Daniele 5:3 - BIBELE Mahungu Lamanene

³ Kutani va tisa swibya swa nsuku ni swa silivhere leswi tekiweke eTempeleni, yi nga yindlu ya Xikwembu le Yerusalema. Hiloko hosi ni tindhuna ta yona ni vasati va yona lavakulu ni lavatsongo va nwela eka swona.

Xitsonga (Bibele)

³ Kutani ku tisiwa mindzheko ya nsuku leyi ngi yi tekiwile etempeleni ya yindlu ya Xikwembu eYerusalema, kutani hosi ni tihosana ta yena, ni vasati va yena, ni swigangu swa yena va nwa hi mindzheko yoleyo.

Daniele 5:3 Iomraidhean Croise

2 TIKRONIKA 36:18

Vakalediya va teka swingolongondzwana hinkwaswo swa yindlu ya HOSI Xikwembu, leswikulu ni leswitsongo, va teka ni xuma xa kona, va phangha xuma xa hosi ni xa tindhuna ta yona, kutani va rhwala swilo leswi hinkwaswo va ya na swona eBabilona.

Esaya 5:14

Xivandla xa vafi xi lote meno, xi ahlamisa swinene nomo wa xona leswaku xi ta mita varhangeri va Yerusalema ni ntshungu hinkwawo, va nghena hinkwavo va ri karhi va ba huwa va tsakile.

Yeremiya 50:28

Yingisani! Vanhu lava phonyokeke etikweni ra Babilona hi lava, va ta hi ku tsutsuma. Entshaveni ya Siyoni va twarisa mahungu, va ku: “HOSI Xikwembu xa hina xi bile va le Babilona, xi va rihiseta, hikuva a va hisile Tempele ya xona.”

Daniele 5:2

Kuteloko va ri karhi va nwa, Belxatsara a lerisa leswaku va n'wi tisela swibya swa nsuku ni swa silivhere, leswaku va ta nwela eka swona, yena ni tindhuna ta yena ni vasati va yena lavakulu ni lavatsongo. Swibya leswi a swi ri leswi tekiweke eTempeleni ya le Yerusalema hi Nebukadnetsara tata wa Belxatsara.

Daniele 5:23

U tikurisile ngopfu emahlweni ka Xikwembu Hosi ya matilo; swibya swa le ndlwini ya xona, swi tisiwile eka wena; kutani wena ni tindhuna ta wena ni vasati va wena lavakulu ni lavatsongo, mi le ku nweni ka vhinyo hi swibya leswi, mi dzunisa swikwembu swa n'wina swa silivhere, ni swa nsuku, ni swa koporo, ni swa nsimbhi, ni swa timhandze, ni swa maribye. Swikwembu leswi a swi voni, a swi twi, a swi tivi nchumu! Kambe Xikwembu lexi tameleke ku hefemula ka wena ni makungu hinkwawo ya vutomi bya wena, a wu na mhaka na xona, a wu xi dzunisi.

Daniele 5:4

Loko vhinyo yi va pyopyile, va sungula ku dzunisa swikwembu swa vona swa nsuku, ni swa silivhere, ni swa koporo, ni swa nsimbhi, ni swa timhandze, ni swa maribye.

Hosiya 2:8

“A a nga swi tivi leswaku hi mina ndzi nyikaka mavele, ni vhinyo ni mafurha; ndzi n'wi nyikile ni silivhere leyo tala ni nsuku, swi nga leswi va gandzelaka Baali ha swona.

Habakuku 1:11

Kutani va hundzela emahlweni ku fana ni xihuhuri, va nyamalala. Va ni nandzu vanhu lava; matimba ya vona, va ma endla xikwembu xa vona.”

Malakiya 1:12

Kambe n'wina vaprista mi tota vito ra mina ethyaka, hi ku anakanya leswaku alitari ya mina N'wini wa hinkwaswo a hi nchumu, ni leswaku swakudya swa kona swa soleka.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Vaavanyisi 19:1

Enkarhini lowu Vaisraele a va nga si va na hosi, a ku ri ni Mulevhi un'wana loyi a a tshama etindhawini ta le xikarhi emagangeni ya Efrayimi; munhu loyi a a tekile nsati lontsongo emutini wa Betlehema etikweni ra Yuda.