Eksoda 12:2 - BIBELE Mahungu Lamanene

² “N'hweti leyi eka n'wina yi ta va yo sungula ya tin'hweti hinkwato, mi ta sungula lembe ha yona.

Xitsonga (Bibele)

² “N'hweti leyi yi ta va eka n'wina masungulo ya tin'hweti, yi ta va n'hweti yo sungula ya lembe.

Eksoda 12:2 Iomraidhean Croise

Estere 3:7

Hi lembe ra vu-12 ra ku fuma ka hosi Ahasuwerusi, hi n'hweti yo sungula yi nga ya Nisani, Hamani a lerisa leswaku ku hoxiwa vuhlolotwana lebyi vuriwaka “Puru”; va hlahluva ha byona masiku ya tin'hweti hinkwato hi ku landzelelana ka wona, ku ko ku boxiwa siku ra vu-13 ra n'hweti ya vu-12 leyi vuriwaka Adara, ri va rona siku ra ku herisiwa ka rixaka ra Vayuda.

Eksoda 12:1

HOSI Xikwembu xi byela Muxe na Aroni etikweni ra Egipta, xi ku:

Eksoda 12:18

Ku sukela madyambu ya siku ra vu-14 eka n'hweti yo sungula, ku ya fikela madyambu ya siku ra 21, mi fanele ku dya xinkwa lexo-ke-comela.

Eksoda 12:3

Vitanani Vaisraele hinkwavo, mi va byela leswaku, hi siku ra vukhume ra n'hweti leyi, va lavela mindyangu ya vona swinyimpfana kumbe swimbutana, xin'we hi ndyangu;

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Eksoda 13:4

Namuntlha, hi n'hweti leyi ya Abibi, ma huma etikweni ra Egipta.

Eksoda 23:15

Mi ta endla Nkhuvo wa Xinkwa lexo-ke-comela; hilaha ndzi mi leriseke hakona, mi fanele ku dya xinkwa lexo-ke-comela masiku ya 7 enkarhini lowu vekiweke wa n'hweti ya Abibi, hikuva hi yona n'hweti leyi mi humeke ha yona etikweni ra Egipta. Ku nga vi na munhu loyi a taka emahlweni ka mina a nga tamelanga nchumu.

Eksoda 34:18

“Mi ta endla nkhuvo wa Xinkwa lexo-ke-comela, hilaha ndzi mi leriseke hakona. Mi fanele ku dya xinkwa lexo-ke-comela masiku ya 7, hi nkarhi lowu vekiweke eka n'hweti ya Abibi, hikuva hi yona n'hweti leyi mi humeke ha yona etikweni ra Egipta.

Eksoda 40:17

Ntsonga wu yimisiwa hi siku ro sungula ra n'hweti yo sungula, hi lembe ra vumbirhi ra ku huma ka Vaisraele etikweni ra Egipta.

Ezekiele 45:18

HOSI N'wini wa hinkwaswo ú vurisa sweswo ú ri: “Hi siku ro rhanga ra n'hweti yo rhanga, mi ta teka xinkuzana lexi nga solekiki, mi humesa ha xona gandzelo ro basisa Tempele.

Ezekiele 45:21

“Hi siku ra vu-14 ra n'hweti yo rhanga, mi ta dya Nkhuvo wa Paseka, kutani ku sukela siku rero, mi ta dya swinkwa leswo-ke-comela masiku hinkwawo vhiki ri kondza ri hela.

Levhitika 23:5

“Hi siku ra vu-14 ra n'hweti yo sungula, hi minkarhi ya madyambu, ku ta va ni Nkhuvo wa Paseka wo tlangela mina HOSI.

Tinhlayo 28:16

“Hi siku ra vu-14 ra n'hweti yo sungula, ku ta va ni nkhuvo wa Paseka wo tlangela mina HOSI.

Duteronoma 16:1

“N'hweti ya Abibi, mi nga yi rivali; hi n'hweti leyi, endlani Nkhuvo wa Paseka mi tlangela HOSI Xikwembu xa n'wina, hikuva hi yona n'hweti leyi xi mi humeseke ha yona nivusiku etikweni ra Egipta.