Daniele 1:1 - BIBELE Mahungu Lamanene

¹ Hi lembe ra vunharhu ra ku fuma ka Yoyakimi hosi ya Yuda, Nebukadnetsara hosi ya Babilona ú fikile a rhendzela muti wa Yerusalema, leswaku a ta wu hlasela.

Xitsonga (Bibele)

¹ Hi lembe ra vunharhu ra ku fuma ka Yoyakimi, hosi ya Yuda, Nebukadnetsara, hosi ya Babilona, a ta eYerusalema, a sivelela muti hi matlhari.

Daniele 1:1 Iomraidhean Croise

2 TIHOSI 23:36

Yoyakimi a a ri ni malembe ya 25 loko a sungula ku fuma, kutani a fuma malembe ya 11 a ri eYerusalema. Mana wa yena a a ri Zebuda, N'wa-Pedaya wa le Rhuma.

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

Esaya 39:7

Kutani van'wana exikarhi ka vana va wena, lava u va velekeke, va ta khomiwa, va ya tirhela hosi ya le Babilona etindlwini ta yona, va ri vatsheniwa.’ ”

Yeremiya 25:1

Hi lembe ra vumune ra ku fuma ka Yoyakimi n'wana Yosiyasi hosi ya Yuda, Yeremiya ú rhwexiwile marito hi tlhelo ra vanhu hinkwavo va ka Yuda. Lembe ra kona a ri ri ro rhanga ra ku fuma ka Nebukadnetsara hosi ya Babilona.

Yeremiya 35:1

Enkarhini wa ku fuma ka Yoyakimi n'wana Yosiyasi hosi ya Yuda, HOSI Xikwembu xi ndzi rhwexa marito ya xona lama nge:

Yeremiya 35:11

Kambe loko Nebukadnetsara hosi ya le Babilona a sungurile ku hlasela tiko leri, hi twananile ku suka hi ta haleno Yerusalema, hi ku chava mavuthu ya Vakalediya ni ya Vasiriya. Hi swona leswi endlaka leswaku hi tshama kwala Yerusalema.”

Yeremiya 36:1

Hi lembe ra vumune ra ku fuma ka Yoyakimi n'wana Yosiyasi hosi ya Yuda, HOSI Xikwembu xi vulavula na Yeremiya xi ku ka yena:

Yeremiya 45:1

Hi lembe ra vumune ra ku fuma ka Yoyakimi n'wana Yosiyasi hosi ya Yuda, Baruku n'wana Neriya, a heta ku tsala ebukwini marito hinkwawo lama humaka enon'weni wa muprofeta Yeremiya. Kutani Yeremiya a vulavula na Baruku, a ku:

Yeremiya 50:1

Lawa i mahungu hi tlhelo ra muti wa Babilona ni tiko ra Vakalediya, lawa HOSI Xikwembu xi ma tiviseke hi nomo wa muprofeta Yeremiya. HOSI Xikwembu xi ri:

Yeremiya 52:12

Hi lembe ra vu-19 ra ku fuma ka Nebukadnetsara, hi siku ra khume ra n'hweti ya vuntlhanu, Nebuzaradani nandza wa hosi ya le Babilona, ndhuna ya vasirheleri va yona, a nghena eYerusalema.

Yeremiya 52:28

Mintsengo ya vanhu va ka Yuda lava Nebukadnetsara a va yiseke evukhumbini, hi leyi: Hi lembe ra vu-7 ra ku fuma ka yena, ú fambile na vanhu va 3 023.

Daniele 5:13

Kutani Daniele a yisiwa emahlweni ka hosi Belxatsara. Hosi yi ku ka yena: “Xana hi wena Daniele, un'wana wa vabohiwa lava hosi tata wa mina a va khomeke etikweni ra Yuda a vuya na vona xana?