Daniele 8:3 - BIBELE Mahungu Lamanene

³ Kutani loko ndzi tlakusa mahlo, ndzi vona nyimpfu ya khuna yi yimile eribuweni ra nambu wolowo. A yi ri ni timhondzo timbirhi, ti ri leto leha hi vumbirhi bya tona, kambe lerin'wana a ri lehile ku tlula lerin'wana, hambileswi a ri mirile endzhaku.

Xitsonga (Bibele)

³ Ndzi tlakusa mahlo ndzi languta, kutani vonani, khuna a ri yimile emahlweni ka nambu, ri ri ni timhondzo timbirhi, timhondzo leti a ti lehile, rin'wana ri hundza rin'wana hi ku leha kutani rona ri kula endzhaku.

Daniele 8:3 Iomraidhean Croise

1 TIKRONIKA 21:16

Kuteloko Davhida a languta ehenhla, a vona ntsumi ya HOSI Xikwembu yi yimile exikarhi ka tilo ni misava, yi khomile fumu yi ri kongomisa eYerusalema. Hiloko Davhida ni vakulukumba va yena va ambala swiambalo swo khwaxa swa nkosi, va wela hansi hi mimombo.

Ezra 1:2

“Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda.

Ezra 4:5

va xava ni vatsundzuxi va hosi leswaku va onha makungu ya va ka Yuda. Va endlile sweswo nkarhi hinkwawo lowu Korexe a fumeke ha wona etikweni ra Vaperesi, ni le nkarhini wa ku fuma ka Dariyosi etikweni rero.

Estere 1:3

A ri ri lembe ra vunharhu ra ku fuma ka yena; kutani siku rin'wana a endlela tihosana ta yena ni malandza ya yena hinkwawo enkhuvo. Vafambisi va mavuthu ya Vaperesi ni Vameda, ni tinganakana, ni vafambisi va swifundzha, na vona a va rhambiwile.

Esaya 13:17

HOSI Xikwembu xi ri: “Ndzi le ku vitaneni ka Vameda, leswaku va ya hlasela Babilona; vona a va na mhaka na silivhere, ni nsuku a va wu tsakeli.

Esaya 21:2

Xikwembu xi ndzi tivisile swilo swo chavisa hi xivono, xi ku: “Vanhu lava va tihanyi va ha endla swa tihanyi ni sweswi, vadlayi na vona va ha dlaya; hikokwalaho, va tlhandlukeleni n'wina va le Elamu, n'wina Vameda, yanani mi ya va rhendzela; mintirho ya vona hinkwayo ya tihanyi, ndzi lava ku yi herisa.”

Esaya 44:28

Hi tlhelo ra Korexe, ndzi ri: ‘I murisi wa ntlhambi wa mina, hinkwaswo leswi ndzi swi lavaka, ú ta swi endla: Ú ta lerisa leswaku muti wa Yerusalema wu pfuxiwa, ni leswaku masungulo ya Tempele ma akiwa hi vuntshwa.’ ”

Yeremiya 51:11

HOSI Xikwembu xi rhamba tihosi ta Vameda, xi ti tiyisa, hikuva xi ni makungu ya ku tirihisela hi ku herisa muti wa Babilona, xi rihiseta eka lava hiseke Tempele ya xona. Hikokwalaho ku twala xileriso lexi nge: “Lotani miseve, mi khoma ni switlhangu!

Daniele 10:5

Ndzi lo na tlakusa mahlo, ndzo vona munhu la ambaleke swiambalo swa ntsembyani, a tikhame hi vamba ra nsuku lowu tengeke.

Daniele 2:39

Endzhaku ka mfumo wa wena, ku ta nghena mfumo lowuntshwa lowu nga ta va hansinyana eka lowa wena. Loko ku hundzile nkarhi, ku ta humelela mfumo wun'wana wa vunharhu, lowu fanisiwaka hi koporo, wona wu ta eneta misava hinkwayo.

Daniele 5:31

kutani Dariyosi lowa rixaka ra Vameda a va hosi ya tiko. Enkarhini wolowo, Dariyosi a a ri ni malembe ya 62.

Daniele 6:28

Kutani, enkarhini wa ku fuma ka Dariyosi, ne nkarhini wa ku fuma ka Korexe lowa Muperesi, Daniele a a ri ni xiyimo xa le henhla.

Daniele 7:5

Kutani ndzi languta xivandzana xa vumbirhi; xona a xi fana ni bere. A xi bvutamile kunene; enon'weni wa xona a xi lumile timbambu tinharhu; kutani xi byeriwa ku suka xi yima, xi mitetela nyama yo tala.

Daniele 8:2

Loko ndzi ri karhi ndzi langutisisa xivono xa kona, ndzi tikuma ndzi ri le Xuxani, entsindza wa xifundzha xa Elamu. Eka xivono xexo, a ndzi yimile kusuhi ni nambu wa Ulayi.

Daniele 8:20

Nyimpfu ya khuna leyi u yi voneke yi ri ni timhondzo timbirhi, swi vula mimfumo ya Vameda ni Vaperesi.

Zakariya 1:18

Ndzi tlakusa mahlo ya mina, kutani ndzi vona timhondzo ta mune.

Zakariya 2:1

Ndzi tlakusa mahlo ya mina, kutani ndzi vona wanuna loyi a a khomile ngoti yo pima ha yona.

Zakariya 5:1

Ndzi tlhela ndzi tlakusa mahlo, kutani ndzi vona buku leyi hahaka empfhukeni.

Zakariya 5:5

Ntsumi leyi a yi vulavula na mina, yi ndzi tshinelela yi ku: “Tlakusa mahlo u xiyaxiya xilo lexi xi taka.”

Zakariya 5:9

Ndzi tlhela ndzi tlakusa mahlo, kutani ndzi vona vavasati vambirhi lava a va ri karhi va ta; a va ri ni timpapa to fana ni ta gumba, va hahisiwa hi moya. Kutani va fika va tlakula ngula, va ya na yona empfhukeni.

Zakariya 6:1

Ndzi tlhela ndzi tlakusa mahlo, kutani ndzi vona makalichi ya mune ma huma hi le xikarhi ka tintshava timbirhi; tintshava ta kona a ti ri ta koporo.

Tinhlayo 24:2

Loko Balaama a tlakusa mahlo, a vona Vaisraele va govile hi ku ya hi tinyimba ta vona; kutani a xikeriwa hi moya wa Xikwembu,

Yoxuwa 5:13

Siku rin'wana loko Yoxuwa a ri kusuhi ni muti wa Yeriko, ú te a tlakusa mahlo, o vona wanuna a yimile emahlweni ka yena a khomile fumu. Kutani Yoxuwa a ya eka wanuna loyi a fika a ku ka yena: “Xana u yima na hina, kumbe u yima ni valala va hina xana?”

Nhlavutelo 13:11

Kutani ndzi vona xivandzana xin'wana lexi humaka hi le misaveni, xi ri ni timhondzo timbirhi ku fana ni Xinyimpfana, kambe xi vula-vula kukota dragona.

Nhlavutelo 5:6

Kutani ndzi vona Xinyimpfana xi yimile exiluvelweni, xi rhendzeriwile hi swivumbiwa leswi hanyaka swa mune ni vakulukumba, xona xi ri xikarhi. Xinyimpfana a xi vonaka onge hi loko xi tshama xi dlayiwa; a xi ri ni timhondzo ta 7, ni mahlo ya 7, lawa ya nga mimoya ya 7 ya Xikwembu leyi rhumeriweke emisaveni hinkwayo.