Eksoda 2:11 - BIBELE Mahungu Lamanene

¹¹ Loko Muxe a kurile, a endzela varikwavo siku rin'wana, kutani a vona hilaha va rhwexiwaka mintirho yo tika hakona. A vona na Muegipta a ri karhi a ba un'wana wa Vaheveru.

Xitsonga (Bibele)

¹¹ Emikarhini yoleyo, kuteloko Muxe a kurile, a endza eka varikwavo, a ta vona ntirho wo tika wa vona; kutani a vona wanuna wa Muegipta a ba wanuna wa rikwavo, wa Muheveru.

Eksoda 2:11 Iomraidhean Croise

Eksoda 1:11

Hiloko Vaegipta va veka valanguteri, leswaku va xanisa Vaisraele hi ku va rhwexa mintirho yo tika. Kutani Vaisraele va akela Faro miti ya Pitomu na Ramsese yo hlayisela tinhundzu ta yena eka yona.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Eksoda 5:14

Vaisraele lava a va vekiwile hi vafambisi va mintirho ya Faro ku va tindhuna ta vatirhi, a va biwa, va vutisiwa leswaku hikwalaho ka yini va nga fikisanga ntsengo wa switina leswi va vekeriweke ku swi endla hi siku, ku fana ni khale.

Eksoda 5:4

Kambe hosi ya Egipta yi ku: “Wena Muxe, na wena Aroni, hikwalaho ka yini mi tshikisa vanhu mintirho ya vona? Tlhelelani emintirhweni ya n'wina!”

Eksoda 5:5

Faro a ya emahlweni a ku: “Vonani, vanhu va ka n'wina va tele ngopfu, kambe n'wina mi lava ku va tshikisa ku tirha!”

Eksoda 5:9

Vanhu lava, a va nyikiwe mintirho yo tika, va tshama va karhi va tirha, va ta ka va nga kumi nkarhi wo yingisela mavunwa.”

Eksoda 6:6

Hikokwalaho tivisa Vaisraele leswaku ndzi ri ka vona: ‘Hi mina HOSI Xikwembu, kutani ndzi ta mi humesa emintirhweni yo tika ya le Egipta, ndzi mi ponisa evuhlongeni bya kona, ndzi mi kutsula hi mintirho ya mina ya matimba ni ku avanyisa loku hlamarisaka.

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Esaya 58:6

Leswi ndzi swi tsakelaka loko mi titsona hi leswi: Tsemani tintambhu leti mi boheke van'wana ha tona, mi susa mpingu lowu mi va rhwexeke wona; ntshunxani lava tshikeleriwaka, mi tshova joko rihi na rihi leri va rhwexiweke rona.

Matewu 11:28

“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,