Daniele 2:5 - BIBELE Mahungu Lamanene

⁵ Kambe hosi yi hlamula Vakalediya yi ku: “Ndzi tsemile mhaka! Loko mo tsandzeka ku ndzi byela norho wa mina ni leswi wu vulaka swona, ndzi ta mi phatlulela mi fa, kutani tindlu ta n'wina ti ta sala ti ri marhumbi ntsena.

Xitsonga (Bibele)

⁵ Hosi yi hlamula, yi ku eka Vakalediya: “Rito ri huma eka mina, ri te: Kungakuloko mi nga ndzi tivisi norho ni ku hlamusela ka wona, mi ta pulukanyisiwa, kutani tindlu ta n'wina ti ta endliwa matala;

Daniele 2:5 Iomraidhean Croise

2 TIHOSI 10:27

Loko va hirimuxile xifaniso lexi xa Baali, va fayetela ni yindlu ya Baali, va yi endla yindlu ya ku humela eka yona. Ni namuntlha, ya ha ri kona.

Ezra 6:11

Tlhandlakambirhi, ndzi veka nawu wa leswaku loyi a nga ta tlula xileriso xa mina, ku ta hlomuriwa mhandze endlwini ya yena, yi dzimiwa ehansi leswaku a hayekiwa eka yona; ni yindlu ya yena yi ta mbundzumuxiwa yi hundzuka rhumbi.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Pisalema 58:7

A va dzudzeke va nyamalala ku fana ni mberha, a va kandziyeriwe hansi va vuna kukota byanyi.

Daniele 2:12

Mhaka leyi yi hlundzukisile hosi Nebukadnetsara ku tlula mpimo, kutani a lerisa leswaku tintlhari hinkwato ta tiko ra Babilona ti herisiwa.

Daniele 3:29

Kutani sweswi ndzi veka nawu lowu nge: Munhu un'wana ni un'wana loyi a nga ta vulavula swo biha hi Xikwembu xa Xadraka, na Mexaka, na Abedi-Nego, ú ta phatluleriwa a fa, muti wa yena wu hundzuka rhumbi, hikuva a ku na xikwembu xin'wana lexi nga ponisaka vanhu hi ndlela leyi.”

Daniele 4:9

We Beltexatsara, wena ndhuna ya vangoma, ndza swi tiva leswaku moya wa swikwembu leswo hlawuleka wu le henhla ka wena; ku hava xihundla lexi u tumbeteriweke xona. Norho lowu ndzi wu lorheke hi lowu, kutani wena ndzi byele leswi wu vulaka swona.

Duteronoma 13:16

Tinhundzu hinkwato ta muti wa kona, mi fanele ku ti rhwala mi ya ti fumba erivaleni ra muti, kutani mi hisa muti hinkwawo ni tinhundzu leti, swi va gandzelo leri hisiwaka leri mi ri humeselaka HOSI Xikwembu xa n'wina. Muti wolowo wu ta tshama wu ri rhumbi hilaha ku nga heriki, wu nge pfuki wu pfuxiwile ni siku ni rin'we.

Yoxuwa 6:26

Kutani enkarhini wolowu Yoxuwa a hlambanya, a ku: “Munhu loyi a nga ta tshuka a pfuxile muti wa Yeriko, ú ta rhuketeriwa emahlweni ka HOSI Xikwembu: “Loko a aka masungulo ya wona, ku ta fa n'wana wa yena wa mativula; loko a yimisa tinyangwa ta wona, ku ta fa n'wana wa yena wa rikotse.”

1 SAMIELE 15:33

Kambe Samiele a ku ka yena: “Banga ra wena ri tekerile vavasati lavo tala evana va vona. Namuntlha, mana wa wena ú tekeriwa n'wana wa yena, ku fana na vona.” Kavaloko Samiele a khavangela Agaga eGiligala a fa, emahlweni ka HOSI Xikwembu.