Eksoda 13:2 - BIBELE Mahungu Lamanene

² “U fanele ku hlawula mativula hinkwawo ya vanhu ni ya swifuwo, u ma nyiketa eka mina; hinkwaswo leswi rhangeke ku velekiwa, exikarhi ka Vaisraele kumbe eka swifuwo swa vona, i swa mina.”

Xitsonga (Bibele)

² hinkwaswo leswi tivulaka exikarhi ka vana va Israele, hambi va ri vanhu, hambi swi ri swifuwo, i swa mina.”

Eksoda 13:2 Iomraidhean Croise

Nehemiya 10:36

Na vona vana va hina va mativula hi ta va yisa endlwini ya Xikwembu xa hina, eka vaprista lava tirhaka kona; hi ta yisa ni mativula ya swifuwo swa hina leswikulu ni leswitsongo, hilaha swi tsariweke hakona eNawini.

Nehemiya 10:37

Hi ta yisela ni vaprista endlwini ya Xikwembu xa hina mavele lama hi sungulaka ha wona ku kandza; hi ta va yisela ni mihlengo ya hina ya mihandzu ya mirhi hinkwayo, ni ya vhinyo, ni ya mafurha; hi ta yisela ni Valevhi vukhume bya swa le masin'wini, hikuva hi vona va vekiweke ku hlengeleta vukhume eswimitaneni swa hina.

Eksoda 13:1

HOSI Xikwembu xi lerisa Muxe xi ku:

Eksoda 22:28

“Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

Eksoda 23:19

“Leswi mi nga ta rhanga mi swi tshovela emasin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.

Eksoda 4:22

U ta ku ka Faro: ‘HOSI Xikwembu xi vurisa sweswo xi ri: Israele i mativula ya mina,

Ezekiele 16:20

U tekile ni vana va wena va xinuna ni va xisati lava u nga ndzi velekela vona, u humesa ha vona magandzelo lama fanelaka ku dyiwa hi swifaniso leswi! Xana mintirho ya wena ya vunghwavava a yi nga bihanga ku ringana,

Ezekiele 16:21

leswi u dlayeke vana va mina, u humesa ha vona magandzelo lama nga hiseriwa swifaniso swa hava, xana?

Levhitika 27:26

“Swifuwo swa mativula i swa mina HOSI, hikokwalaho ku nga vi na loyi a nge ú lava ku swi nyiketa eka mina; yi nga va homu ya mativula, kumbe nyimpfu ya mativula, yo va ya mina hi nawu.

Tinhlayo 18:15

“Hinkwaswo leswi rhangeke ku velekiwa eka vanhu ni ka swifuwo, leswi Vaisraele va ndzi humeseleke swona mina HOSI, swi ta va swa n'wina. Kambe mi ta fanela ku kutsula mativula ya vanhu ni ya swifuwo leswi nga tengangiki.

Tinhlayo 3:12

“Vona, ematshan'weni ya swilo hinkwaswo leswi rhangeke ku velekiwa exikarhi ka Vaisraele, ndzi hlawurile Valevhi. Valevhi va ta va va mina,

Tinhlayo 3:13

hikuva mativula hinkwawo i ya mina. Hi siku leri ndzi heriseke mativula hinkwawo etikweni ra Egipta, ndzi hlawulekisile mativula hinkwawo ya vanhu ni ya swifuwo exikarhi ka Vaisraele, ma va ya mina. Valevhi va ta va vanhu va mina. Hi mina HOSI.”

Luka 2:23

hikuva ku tsariwile leswi eNawini wa Hosi: “N'wana un'wana ni un'wana wa xinuna, wa mativula, ú ta hlawuleriwa Hosi.”

Duteronoma 15:19

“Mativula hinkwawo ya xinuna lama velekiweke emintlhambini ya swifuwo swa n'wina leswikulu ni leswitsongo, mi ta ma nyiketa eka HOSI Xikwembu xa n'wina. Mativula ya swifuwo swa n'wina leswikulu, mi nga tshuki mi ma tirhisa mintirho; na wona mativula ya swifuwo swa n'wina leswitsongo, mi nga ma tsemeti voya.

Vaheveru 12:23

ni le nhlengeletanweni ya vanhu va mativula lava marito ya vona ma tsariweke etilweni, ni le ka Muavanyisi loyi a nga Xikwembu xa vanhu hinkwavo, ni le ka mimoya ya vanhu lavo lulama lava nyikiweke ku hetiseka;