Eksoda 10:7 - BIBELE Mahungu Lamanene

⁷ Hiloko malandza ya Faro ma ku ka yena: “Xana wanuna loyi ú ta hi vangela makhombo ku fikela rini xana? Pfumela leswaku ku famba vavanuna, va ya gandzela HOSI Xikwembu xa vona. Xana ni sweswi a wu si swi vona leswaku tiko ra Egipta ra lova, xana?”

Xitsonga (Bibele)

⁷ Kutani malandza ya Faro ma ku eka yena: “Wanuna loyi u ta va ntlhamu eka hina ku fika rini xana? Tshunxa vanhu lavo, va ya tirhela Yehovha, Xikwembu xa vona. A ku swi voni leswaku Egipta wa lova xana?”

Eksoda 10:7 Iomraidhean Croise

Pisalema 107:34

ni tiko ro nona ri hundzuka makwandzasi, loko vaaki va kona va endla leswo biha.

Eksoda 12:33

Vanhu va Egipta va hatlisisa Vaisraele, va va hlongola etikweni, hikuva a va ku: “Hi ta fa hi hela hinkwerhu.”

Eksoda 23:33

Vanhu lava a va fanelanga ku tshama etikweni ra n'wina, hikuva va nga mi kokela eku ndzi dyoheleni; naswona loko mi gandzela swikwembu swa vona, mi ta va mi tiphasa hi ntlhamu.”

Eksoda 7:5

Loko ndzi tirhisile matimba ya mina ehenhla ka tiko ra Egipta ku humesa vanhu va mina exikarhi ka rona, hi kona Vaegipta va nga ta tiva leswaku hi mina HOSI Xikwembu.”

Eksoda 8:19

Kutani vangoma va ku ka Faro: “Lowu i ntirho wa Xikwembu!” Kambe Faro a tinonon'hwisa, a nga yingisi Muxe na Aroni, hilaha HOSI Xikwembu a xi vurile hakona.

Swivuriso 29:6

Munhu wo biha mbilu, ú wela entlhan'wini wa swidyoho swa yena, kasi lowo lulama, wo tiyimbelelela a tsakile.

Eklesiasta 7:26

Naswona, ndzi kume leswi: Wansati ú tlula rifu hi ku bava: Ú tumbelela vavanuna kukota muhloti; mbilu ya yena i ntlhamu; emavokweni ya yena, wanuna ú le khotsweni! Lava chavaka Xikwembu, va n'wi chupukela, kambe vadyohi va phasiwa hi yena.

Esaya 14:20

A wu nga lahliwi kukota tihosi letin'wana, hikuva u onhile tiko ra wena, u dlayetela vanhu va wena. “Vana va lowo homboloka va ta hela va ku bi!

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?

Yeremiya 48:4

Tiko ra Mowabu ra herisiwa hakunene, yingisani ku rila ka swihlangi swa rona!

Yeremiya 51:8

Rilelani muti wa Babilona, hikuva ku nga ri khale wu ta fayiwa wu wa. Tekani murhi mi tota timbanga ta wona, kumbexana wu ta hola.

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

1 Vakorinto 7:35

Ndzi vula leswi ku mi pfuna, ku nga ri ku mi sivela-sivela, kambe ku endlela leswaku swilo hinkwaswo swi famba swinene, mi tinyiketa ku tirhela Hosi, mi nga anakanyi swin'wana.

Yoxuwa 23:13

tivani leswaku HOSI Xikwembu xa n'wina a xi nga ha yi emahlweni xi hlongola vamatiko lava va suka exikarhi ka n'wina, kutani va ta va ntlhamu ni rindzi eka n'wina, ni nkhavi etsheveni, ni mitwa ematihlweni ya n'wina, mi kondza mi hela laha tikweni leri ro saseka leri HOSI Xikwembu xi mi nyikeke rona.

1 SAMIELE 18:21

Kutani embilwini ya yena, Sawulo a a ku: “Ndzi fanele ku nyika Davhida n'wana wa mina Mikala, ndzi rhiya ntlhamu hi yena, leswaku Vafilista va ta dlaya Davhida.” Leri a ri ri ra vumbirhi Sawulo a ringeta ku hundzula Davhida a va mukon'wana wa yena.

1 SAMIELE 5:11

Kutani va rhumela rito eka tihosi ta Vafilista, tona ti endla nhlengeletano na vona, kutani va ku ka tona: “Tlheriselani Areka ya Xikwembu ekaya ka yona, yi ta ka yi nga ha hi heti, hina ni vanhu va ka hina.” Muti hinkwawo a wu khomiwile hi ku chava lokukulu, wu chava ku fa, hikuva HOSI Xikwembu a xi ba vanhu va kona hi nkhavi lowukulu.