Daniele 8:2 - BIBELE Mahungu Lamanene

² Loko ndzi ri karhi ndzi langutisisa xivono xa kona, ndzi tikuma ndzi ri le Xuxani, entsindza wa xifundzha xa Elamu. Eka xivono xexo, a ndzi yimile kusuhi ni nambu wa Ulayi.

Xitsonga (Bibele)

² Kuteloko ndzi languta, swi va tanihi loko ndzi ri eXuxani, emutini wa le hosini wa tiko ra Elamu; ndzi vona xivono ndzi tshamile eribuwini ra nambu wa Ulayi.

Daniele 8:2 Iomraidhean Croise

Genesa 10:22

Elamu, na Axuru, na Aripakixada, na Ludi, na Aramu.

Genesa 14:1

Amirafele hosi ya Xinara, na Ariyoko hosi ya Elasara, na Kedoro-Lawomere hosi ya Elamu, na Tidala hosi ya Goyimi,

Nehemiya 1:1

Lawa i marito ya Nehemiya n'wana Hakaliya: Hi n'hweti ya Kislevhu, hi lembe ra vu-20 ra ku fuma ka Ataserkisi, loko ndzi ri entsindza le Xuxani,

Estere 1:2

Enkarhini wolowo, hosi Ahasuwerusi a a fuma a ri emutini wa Xuxani, lowu a wu ri wona ntsindza.

Estere 2:8

Loko nawu wa hosi ni xileriso xa yona swi tivisiwile, vanhwana lavo tala va hlengeletiwile entsindza le Xuxani, va rindziwa hi Hegayi. Estere na yena a yisiwa entsindza, a vekiwa emavokweni ya Hegayi, mulanguteri wa vasati va hosi.

Estere 3:15

Nawu wa kona wu humesiwile le ntsindza eXuxani, kutani hi ku lerisa ka hosi, varhumiwa lava kotaka ku tsutsuma va hatla va wu fambisa. Kutani hosi na Hamani va tshama hansi va nwa. Kasi emutini wa Xuxani a ku ri ni mpfilumpfilu.

Estere 7:6

Nkosikazi Estere a hlamula a ku: “Nala ni muxanisi wa hina i mubihi loyi, Hamani!” Kutani Hamani a khomiwa hi ku chava lokukulu emahlweni ka hosi na nkosikazi.

Estere 8:15

Kutani Mordekayi a huma emutini wa hosi, a ambarile minceka ya vukosi ya muhlovo wa rihlaza ra tilo ni ku basa, a ambele ni harhi leyikulu ya nsuku, ni nceka wa ntsembyani wo saseka wa xivunguvungu. Vaaki va muti wa Xuxani a va ba minkulungwana va tsakile.

Estere 9:11

Hi siku rero, hosi yi tivisiwa nhlayo ya lava dlayiweke entsindza le Xuxani.

Estere 9:15

Vayuda lava a va ri eXuxani, va tlhela va hlengeletana hi siku ra vu-14 ra n'hweti ya Adara, kutani va dlaya vavanuna lava ringanaka 300, kambe va nga phanghi swilo swa vona.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Esaya 21:2

Xikwembu xi ndzi tivisile swilo swo chavisa hi xivono, xi ku: “Vanhu lava va tihanyi va ha endla swa tihanyi ni sweswi, vadlayi na vona va ha dlaya; hikokwalaho, va tlhandlukeleni n'wina va le Elamu, n'wina Vameda, yanani mi ya va rhendzela; mintirho ya vona hinkwayo ya tihanyi, ndzi lava ku yi herisa.”

Yeremiya 25:25

ni tihosi hinkwato ta le Zimri, ni ta le Elamu, ni ta Vameda;

Ezekiele 1:1

Hi lembe ra vu-30, esikwini ra vuntlhanu ra n'hweti ya vumune, a ndzi tshamile eribuweni ra nambu wa Kebara exikarhi ka va ka Yuda lava yisiweke evukhumbini, kutani ndzi vona matilo ma pfuleka, Xikwembu xi ndzi komba ni xivono.

Ezekiele 32:24

“Elamu hi yaloyi, ni vanhu va yena hinkwavo lava rhendzelaka sirha ra yena, va nga hinkwavo lava tlhaviweke hi fumu va fa; va rhelela va ya exivandleni xa vafi va ri lava solekaka, kasi khale vanhu hinkwavo lava hanyaka emisaveni a va va chava; namuntlha va hlangana ni lava feke khale, va ri ni tingana letikulu.

Daniele 10:4

Kutani hi siku ra vu-24 ra n'hweti yo sungula, ndzi tikumile ndzi ri eribuweni ra nambu lowukulu wa Tigrisi.

Daniele 7:15

Daniele a engeta a ku: “Moya wa mina a wu nga ri na ku rhula, swivono leswi ndzi swi voneke a swi ndzi pfumata vurhongo.

Daniele 7:2

a ku: “Xivono lexi ndzi xi voneke nivusiku i xa timheho ta mune leti a ti ri karhi ti pfindlusa swidziva swa lwandle.

Daniele 8:1

“Hi lembe ra vunharhu ra ku fuma ka hosi Belxatsara, mina Daniele ndzi tlhele ndzi kombiwa xivono, xo fana ni leswo sungula.

Daniele 8:3

Kutani loko ndzi tlakusa mahlo, ndzi vona nyimpfu ya khuna yi yimile eribuweni ra nambu wolowo. A yi ri ni timhondzo timbirhi, ti ri leto leha hi vumbirhi bya tona, kambe lerin'wana a ri lehile ku tlula lerin'wana, hambileswi a ri mirile endzhaku.

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Vaheveru 1:1

Hi minkarhi leyo tala ni tindlela leto tala, Xikwembu xi vulavurile khale na vatatana, hi milomo ya vaprofeta.

Nhlavutelo 9:17

Hi swona leswi ndzi nga swi vonisa xiswona swa tihanci, eka xivono xa mina: Vagadi va tona a va ambele swisirhelelo swa swifuva leswi a swi fana ni ndzilo hi ku tshwuka, swi ri swa rihlaza kukota ribye ra “safiri”, ni swa xitshopana ku fana ni xivavula. Tinhloko ta tihanci a ti fana ni ta tinghala; emilon'weni ya tona a ku huma ndzilo ni musi ni xivavula.