Daniele 10:3 - BIBELE Mahungu Lamanene

³ A ndzi dyanga nchumu xo nandziha, a ndzi khumbanga nyama kumbe vhinyo, ndzi tshikile ni ku tola mafurha, ku kondza mavhiki manharhu lawa ma hela.

Xitsonga (Bibele)

³ ndzi nga dyi swakudya leswo xawula, ni nyama, hambi yi ri vhinyo a swi nghenanga enon'wini wa mina, kambe a ndzi tolanga mavhiki lamanharhu walawo ma ko ma hetiseka.

Daniele 10:3 Iomraidhean Croise

2 SAMIELE 19:24

Mefiboxete, ntukulu wa Sawulo, na yena a rhelela ku ya hlanganisa hosi Davhida. Himpfhuka xa loko hosi Davhida a humile eYerusalema, Mefiboxete a a nga hlambi milenge, ni malebvu a a nga byewuli, ni swiambalo a a nga hlantswi, ku fikela siku leri Davhida a vuyaka a hlayisekile.

Ntirho 33:20

Swakudya swi n'wi hlambisa timbilu, a hlanta ni leswo xawula.

Daniele 10:12

Kutani a engeta a ku: ‘U nga chavi we Daniele, hikuva ku sukela siku leri u sunguleke ku titsongahata emahlweni ka Xikwembu xa wena, ni ku ringeta ku twisisa makungu ya xona, xona xi twile ku khongela ka wena, kutani hi swona leswi swi ndzi tisaka eka wena.

Daniele 11:8

Kutani va ta phangha swikwembu swa vona leswo vumbiwa kunene, ni swibya swa kona leswo saseka swa silivhere ni nsuku, va rhwala va ya na swona le Egipta. Kutani ku ta va ni malembenyana ya ku rhula, Vaegipta va nga ha hlaseli Vasiriya en'walungwini.

Daniele 6:18

Endzhaku ka sweswo, hosi yi suka yi ya endlwini ya yona ya vuhosi, yi titsona swakudya vusiku hinkwabyo, yi ala ni ku vona vasati va yona, ni vurhongo byi nga phahi.

Amosi 5:11

Mi akile tindlu hi maribye lama vatliweke, kambe mi nga ka mi nga etleli eka tona; mi rimile masimu layo saseka ya vhinya, kambe mi nga ka mi nga nwi vhinyo ya kona, hikuva mi tshikelela vapfumari, mi va tekela mavele hi nkani.

Nahume 2:9

Phanghani silivhere, mi phangha ni nsuku! Mi nga ka mi nga heti swa le vuhlayiselweni bya kona, ni xuma xa kona xa swilo swa risima swa tinxaka-xaka.

Matewu 6:17

Kambe wena, loko u titsona swakudya, tota nhloko ya wena hi mafurha, u hlamba ni nghohe;

Luka 7:46

A wu ndzi totanga mafurha enhlokweni; kambe loyi ú totile milenge ya mina hi mafurha layo nun'hwela.

1 Vakorinto 9:27

kambe ndzi xanisa miri wa mina, ndzi wu endla hlonga, leswaku ndzi nga kumeki ndzi ri la tsandzekaka, endzhaku ka loko mina ndzi ta va ndzi dyondzisile van'wana.