Amosi 4:9 - BIBELE Mahungu Lamanene

⁹ “Ndzi mi vangele mumu ni tshone, mintanga ya n'wina ni masimu ya vhinya swi vuna, tinjiya ti dya mirhi ya n'wina ya minkuwa ni mitlhwari; kambe hambiswiritano, a mi tlhelelanga eka mina.” HOSI yi vula sweswo.

Xitsonga (Bibele)

⁹ “Ndzi bile mavele ya n'wina hi rivungu ni ku vuna; masimu ya n'wina layo tala ya mirhi ni ya vhinya, ni mikuwa ya n'wina, ni mitlhwari swi dyiwa hi tinjiya; hambiswiritano a mi tlhelelanga eka mina,” ku vula Yehovha.

Amosi 4:9 Iomraidhean Croise

1 TIHOSI 8:37

“Nkarhi wun'wana, tiko ri nga wela hi dyandza kumbe ntungu, swimila swi tshwa hi mumu, kumbe swi dyiwa hi mati, kumbe swi hlaseriwa hi tinjiya ni mbhindzula; nkarhi wun'wana, Vaisraele va ta rhendzeriwa hi valala emindzilekaneni ya tiko ra vona, kumbe va ta wela hi mintungu ni mavabyi ya tinxaka-xaka.

2 TIKRONIKA 6:28

“Nkarhi wun'wana, tiko ri nga wela hi dyandza, kumbe ntungu, swimila swi tshwa hi mumu, kumbe swi dyiwa hi mati, kumbe swi hlaseriwa hi tinjiya ni mbhindzula; nkarhi wun'wana, Vaisraele va ta karhatiwa hi valala emindzilekaneni ya tiko ra vona, kumbe va ta wela hi mintungu ni mavabyi ya tinxaka-xaka.

Esaya 1:5

Leswi mi yaka emahlweni mi tiarisa, xana ma ha ta biwa hi kwihi, hikuva nhloko hinkwayo ya vava, ni matimba a ma ha ri na wona.

Esaya 50:11

Kambe n'wina hinkwenu mi tshamaka van'wana xikungu mi lava ku va herisa, hi n'wina mi nga ta herisiwa. HOSI Xikwembu, hi xona xi nga ta endla swilo leswi, mi ta weriwa hi makhombo layo chavisa swinene.

Esaya 9:12

Vasiriya va ta hi le vuxeni, Vafilista va ta hi le vupeladyambu, hinkwavo va nghena va mita tiko ra Israele; hambiswiritano, vukari bya HOSI Xikwembu a byi tlheli, xa ha ta tlakusa voko ra xona, xi va ba.

Yeremiya 3:10

Etimhakeni leti hinkwato, Yuda lowa mukanganyisi makwavo wa Israele a nga hundzukanga a vuyela eka mina hi mbilu ya yena hinkwayo; ú lo tisola hi nomo ntsena. Ndzi vula sweswo mina HOSI.”

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Hosiya 11:5

Va ta tlhelela etikweni ra Egipta, kutani va ta fumiwa hi hosi ya Vaasiriya, hikuva va arile ku vuyela eka mina.

Yuwele 1:4

Leswi siyeke hi xigon'wani, swi dyiwile hi magerere. Leswi magerere ma swi siyeke, xijajani xi dyile, kutani leswi siyeke hi xijajani, swi dyiwile hi mherhavunguvungu.

Yuwele 1:7

Va onhile masimu ya hina ya vhinya, ni mirhi ya hina ya minkuwa, va yi tsemelerile. Va kwamurile mahanti ya yona, va ma cukumetela ehansi, marhavi ya yona va ma kwalarisile.

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Amosi 4:6

“Ndzi vangile ndlala emitini ya n'wina hinkwayo, swakudya swi nga ha kumeki emindyangwini ya n'wina hinkwayo; kambe hambiswiritano, a mi tlhelelanga eka mina.” HOSI yi vula sweswo.

Amosi 4:8

Hikokwalaho, vanhu va miti leyo tala va famba va tsanile, va ya emutini wun'we ku ya nwa mati, kambe va nga kumi yo va korwisa; hambiswiritano, a mi tlhelelanga eka mina.” HOSI yi vula sweswo.

Habakuku 3:17

Hambiloko nkuwa wu nga baleki swiluva, kumbe murhi wa vhinya wu nga cheli mihandzu; hambiloko mutlhwari wu kanganyisa mubyari wa wona, ni masimu ma nga humesi swakudya; hambiloko tinyimpfu ti fa hinkwato ematshangeni, ni tihomu ti nga ha vonaki eswivaleni,

Hagayi 2:17

Ndzi mi bile n'wina ni ntshovelo wa n'wina hinkwawo, hi ku wu hisa hi mumu, ni ku wu borisa hi tshone, ni ku wu ba hi xihangu, kambe a mi tlhelelanga eka mina. Ndzi vula sweswo mina HOSI.

Malakiya 3:11

Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.

Duteronoma 28:22

HOSI Xikwembu xi ta mi rhumela vuvabyi bya xifuva, ni dari, ni ndzhumbelo, ni ku hisa ka miri; xi ta mi rhumela ni dyandza leri nga ta hisa swimilana, kumbe tshone leri ri nga ta swi borisa. Swilo leswi a swi nga mi tshiki, mi kondza mi hela.

Duteronoma 28:42

Mirhi ya n'wina hinkwayo ni hinkwaswo leswi milaka emasin'wini ya n'wina, swi ta va swa tinjiya.