Amosi 4:5 - BIBELE Mahungu Lamanene

⁵ humesani gandzelo ra swinkwa ro nkhensa Xikwembu, twarisani tinyiko ta n'wina mi tidzunisa ha tona, hikuva sweswo hi swona leswi mi swi rhandzaka, n'wina vanhu va Israele!” HOSI N'wini wa hinkwaswo ú vula sweswo.

Xitsonga (Bibele)

⁵ Magandzelo ya n'wina ya mikhenso mi endla ni comela; mi lerisa ni mihlengo leyi humesiwaka hi ku tirhandzela ka munhu, hikuva hi leswi mi swi rhandzaka, n'wina, vana va Israele,” ku vula Hosi Yehovha.

Amosi 4:5 Iomraidhean Croise

Pisalema 81:12

Hikokwalaho ndzi va tshikile va tiendlela hi ku rhandza, va endla leswi tinhloko ta vona ti va byelaka swona.

Esaya 1:1

Buku leyi i ya swivono leswi Esaya n'wana Amotsi a swi voneke eminkarhini ya Uziya, na Yotamu, na Akazi, na Hezekiya, tihosi ta Yuda. Swivono leswi swi kongoma tiko ra Yuda ni muti wa Yerusalema.

Esaya 1:11

HOSI Xikwembu xi ri: “Xana leswi mi ndzi humeselaka magandzelo layo tala, mi ri ndzi endla yini ha wona, xana? Mina ndzi karhele ku hiseriwa tinyimpfu, ni mafurha ya swifuwo leswi noneke; hambi yi ri ngati ya tinkuzi, ni ya swinyimpfana, ni ya swiphongho, a ya ha ndzi tsakisi.

Yeremiya 7:10

Loko mi tiyimiserile ku ya emahlweni mi endla swilo leswi hinkwaswo swa manyala, xana mi nga ha ta mi ta yima emahlweni ka mina, endlwini leyi vito ra mina ri gandzeriwaka eka yona, mi ku: ‘Hina hi hlayisekile!’ xana?

Yeremiya 7:9

Mi le ku yiveni, ma dlaya, ma oswa, mi hlambanya hi mavunwa, mi hisela swikwembu swa Baali emirhi ya risuna, mi landzelela ni swikwembu swin'wana leswi khale a mi nga swi tivi.

Hosiya 9:1

N'wina vanhu va tiko ra Israele, mi nga tshuki mi tsaka, mi nga bi minkulungwana ku fana ni vamatiko, hikuva mi tihambanisile ni Xikwembu xa n'wina, mi tinyiketa eka va Baali kukota tinghwavava, mi tsakisiwa hi mavele ya le swivuyeni hinkwaswo, yi nga hakelo ya vunghwavava bya n'wina.

Hosiya 9:10

N'wina va tiko ra Israele, ndzi mi kumile mi fana ni mirhi ya vhinya emananga; vatata wa n'wina, ndzi va vonile va fana ni matatana; kambe loko va fika eBaala-Peyori, va sungurile ku tinyiketa eka Baali, va tithyakisa ku fana ni xilo lexi a va xi rhandza xo khomisa tingana.

Levhitika 23:17

Emutini wun'wana ni wun'wana, ku fanele ku huma swinkwa swimbirhi leswi swekiweke hi swintewana swimbirhi swa mapa lamanene lama cheriweke comela, leswaku swi ta va nyiko ya mina leyo hlawuleka eka leswi mi rhangeke hi swona mi tshovela.

Amosi 5:21

“Minkhuvo ya n'wina, ndza yi venga, ya ndzi nyenyetsa; ni risema ra leswi tlhaviwaka etinhlengeletanweni ta n'wina, a ndzi ri tsakeli!

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Matewu 15:9

Va tikarhata ntsena hi ku ndzi nkhinsamela, tidyondzo leti va ti dyondzisaka i milawu ya vanhu ntsena.’ ”

Matewu 23:23

“Mi ni khombo n'wina vatsari ni Vafarisi, hikuva mi vakanganyisi: Mi humesa vukhume bya ximbowa-mbowani, ni bya aneta, ni bya kumini, kambe a mi na mhaka ni leswikulu swa Nawu, ku nga ku lulama, ni tintswalo, ni ku pfumela; kasi a mi fanerile ku endla swilo leswi, loko mi ri karhi mi endla ni leswiya swin'wana.

Matewu 6:2

“Hikokwalaho ke, loko u nyika swisiwana, u nga tidzunisi ha swona kukotisa leswi vakanganyisi va swi endlaka emasinagogeni ne tindleleni, leswaku va ta dzunisiwa hi vanhu. Ndzi tiyisile ndzi ri ka n'wina: Hakelo ya vona va yi kumile.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.