Eksoda 16:12 - BIBELE Mahungu Lamanene

¹² “Ku dzumadzuma ka Vaisraele, ndzi ku twile! Va tivise leswaku namadyambu va ta dya nyama, nimpundzu va ta dya vuswa va xurha; kutani hi kona va nga ta tiva leswaku mina HOSI, ndzi Xikwembu xa vona!”

Xitsonga (Bibele)

¹² “Ndzi yingisile ku dzumadzuma ka vana va Israele; u va byela, u ku: ‘Nimadyambu mi ta dya nyama, nimixo mi ta xurha vuswa; mi ta tiva leswaku hi mina Yehovha, Xikwembu xa n'wina.’ ”

Eksoda 16:12 Iomraidhean Croise

1 TIHOSI 20:28

Munhu wa Xikwembu a ta eka hosi ya Vaisraele, a ku ka yona: “HOSI Xikwembu xi vurisa sweswo xi ri: ‘Leswi Vasiriya va vuleke leswaku mina HOSI ndzi Xikwembu xa le tintshaveni, ku nga ri Xikwembu xa le timbaleni, ndzi ta nyiketa mintshungu leyikulu leyi emavokweni ya wena, kutani mi ta tiva leswaku hi mina HOSI!’ ”

Pisalema 105:40

Loko va kombela nyama, xi va tisela switsatsatsa, xi va nyika ni vuswa lebyi humaka etilweni va dya va xurha.

Eksoda 12:6

xi hlayisiwa ku fikela siku ra vu-14 ra n'hweti leyi, kutani hi siku leri, Vaisraele hinkwavo va ta hlengeletana, va tlhava swifuwo swa vona hi minkarhi ya madyambu.

Eksoda 16:11

Kutani HOSI Xikwembu xi ku ka Muxe:

Eksoda 4:5

Xikwembu xi ku: “Leswi swi ta khorwisa Vaisraele leswaku ndzi tikombile eka wena, mina HOSI Xikwembu xa vatata wa vona, ndzi nga Xikwembu xa Abrahama, na Isaka, na Yakobo.”

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Eksoda 7:17

Hikokwalaho HOSI Xikwembu xi vurisa sweswo xi ri, hi xona xi nga HOSI! U ta swi tiva hi mukhuva lowu: Mina Muxe ndzi ta ba mati ya nambu hi nhonga leyi ndzi nga yi khoma, kutani ma ta hundzuka ngati.

Yeremiya 31:24

“Kutani va ka Yuda hinkwavo, lava nge mitini ni le swimitaneni, varimi ni vafuwi, va ta kuma ku tshamiseka.

Ezekiele 34:30

Hikokwalaho Vaisraele va ta tiva leswaku ndzi na vona mina HOSI Xikwembu xa vona, ni leswaku hi vona va nga vanhu va mina; ndzi vula sweswo mina HOSI N'wini wa hinkwaswo.

Ezekiele 35:13

Mi lwile na mina hi ku tikurisa ngopfu, mi nga hlawuli marito loko mi vulavula, kambe mina ndzi mi twile!

Ezekiele 39:22

Ku sukela siku rero, Vaisraele va ta tiva leswaku hi mina ndzi nga HOSI, Xikwembu xa vona.

Yuwele 3:17

“Hikokwalaho, mi ta swi tiva leswaku mina HOSI, ndzi Xikwembu xa n'wina, ndzi tshama entshaveni ya mina leyo hlawuleka ya Siyoni. Muti wa Yerusalema wu ta va lowu hlawulekeke, kutani vanhu vambe va nga ka va nga ha tsemakanyi hi le xikarhi ka wona, ni siku ni rin'we.

Levhitika 11:44

hikokwalaho, tivoneleni leswaku mi va lava hlawulekeke, hikuva mina ndzi hlawulekile. Mi nga tshuki mi tinyamisa hi ku dya xihadyana xihi na xihi lexi kokovaka emisaveni.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Tinhlayo 11:4

Exikarhi ka Vaisraele a ku ri ni ntlawa wa vanhu vambe lava a va rilela swakudya swo nandziha, kutani Vaisraele va tlhela va vilela, va ku: “Mawaku lava dyaka nyama!

Tinhlayo 14:27

“Xana ntshungu lowu wa vabihi wu ta ndzi dzumadzumela ku ya fika rini xana? Ndzi va twile Vaisraele lava loko va ri karhi va ndzi dzumadzumela.