Daniele 7:1 - BIBELE Mahungu Lamanene

¹ Hi lembe ro sungula ra ku fuma ka Belxatsara hosi ya le Babilona, Daniele loko a etlele, ú lorhile norho, a vona ni xivono, kutani a tsala norho wa kona ni timhaka ta wona,

Xitsonga (Bibele)

¹ Hi lembe ra ku sungula ka ku fuma ka Belxatsara, hosi ya Babilona, Daniele, a ri vulawini bya yena, a va ni norho ni swivono emoyeni wa yena.

Daniele 7:1 Iomraidhean Croise

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Genesa 46:2

Kutani nivusiku Xikwembu xi vulavula na yena hi xivono, xi ku: “Yakobo, Yakobo!” Yena a pfumela a ku: “Hi mina loyi!”

Ntirho 4:13

Enkarhini lowu vanhu va etleleke nivusiku, mina ndzi kombiwile swivono leswo hlamarisa;

Esaya 30:8

HOSI Xikwembu xi ku ka mina: “Teka ribye ra xiphepherhele, u tsala swilo leswi emahlweni ka vanhu lava, u swi tsala ni le bukwini, leswaku byi ta va vumbhoni hilaha ku nga heriki.

Esaya 8:1

HOSI Xikwembu xi ku ka mina: “Teka ribye lerikulu ra xiphepherhele u tsala eka rona hi maletere lamakulu, u ku: ‘Lexi i xa Hatla-Phangha-Hatlisa-Hlasela.’ ”

Yeremiya 23:28

Munhu loyi a lorhaka, n'wi tshikeni a hlamusela milorho ya yena! Kambe muprofeta loyi mina ndzi n'wi rhumeke, a a hlamusele marito ya mina hi ku tshembeka, kutani mi ta vona ku tiya ka mhaka leyi nge: ‘Mungu ni mavele a swi hlangani!’

Yeremiya 27:7

Vanhu va matiko hinkwawo va ta n'wi tirhela, yena ni vana va yena ni vatukulu va yena, ku kondza ku fika nkarhi wa ku biwa ka tiko ra yena, kutani ri ta fumiwa hi tinxaka tin'wana leto tala ni tihosi tin'wana ta matimba.

Yeremiya 36:32

Hiloko Yeremiya a teka buku yin'wana, a yi nyika Baruku n'wana Neriya matsalani wa yena. Kutani Baruku a tsala eka yona leswi Yeremiya a n'wi byeleke swona, ma nga marito hinkwawo lawa a ma ri ebukwini leyi hisiweke hi Yoyakimi hosi ya Yuda; kutani ku engeteleriwa marito man'wana layo tala, lama fambelanaka ni layo sungula.

Yeremiya 36:4

Hiloko Yeremiya a vitana Baruku n'wana Neriya, kutani Baruku a tsala ebukwini marito lama humaka enon'weni wa Yeremiya, ma nga marito hinkwawo lawa HOSI Xikwembu xi n'wi byeleke wona.

Ezekiele 1:1

Hi lembe ra vu-30, esikwini ra vuntlhanu ra n'hweti ya vumune, a ndzi tshamile eribuweni ra nambu wa Kebara exikarhi ka va ka Yuda lava yisiweke evukhumbini, kutani ndzi vona matilo ma pfuleka, Xikwembu xi ndzi komba ni xivono.

Ezekiele 40:2

xi ndzi fikisa etikweni ra Israele hi xivono, xi ndzi yimisa entshaveni leyo leha ngopfu. Hi tlhelo ra le dzongeni ra ntshava leyi, a ku vonaka leswi fanaka ni tindlu ta muti.

Daniele 1:17

Xikwembu xi nyika majaha lawa ya mune evutivi ni vutlhari, ni ku tiva matsalwa hinkwawo; Daniele yena a a twisisa swivono hinkwaswo ni milorho hinkwayo.

Daniele 2:1

Hi lembe ra vumbirhi ra ku fuma ka yena, Nebukadnetsara a lorha milorho yo tala, kutani a karhateka emoyeni, vurhongo byi nga ha phahi.

Daniele 2:26

Hosi yi vulavula na Daniele, loyi va n'wi thyeke vito ra Beltexatsara, yi ku: “Xana u nga ndzi byela norho wa mina, u tlhela u ndzi hlamusela leswi wu vulaka swona, xana?”

Daniele 4:13

“Loko ndza ha etlele, ndzi vona mulanguteri wo hlawuleka a xika hi le tilweni.

Daniele 4:5

Kutani loko ndzi etlele, ndzi lorha norho lowu wu nga ndzi chavisa, ndzi twa nhloko ya mina yi pfuma hikwalaho ka xivono lexi ndzi xi voneke.

Daniele 5:1

Hosi Belxatsara ú endlile nkhuvo lowukulu a endlela tindhuna ta yena ta khume ra madzana, kutani a humesa vhinyo, a nwa na vona hinkwavo.

Daniele 5:22

We Belxatsara n'wana Nebukadnetsara, mhaka leyi u yi tivile, kambe a wu titsongahatanga.

Daniele 5:30

Hi vusiku byebyo, Belxatsara hosi ya Vakalediya a dlawa,

Daniele 7:13

Loko ndzi ri karhi ndzi vona xivono lexi nivusiku, “ku humelela loyi a fanaka ni n'wana wa munhu, a ta hi le mapapeni, a fika a tivisiwa eka Loyi a a ri kona ku sukela khale.

Daniele 7:15

Daniele a engeta a ku: “Moya wa mina a wu nga ri na ku rhula, swivono leswi ndzi swi voneke a swi ndzi pfumata vurhongo.

Daniele 7:7

Ndzi tlhela ndzi vona xivono nivusiku, ndzi kombiwa xivandzana xa vumune. Xona a xi tiyile ku tlula mpimo, naswona a xi chavisa ngopfu. A xi ri ni meno lamakulu ya nsimbhi, xi kota ku handzulela ni ku tshovelela, xi tlhela xi kandziyela hi milenge leswi saleke. A xi hambanile ni swivandzana leswin'wana, xi ri ni timhondzo ta khume.

Daniele 8:1

“Hi lembe ra vunharhu ra ku fuma ka hosi Belxatsara, mina Daniele ndzi tlhele ndzi kombiwa xivono, xo fana ni leswo sungula.

Yuwele 2:28

“Endzhaku ka sweswo, nkarhi wu ta fika lowu ndzi nga ta chela moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, lava dyuhaleke va n'wina va ta lorha milorho, vana va n'wina va majaha va ta vona swivono.

Amosi 3:7

Tivani leswaku HOSI N'wini wa hinkwaswo, a nga endli nchumu a nga rhanganga hi ku kombisa makungu ya yena eka vaprofeta malandza ya yena.

Habakuku 2:2

Kutani HOSI yi ndzi hlamula yi ku: “Tsala ta xivono emaribyeni, hi voko ro saseka, leswaku swi ta hlayeka hi ku olova.

Tinhlayo 12:6

kutani xi ku ka vona: “Yingisani marito ya mina: Loko ku ri ni muprofeta exikarhi ka n'wina, mina HOSI Xikwembu ndzi tikomba eka yena hi xivono, ndzi vulavula na yena hi norho.

Varhoma 15:4

Hinkwaswo leswi tsariweke hi lava khale, swi tsariwile leswaku hi dyondza ha swona, ni leswaku hi va ni ku langutela, hikwalaho ka ku tiyisela ni ku chaveleriwa loku hi ku kumaka eMatsalweni.

2 Vakorinto 12:1

Ndzi fanele ku tidzunisa. Hambileswi xi nga xihoxo, ndzi ta vulavula hi mhaka ya swivono ni tinhlavutelo to huma eka Hosi.

Nhlavutelo 1:19

Hikokwalaho, tsala leswi u swi vonaka, swi nga leswi nga kona sweswi ni leswi nga ta humelela endzhaku ka swona.

Nhlavutelo 10:4

Kuteloko matilo ya 7 ma dzindzile, ndzi tilulamisela ku tsala, kambe ndzi twa rito leri humaka etilweni ri ku: “Hlayisa embilwini leswi vuriweke hi ku dzindza ka matilo lawa ya 7, u nga swi tsali.”