Daniele 1:2 - BIBELE Mahungu Lamanene

² Kutani HOSI Xikwembu xi nyiketa Yoyakimi hosi ya Yuda emavokweni ya Nebukadnetsara, xi nyiketa ni swibya swin'wana swa le Tempeleni emavokweni ya yena. Kutani Nebukadnetsara a ya na swona etikweni ra Xinara, a fika a swi nghenisa endlwini ya swikwembu swa yena, laha nhundzu ya swona yi hlayisiwaka kona.

Xitsonga (Bibele)

² Kutani Yehovha a nyiketa emavokweni ya yena Yoyakimi, hosi ya Yuda, ni swibya swin'wana swa yindlu ya Xikwembu, kutani Nebukadnetsara a famba na swona etikweni ra Xinara, endlwini ya xikwembu xa yena, a nghenisa mitirho leyo evuhlayiselweni bya xikwembu xa yena.

Daniele 1:2 Iomraidhean Croise

Genesa 10:10

Loko Nimrodo a sungula ku fuma, a a fuma miti leyi: Babele, na Ereke, na Akade, hinkwayo yi ri etikweni ra Xinara.

Genesa 11:2

Loko va ri karhi va tsendzeleka evuxeni, va kumile rivala etikweni ra Xinara, kutani va aka kona.

2 TIHOSI 24:1

Enkarhini wa Yoyakimi, Nebukadnetsara hosi ya le Babilona a hloma nyimpi, kutani Yoyakimi a va ehansi ka yena; kambe loko malembe manharhu ma hundzile, Yoyakimi a hundzukela Nebukadnetsara, a n'wi pfukela.

2 TIKRONIKA 36:5

Yoyakimi a a ri ni malembe ya 25 loko a sungula ku fuma, kutani a fuma malembe ya 11 a ri eYerusalema. A endla leswo biha emahlweni ka HOSI, Xikwembu xa yena.

2 TIKRONIKA 36:7

Nebukadnetsara a teka ni swibya swin'wana swa Tempele a famba na swona eBabilona, a ya swi veka endlwini ya yena ya le ntsindza.

Ezra 1:7

Hosi Korexe yena, ú humesile swingolongondzwana swa yindlu ya HOSI Xikwembu, leswi Nebukadnetsara a a swi tekile eYerusalema, a ya swi veka endlwini ya swikwembu swa yena.

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Esaya 42:24

Xana loyi a nyiketeke va ka Yakobo emavokweni ya vaphanghi i mani xana? Ndzi ri i mani loyi a nyiketeke Vaisraele eka swigevenga, xana? A hi un'wana, loko a nga ri HOSI Xikwembu lexi hi xi dyoheleke, hi hambuka endleleni ya xona, hi ala ni ku yingisa milawu ya xona.

Yeremiya 25:1

Hi lembe ra vumune ra ku fuma ka Yoyakimi n'wana Yosiyasi hosi ya Yuda, Yeremiya ú rhwexiwile marito hi tlhelo ra vanhu hinkwavo va ka Yuda. Lembe ra kona a ri ri ro rhanga ra ku fuma ka Nebukadnetsara hosi ya Babilona.

Yeremiya 27:16

Kutani mina. Yeremiya ndzi vulavula ni vaprista ni ntshungu hinkwawo, ndzi va tivisa marito ya HOSI Xikwembu lama nge: “Leswi vaprofeta va n'wina va swi vulaka, mi nga swi amukeli, hikuva va hemba loko va mi tivisa leswaku swingolongondzwana leswi susiweke eTempeleni swi yisiwa le Babilona, swi ta hatla swi vuyisiwa.

Yeremiya 28:3

Malembe mambirhi ma nga si hundza, ndzi ta va ndzi vuyisile eTempeleni leyi swingolongondzwana swa yona hinkwaswo leswi Nebukadnetsara hosi ya Babilona a swi phangheke a famba na swona.

Yeremiya 35:11

Kambe loko Nebukadnetsara hosi ya le Babilona a sungurile ku hlasela tiko leri, hi twananile ku suka hi ta haleno Yerusalema, hi ku chava mavuthu ya Vakalediya ni ya Vasiriya. Hi swona leswi endlaka leswaku hi tshama kwala Yerusalema.”

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Yeremiya 51:44

HOSI Xikwembu xi ri: “Ndzi ta avanyisa Bele, xikwembu xa va le Babilona, ndzi xi sindzisa ku hlanta leswi xi swi miteke, kutani vamatiko va ta tshika ku tshirimukela eka xona! Hambi ri ri rirhangu ra Babilona ri ta wa!

Daniele 5:13

Kutani Daniele a yisiwa emahlweni ka hosi Belxatsara. Hosi yi ku ka yena: “Xana hi wena Daniele, un'wana wa vabohiwa lava hosi tata wa mina a va khomeke etikweni ra Yuda a vuya na vona xana?

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Habakuku 1:16

Hikokwalaho, va humesela tinkoka ta vona emagandzelo, va hisela masole ya vona emirhi ya risuna; hikuva ha swona Vakalediya va hanya emafurheni, eswakudyeni leswo xawula.

Zakariya 5:11

Ntsumi yi ndzi hlamula yi ku: “Va yi yisa etikweni ra Xinara, leswaku va ya yi akela kona eyindlu. Loko yindlu yi ta va yi herile, va ta nghenisa ngula eka yona, va yi tikirheta eka yona.”

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Vaavanyisi 2:14

Hikokwalaho, HOSI Xikwembu xi karihela Vaisraele, kutani xi va tshika va hlaseriwa hi vaxanisi va vona, xi va nyiketa eka valala va vona lava va va rhendzeleke, va nga ha koti ku va hlula.

Vaavanyisi 3:8

Hikokwalaho, HOSI Xikwembu xi va karihela, xi va nyiketa emavokweni ya Kuxani-Rixatayimi hosi ya le Mesopotamiya, kutani Vaisraele va va malandza ya yena ku ringana malembe ya 8.

Vaavanyisi 4:2

Kutani xi va nyiketa emavokweni ya Yabini hosi ya Kanana, loyi a a fuma a ri eHasoro. Mufambisi wa mavuthu ya yena a a ri Sisera, loyi a a tshama eHaroxete-wa-Vamatiko.

1 SAMIELE 5:2

Kutani va fika va yi nghenisa etempeleni ya Dagona xikwembu xa vona, va yi veka kusuhi ni xifaniso xa Dagona wa kona.