Eksoda 2:2 - BIBELE Mahungu Lamanene

² Kutani wansati loyi a tika, a veleka n'wana wa mufana; loko a vona leswaku i n'wana loyi a sasekeke swinene, a n'wi fihla tin'hweti tinharhu.

Xitsonga (Bibele)

² Nsati loyi loko a tikile, a veleka n'wana wa wanuna; kuteloko a vona leswaku i xihlangi xo saseka, a xi fihla hi tin'hweti tinharhu.

Eksoda 2:2 Iomraidhean Croise

2 TIHOSI 11:3

Yowasi ú tshamile ni muhlayisi wakwe malembe ya 6, a tumbetiwile ekamarini ra le Tempeleni, loko Ataliya a ri karhi a fuma tiko.

Pisalema 112:5

Swi sasekile loko munhu a tiva ku hanana ni ku lomba van'wana; la endlaka sweswo, ú hlayisa swilo swa yena hi ndlela leyi nkhensekaka.

Eksoda 6:20

Amirama a a tekile Yokebedi makwavo wa tata wa yena; Yokebedi a veleka Aroni na Muxe. Amiramu ú hanyile malembe ya 137.

Tinhlayo 26:59

Vito ra nsati wa Amirama a va ku i Yokebedi, N'wa-Levhi, loyi a velekiweke le Egipta. Amirama na Yokebedi hi vona vatswari va Aroni na Muxe na makwavo wa vona Meriyamu.

Timhaka 7:20

“Enkarhini lowu, ku velekiwa Muxe. A a sasekile emahlweni ka Xikwembu; kutani a wundliwa tin'hweti tinharhu endlwini ya tata wa yena.

Duteronoma 33:16

a xi va nyike misava yo nona ni swimila swa yona hinkwaswo, ni minkateko ya Loyi-a-tshamaka-exihlahleni. Minkateko leyi a yi tshame etinhlokweni ta va ka Yosefa, emimombyeni ya lava rhangelaka vamakwavo.

Vaheveru 11:23

Hi ku pfumela, loko Muxe a velekiwile, vatswari va yena va n'wi tumbetile nkarhi wo ringana tin'hweti tinharhu, hi ku vona ku saseka ka n'wana, kutani a va chavanga swileriso swa hosi.

1 SAMIELE 16:12

Kutani Yese a rhuma vanhu, va ya vuya na yena. Jaha ra kona a ri ri mbhuri ya mahlo yo saseka ni xivumbeko xo tsakisa. HOSI Xikwembu xi ku ka Samiele: “Loyi, hi yena! Suka u yima u n'wi chela mafurha enhlokweni.”