Daniele 4:8 - BIBELE Mahungu Lamanene

⁸ Kutani eku heteleleni, ku ta fika Daniele loyi a nga thyiwa vito ra Beltexatsara, ri nga vito ra xikwembu xa mina; naswona moya wa swikwembu leswo hlawuleka wu le henhla ka yena. Kutani ndzi n'wi tivisa norho wa mina, ndzi ku:

Xitsonga (Bibele)

⁸ Eku heleni, ku humelela Daniele emahlweni ka mina, la thyiweke Beltexatsara, ha vito ra xikwembu xa mina, yeloyi moya wa swikwembu leswi hlawuriweke wu nga eka yena, kutani ndzi n'wi byela norho, ndzi ku:

Daniele 4:8 Iomraidhean Croise

Genesa 41:38

kutani Faro a ku ka malandza ya yena: “Munhu wo fambisiwa hi Moya wa Xikwembu ku fana ni loyi, hi nga n'wi kuma kwihi xana?”

Esaya 46:1

Bele na Nebo, swikwembu swa le Babilona, swa nkhinsama, swi lava ku wa; swifaniso leswi swi rhwariwa hi tihomu ni timbhongolo. Leswi Vababilona a va swi tlakula, swi hundzuke ndzhwalo lowu rhwariwaka hi swifuwo leswi karheleke.

Esaya 63:11

Hiloko vanhu va xona va sungula ku tsundzuka minkarhi ya khale, emasikwini ya Muxe, kutani va ku: “Xana HOSI Xikwembu lexi humeseke varhangeri va vanhu va xona ematini ya lwandle, xi kwihi xana? Hi vula xona lexi xi va nyikeke Moya wa xona lowo Kwetsima!

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Ezekiele 17:23

Murhi lowu ndzi ta wu byala entshaveni leyo leha ya Israele. Wu ta kula wu phaka marhavi, wu veka ni mihandzu, wu hundzuka murhi lowukulu wa kedari. Tinyanyana ta tinxaka-xaka ti ta tshama endzhutini wa wona, ti aka swisaka emarhavini ya wona.

Daniele 1:7

Kutani ndhuna ya malandza ya hosi yi va thya mavito lamantshwa: Daniele a thyiwa vito ra Beltexatsara, Hananiya a thyiwa ra Xadraka, Mixaele a thyiwa ra Mexaka, Azariya yena a thyiwa ra Abedi-Nego.

Daniele 2:11

Leswi hosi yi kombelaka swona swa tika. A ku na munhu la nga kotaka ku hlamusela hosi, loko swi nga ri swikwembu, kambe swona a swi tshami na vanhu.”

Daniele 2:26

Hosi yi vulavula na Daniele, loyi va n'wi thyeke vito ra Beltexatsara, yi ku: “Xana u nga ndzi byela norho wa mina, u tlhela u ndzi hlamusela leswi wu vulaka swona, xana?”

Daniele 3:14

Nebukadnetsara a va vutisa a ku: “Xana i ntiyiso leswaku we Xadraka, na we Mexaka, na we Abedi-Nego, a mi na mhaka ni swikwembu swa mina, ni leswaku xifaniso xa nsuku lexi ndzi xi yimiseke, a mi xi khongeli xana?

Daniele 4:18

Lowu hi wona norho lowu ndzi wu lorheke mina hosi Nebukadnetsara. Kutani wena Beltexatsara ndzi hlamusele leswi wu vulaka swona, hikuva tintlhari hinkwato ta tiko ra mina ti tsandzekile. Kambe wena u nga swi kota, hikuva moya wa swikwembu leswo hlawuleka wu le henhla ka wena.”

Daniele 4:9

We Beltexatsara, wena ndhuna ya vangoma, ndza swi tiva leswaku moya wa swikwembu leswo hlawuleka wu le henhla ka wena; ku hava xihundla lexi u tumbeteriweke xona. Norho lowu ndzi wu lorheke hi lowu, kutani wena ndzi byele leswi wu vulaka swona.

Daniele 5:14

Ndzi twile leswaku moya wa swikwembu leswo hlawuleka wu le ka wena, ni leswaku u ni vutivi ni ku twisisa ni vutlhari lebyo hlamarisa.