Eksoda 11:3 - BIBELE Mahungu Lamanene

³ Kutani HOSI Xikwembu xi endla leswaku Vaisraele va tsakeriwa hi Vaegipta. Naswona, etikweni ra Egipta, Muxe a a ri munhu wo chaviseka swinene emahlweni ka malandza ya Faro ni vaaki va tiko.

Xitsonga (Bibele)

³ Kambe Yehovha a tsetselerise tiko eka Vaegipta; na yena Muxe a a ri munhu lonkulu ngopfu etikweni ra Egipta, emahlweni ka malandza ya Faro, ni le mahlweni ka tiko.

Eksoda 11:3 Iomraidhean Croise

Genesa 12:2

Kutani ndzi ta ku endla tiko lerikulu, ndzi ku katekisa, ndzi kurisa vito ra wena; u ta va xihlovo xa minkateko.

Genesa 39:21

Kambe HOSI Xikwembu xi va na Yosefa, xi n'wi komba tintswalo leto tshembeka, xi endla leswaku mulanguteri wa khotso a n'wi tsakela.

2 SAMIELE 7:9

Hinkwako lomu u yeke kona, ndzi vile na wena; ndzi herisile valala va wena matlhelo hinkwawo. Kutani sweswi, ndzi ta kurisa vito ra wena, ndzi ku endla un'wana wa vanhu lava dumeke emisaveni.

Estere 9:4

Wanuna loyi Mordekayi a a ri ni xiyimo xa le henhla emutini wa hosi, naswona ku twala ka yena a ku tiveka eswifundzheni hinkwaswo, hikuva matimba ya yena a ma ya ma kula.

Pisalema 106:46

Xi endlile leswaku hinkwavo lava yiseke Vaisraele evukhumbini, va sungula ku va twela vusiwana.

Eksoda 12:35

Vaisraele va endla ni leswi Muxe a a va lerisile swona: Va kombela swo bomba ha swona swa silivhere ni nsuku eka Vaegipta, va kombela ni swo ambala.

Eksoda 12:36

Naswona, HOSI Xikwembu xi endla leswaku Vaisraele va tsakeriwa hi Vaegipta, va nyikiwa leswi va swi kombelaka. Hi ndlela leyi, Vaisraele va tekela Vaegipta swilo swa vona.

Eksoda 3:21

Naswona, ndzi ta endla leswaku n'wina Vaisraele mi tsakeriwa hi Vaegipta; kutani loko mi huma etikweni, a mi nga fambi ntsena, mi ta va mi tamerile swin'wana.

Esaya 60:14

Vana va lava va ku xaniseke va ta ta eka wena va ri karhi va tilondla-londla, hambi va ri vanhu hinkwavo lava a va ku langutela hansi, va ta ku nkhinsamela. Va ta ku vula ‘Muti wa HOSI Xikwembu, Siyoni, muti wa Muhlawuleki wa Israele’.

Timhaka 7:22

Kutani Muxe a dyondzisiwa vutlhari hinkwabyo bya Vaegipta, a va munhu wa matimba eku vulavuleni ni le ku tirheni.

Duteronoma 34:10

Exikarhi ka Vaisraele, a ka ha humelelanga muprofeta wo fana na Muxe, hikuva HOSI Xikwembu a xi vulavula na yena va langutanile.

Duteronoma 34:11

A ku vanga na muprofeta na un'we loyi a endleke mahlori ni swihlamariso ku fana ni leswi HOSI Xikwembu xi rhumeke Muxe ku ya swi endla etikweni ra Egipta, eka Faro ni malandza ya yena hinkwawo ni vanhu va yena hinkwavo.

Yoxuwa 4:14

Hi siku rero, HOSI Xikwembu xi kurisile Yoxuwa emahlweni ka Vaisraele hinkwavo; kutani va sungula ku n'wi komba xichavo, ku fana ni leswi va kombeke Muxe xichavo vutomi bya yena hinkwabyo.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.