkuvo mi longoloka mi khomile switluka, ku kondza mi ya fika etimhondzweni ta alitari.

Eksoda 27:3

Mi ta endlela alitari timbita to kangatela nkuma wa magandzelo, mi yi endlela ni minkombe, ni minkambana, ni tiforoko, ni timbita ta ku oka ndzilo; swingolongondzwana leswi hinkwaswo swa alitari, mi ta swi endla hi koporo.

Eksoda 29:12

Kutani u ta teka ngatinyana ya xinkuzana, u tota etimhondzweni ta alitari hi ritiho, ngati leyin'wana hinkwayo u ta yi chela ehansi ka alitari.

Eksoda 38:30

Va vumbile minkotloto ya timhandze ta le nyangweni ya Ntsonga lowo Hlawuleka hi koporo leyi, va vumba ni alitari ya magandzelo ni ritavala ra yona, ni swingolongondzwana hinkwaswo swa alitari.

Ezekiele 43:15

Kutani xiphemu xo hetelela a xi ri xitiko xa alitari, na xona xi lehile 2 m ku ya henhla, xi ri ni timhondzo ta mune etikonweni ta xona.

Levhitika 16:18

ú fanele ku ya basisa alitari leyi nga mahlweni ka Ntsonga; ú ta teka ngatinyana ya xinkuzana ni ya xiphongho, a yi tota etimhondzweni ta alitari matlhelo hinkwawo.

Levhitika 4:18

ú ta tota ngati yin'wana etimhondzweni ta alitari leyi yi nga ndzeni ka Ntsonga lowo Hlawuleka, emahlweni ka HOSI Xikwembu; kasi ngati leyin'wana hinkwayo, ú ta yi chela ehansi ka alitari ya magandzelo lama hisiwaka, leyi yi nga nyangweni ya Ntsonga lowo Hlawuleka.

Levhitika 4:25

Kutani muprista ú ta teka ngatinyana ya xiphongho lexi xa mhamba yo susa swidyoho, a yi tota hi ritiho etimhondzweni ta alitari ya magandzelo lama hisiwaka; ngati leyin'wana hinkwayo, ú ta yi chela ehansi ka alitari leyi ya magandzelo lama hisiwaka.

Levhitika 4:7

a tota yin'wana etimhondzweni ta alitari ya murhi wa risuna ni swinun'hweriso, leyi nge mahlweni ka HOSI Xikwembu, endzeni ka Ntsonga lowo Hlawuleka; ngati leyin'wana hinkwayo ya xinkuzana, ú ta yi chela ehansi ka alitari ya magandzelo lama hisiwaka, leyi nga nyangweni ya Ntsonga lowo Hlawuleka.

Levhitika 8:15

Kutani Muxe a tlhava xinkuzana, a teka ngatinyana ya xona, a peta ritiho a tota etimhondzweni leti nga tinhleni ta alitari, yi va mhamba yo susa swidyoho; leyin'wana ngati a yi chela ehansi ka alitari. Hi ndlela leyi, Muxe a hlawulekisa alitari ni ku yi basisa.

Zakariya 9:15

HOSI ya matimba hinkwawo yi ta hlayisa vanhu va yona; maribye ya xihangu ma ta hlula valala ma va heta, ma halata ngati ya vona kukota vhinyo, kukota ngati ya swifuwo emagandzelweni, leyi tataka nkambana, yi tsakamisa ni timhondzo ta alitari.

Tinhlayo 3:31

Ntirho wa vona a ku ri ku hlayisa Areka, ni tafula, ni xitlhoma-timboni, ni tialitari, ni swibya leswi vaprista a va swi tirhisa exivandleni lexo hlawuleka, ni xisirhelelo xo siva Areka, ni mintirho hinkwayo leyi fambelanaka ni swilo leswi.

Vaheveru 6:18

Sweswi ke, ku ni swilo swimbirhi leswi nga hundzukiki, leswi eka swona swi nga endlekiki leswaku Xikwembu xi kumeka xi ri muhembi. Kutani hina lava hi chaveleke eka xona, hi ta tiya nhlana swinene, hi amukela hi mandla mambirhi ku langutela loku ku vekiweke emahlweni ka hina.