Eksoda 27:16 - BIBELE Mahungu Lamanene

¹⁶ Enyangweni ya xivava, ku ta va ni xisirhelelo xa 10 m hi ku leha, xa voya bya muhlovo wa rihlaza ra tilo ni wa xivunguvungu ni lowo tshwuka, ni ntsembyani wo saseka lowu lukiweke, lowu rhungeleriweke mavalavala; wu ta va ni mune wa timhandze to seketela eka tona ni mune wa minkotloto ya tona.

Xitsonga (Bibele)

¹⁶ Enyangweni ya xivava ku ta va nguvu ya swisungunhu swa makume mambirhi ya xivunguvungu, ni scarlet, ni crimson, ni ntsembyana lowo saseka leyi swuriweke, leyi sasekisiweke hi ntirho wa vutlhari; ku ta endliwa ni timhandze ta yona ta mune, ni switshamo swa tona swa mune.

Eksoda 27:16 Iomraidhean Croise

Pisalema 45:14

ú yisiwa eka hosi a hakarile minceka ya mavalavala, a landziwa hi vanhwana-kulobye, ti nga tinxangwana ta yena, va nghena hinkwavo.

Eksoda 26:31

“Kutani mi ta endla xisirhelelo hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke; mi ta xi sasekisa hi ku xi rhungelela swifaniso swa tikerubu.

Eksoda 26:36

“Mi ta endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka ni ntsembyani wo saseka lowu lukiweke, lowu rhungeleriweke mavalavala.

Eksoda 27:15

Hi tlhelo lerin'wana ra nyangwa, ku ta va ni swisirhelelo swa 7,50 m hi ku leha, ni timhandze tinharhu to seketela eka tona, ni minkotloto minharhu.

Eksoda 27:17

Timhandze hinkwato ematlhelweni hinkwawo ya xivava ti ta va ni timbalelo ta silivhere, ni swikhweketo swa silivhere, ni minkotloto ya koporo.

Eksoda 28:39

“Mi ta luka hembe ya mavalavala ni xihuku hi ntsembyani lowo saseka; vamba rona mi ta ri rhungelela mavalavala.

Eksoda 36:37

Naswona va endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke, lowu rhungeleriweke mavalavala;

Eksoda 39:29

va rhunga ni vamba hi ntsembyani wo saseka lowu lukiweke, ni voya bya muhlovo wa rihlaza ra tilo, ni wa xivunguvungu, ni lowo tshwuka, va ri rhungelela mavalavala, hilaha HOSI Xikwembu xi leriseke Muxe hakona.

Tinhlayo 3:26

ni swisirhelelo swa xivava lexi biyelaka Ntsonga ni alitari, ni xisirhelelo xa nyangwa ya xona, ni tingoti ta xona; a va tirha ni mintirho hinkwayo leyi fambelanaka ni swilo leswi.

Vaavanyisi 5:30

‘Va ta va va ri eku phakelaneni ka leswi va swi phangheke: Wanuna un'we a phakeriwa nsati un'we kumbe vambirhi, nguvu leyi phanghiweke ya mavalavala yi ya eka Sisera, nguvu leyi phanghiweke yo rhungeleriwa mavalavala hala ni hala, yi ta sasekisa nhamu ya nkosikazi!’