Eksoda 21:6 - BIBELE Mahungu Lamanene

⁶ n'wini wa rona ú ta ya na rona eka Xikwembu, a ri yimisa ri khegetela rivanti kumbe rimba ra rona, a ri boxa ndleve kwalaho hi ntlhavo; kutani ri ta va hlonga vutomi hinkwabyo.

Xitsonga (Bibele)

⁶ n'wini wa rona u ta ri tisa emahlweni ka Xikwembu, a ri tshinetela kusuhi ni rivanti erimbeni ra rona, kutani n'wini wa rona u ta ri boxa ndleve hi risungunhu, kutani ri ta n'wi tirhela masiku hinkwawo.

Eksoda 21:6 Iomraidhean Croise

1 TIHOSI 12:7

Kutani va n'wi tsundzuxa va ku: “Loko u lava ku pfuna vanhu lava namuntlha ni ku va tirhela, va hlamule hi marito ya tintswalo, kutani na vona va ta ku tirhela masiku hinkwawo.”

Pisalema 82:1

Xikwembu xi tshamile ehubyeni ya le henhla-henhla, xi avanyisa vanhu xi ri ni swivumbiwa swa le tilweni,

Eksoda 12:12

“Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Eksoda 21:22

“Loko vanhu va lwa, kutani va ya tlumba wansati loyi a tikeke, va n'wi vangela ku onhakeriwa kambe a nga vavisekanga kun'wana, loyi a n'wi tlumbeke ú ta riha leswi n'wini wa nsati a nga ta lava swona hi ku landza mpimo lowu vekiweke hi vaavanyisi.

Eksoda 21:5

Kambe loko hlonga ri ku: ‘Ndzi tsakela n'wini wa mina, ndzi rhandza ni nsati wa mina ni vana va mina, a ndzi lavi ku ntshunxiwa ndzi suka ndzi famba’,

Eksoda 21:7

“Loko munhu a xavisa n'wana wa yena wa xisati ku va hlonga, n'wana loyi a nga ha ntshunxiwi ku fana ni mahlonga ya xinuna.

Eksoda 22:28

“Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

Esaya 1:26

Ndzi ta tlhela ndzi mi nyika vaavanyisi vo fana ni lava khale, ni vatsundzuxi vo fana ni lavo sungula, kutani mi ta vuriwa muti lowo lulama, lowu tshembekeke.”

Levhitika 25:23

“Loko mi xavisa misava, mi nga yi xaviseli makumu, hikuva i ya mina; n'wina mi vanhu lava va ngo ta va famba, mi lo luvela eka mina.

Levhitika 25:40

A a tshame na wena ku fana ni munhu loyi u nga lo n'wi thola kunene kumbe muluveri, a ku tirhela ku kondza ku fika lembe ra Jubili.

Sofoniya 3:3

Varhangeri va muti lowu i tinghala leti bongaka, vaavanyisi va wona i timhisi ta vusiku leti dyaka ti heta, ri nga si xa.

Duteronoma 1:16

“Kutani enkarhini wolowo, ndzi lerisile vaavanyisi va n'wina, ndzi ku: ‘Mi ta tenga timhaka ta varikwenu, mi ti avanyisa hi ku lulama, mi avanyisa ni timhaka exikarhi ka vona ni lava va luveleke exikarhi ka vona.

Duteronoma 15:16

Kambe loko hlonga ri ku rhandza, wena ni vandyangu wa wena, hi mhaka ya leswi mi ri khomeke kahle, kutani ri ku: ‘A ndzi swi lavi ku suka laha mutini wa wena’,

Duteronoma 15:17

ri yimise erivantini u ri boxa ndleve hi ntlhavo, kutani ri ta va hlonga ra wena vutomi bya rona hinkwabyo. U ta endla sweswo ni le ka hlonga ra wena ra xisati.

Duteronoma 16:18

“Mi fanele ku veka vaavanyisi ni tindhuna emitini hinkwayo leyi HOSI Xikwembu xa n'wina xi nga ta mi nyika yona, hi ku ya hi tinyimba ta n'wina. Vanhu lava, va ta avanyisela vanhu milandzu ya vona hi ndlela leyi lulameke.

1 SAMIELE 1:22

Hana a nga fambanga na vona, hileswi a a byerile nuna wa yena, a ku: “Loko n'wana a ta va a lumuriwile, hi kona ndzi nga ta ya eTempeleni na yena, ndzi ya n'wi veka eka HOSI, leswaku a tshama kona vutomi bya yena hinkwabyo.”

1 SAMIELE 27:12

Akixi a a tshemba Davhida swinene, a anakanya a ku: “Davhida ú tivangele rivengo lerikulu eka vanhu va ka vona va Israele; hikokwalaho ú ta ndzi tirhela vutomi bya yena hinkwabyo!”

1 SAMIELE 28:2

Davhida a hlamula a ku: “Swi lulamile, u ta swi vona hi wexe leswi mina nandza wa wena ndzi nga swi endlaka.” Akixi a hlamula Davhida a ku: “Hiswona, ndzi ta ku veka ku va murindzi wa mina ku ya ku yile.”