Eksoda 2:3 - BIBELE Mahungu Lamanene

³ Loko a nga ha koti ku ya emahlweni a fihla n'wana loyi, a lava xibokisana xo endliwa hi tinhlanga, a xi tota ntita ni nhlaka, kutani a nghenisa n'wana endzeni ka xona, a ya xi veka exikarhi ka nhlanga eribuweni ra nambu.

Xitsonga (Bibele)

³ Kambe leswi a tsandzekaka ku engeta a xi fihla, a ya teka xirhundzu xa tinhlanga, a xi tota hi ntita ni nhlaka, kutani a nghenisa xihlangi eka xona, a xi veka exikarhi ka tinhlanga eribuwini ra nambu.

Eksoda 2:3 Iomraidhean Croise

Genesa 11:3

Kutani va byelana va ku: “Tanani, a hi endleni switina, hi tlhela hi swi hisa swinene.” Kutani ematshan'weni ya maribye va tirhisa switina, va swi khomanisa hi ntita.

Genesa 14:10

Nkova wa Sidimi a wu ri ni makhele-khele lama taleke hi ntinta, kutani tihosi tin'wana ta Sodoma na Gomora ti wela eka wona loko ti ri karhi ti tsutsuma; leti poneke tona ti tsutsumerile etintshaveni.

Genesa 6:14

Tiendlele ngalava hi timhandze ta murhi wa gofere. Endzeni ka ngalava ya kona, u endla makamari; u tota ni ntita endzeni ni le handle ka yona.

Eksoda 1:22

Kutani Faro a lerisa tiko ra yena hinkwaro, a ku: “N'wana un'wana ni un'wana wa mufana loyi a nga ta velekiwa eka Vaheveru, n'wi cukumeteni enambyeni, kambe mi tshika vanhwanyana hinkwavo va hanya!”

Esaya 18:2

leri rhumaka vayimeri va rona ematikweni, va famba enambyeni wa Nilo hi mabyatso yo lukiwa hi tinhlanga. N'wina varhumiwa vo famba hi ku hatlisa, mukani mi tlhelela eka vanhu va ka n'wina vo leha, vo saseka, lava chaviwaka emisaveni hinkwayo, va nga vanhu vo tiya, lava tivaka ku lwa, lava milambu yi tsemakanyaka hi le tikweni ra vona.

Esaya 19:6

Migerho leyi sukaka enambyeni wa Nilo yi ta nun'hwa, swinambyana swa le Egipta swi ta phya swi oma, nhlanga ni majekejeke swi ta vuna.

Esaya 35:7

laha a ku hisa ngopfu, ku ta va ni tiva ra mati, ndhawu yo oma ngopfu yi ta humesa swihlovo; lomu mahlolwa a ma rhendzeleka-rhendzeleka ni ku wisa kona, byanyi byi ta hundzuka tinhlanga ni majekejeke.

Matewu 2:13

Kuteloko va tlhelele karikwavo, ntsumi ya Hosi yi humelela eka Yosefa enorhweni, yi ku: “Pfuka, u teka xihlangi ni mana wa xona, u baleka u ya Egipta, u ya tshama kona ndzi ko ndzi ku byela; hikuva Heroda ú ta lava xihlangi leswaku a xi dlaya.”

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Timhaka 7:19

Hosi leyi yi endla hi mano eka rixaka ra hina, yi xanisa vatatana, yi lerisa leswaku va cukumeta vana va vona, va va dlaya.