Daniele 5:1 - BIBELE Mahungu Lamanene

¹ Hosi Belxatsara ú endlile nkhuvo lowukulu a endlela tindhuna ta yena ta khume ra madzana, kutani a humesa vhinyo, a nwa na vona hinkwavo.

Xitsonga (Bibele)

¹ Hosi Belxatsara a endlela tihosana ta yena ta khume ra madzana nkhuvo lowukulu; kutani a nwa vhinyo emahlweni ka lava khume ra madzana.

Daniele 5:1 Iomraidhean Croise

Genesa 40:20

Hi siku ra vunharhu, ri nga siku leri hosi Faro a a tsundzuka ku velekiwa ka yena, a endlela malandza ya yena hinkwawo enkhuvo lowukulu. Kutani a humesa ndhuna ya vacheri va vhinyo ni ndhuna ya vaphameri va xinkwa ekhotsweni, a va tisa emahlweni ka malandza laman'wana.

Estere 1:3

A ri ri lembe ra vunharhu ra ku fuma ka yena; kutani siku rin'wana a endlela tihosana ta yena ni malandza ya yena hinkwawo enkhuvo. Vafambisi va mavuthu ya Vaperesi ni Vameda, ni tinganakana, ni vafambisi va swifundzha, na vona a va rhambiwile.

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Esaya 22:14

Kambe HOSI ya matimba hinkwawo yi ndzi byerile, yi ku: “Ndzi nga ka ndzi nga va rivaleli vudyoho lebyo tano, va kondza va fa!” HOSI ya matimba hinkwawo, N'wini wa hinkwaswo, ú vurisa sweswo.

Yeremiya 50:35

Tinyimpi a ti wele Vakalediya, ni vaaki hinkwavo va Babilona, ti wela tindhuna ni tintlhari ta vona.

Yeremiya 51:39

Loko va ha nyanyukile, ndzi ta va lulamisela nkhuvo lowukulu, ndzi va pyopyisa va kondza va nga ha titivi, kutani va ta etlela vurhongo lebyikulu; va nga ka va nga ha xalamuki, ku vula mina HOSI.

Yeremiya 51:57

HOSI Xikwembu xi ri: “Ndzi ta pyopyisa tindhuna ni tintlhari, varhangeri ni vafambisi va mavuthu ni tinhenha! Ndzi ta va etlerisa vurhongo lebyikulu, kutani a va nga ha xalamuki, ku vula mina Mufumi, HOSI ya matimba hinkwawo.

Daniele 5:30

Hi vusiku byebyo, Belxatsara hosi ya Vakalediya a dlawa,

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.