Amosi 4:3 - BIBELE Mahungu Lamanene

³ Un'wana ni un'wana ú ta humesiwa emutini hi mbhovo leyi a langutaneke na yona erirhangwini, a ya cukumetiwa le Harimoni.’ ” HOSI yi vula sweswo.

Xitsonga (Bibele)

³ Mi ta huma emutini hi timbhovo, un'wana ni un'wana eka leyi nga emahlweni ka yena, mi balekela ekule ni khokholo ra n'wina,’ ” ku vula Yehovha.

Amosi 4:3 Iomraidhean Croise

2 TIHOSI 25:4

rirhangu ra muti ri boxiwa. Hambileswi mavuthu ya Vakalediya a ma rhendzerile muti, hosi Sedekiyasi ni masocha ya yena hinkwawo va kotile ku baleka nivusiku, hi le nyangweni leyi a yi ri xikarhi ka makhumbi mambirhi, kusuhi ni ntanga wa hosi, kutani va tsutsuma hi ndlela leyi kongomaka enkoveni wa Yordani.

2 TIHOSI 7:15

Va landza mintila ya Vasiriya va ya fika enambyeni wa Yordani, kutani va hlamala ku vona ndlela hinkwayo yi lo n'wálálálá, hi swiambalo ni swigotso leswi Vasiriya va swi cukumeteke loko va tsutsuma. Kutani varhumiwa va tlhela va ya vikela hosi.

Esaya 2:20

Esikwini ra kona, swifaniso swa swikwembu swa silivhere ni swa nsuku, leswi vanhu va swi endleleke ku swi gandzela, va ta swi cukumeta swi ya wela eka timfukuzani ni vamangadyana.

Esaya 31:7

Ra ta siku leri hinkwenu mi nga ta cukumeta swikwembu swa n'wina swa silivhere ni nsuku, leswi mi swi endleke hi mavoko ya n'wina, kutani mi tivangela xidyoho.

Yeremiya 52:7

rirhangu ra muti ri boxiwa. Hambileswi mavuthu ya Vakalediya a ma rhendzerile muti, Sedekiyasi ni masocha ya yena hinkwawo va kotile ku baleka nivusiku hi le nyangweni leyi a yi ri xikarhi ka makhumbi mambirhi, kusuhi ni ntanga wa hosi, kutani va tsutsuma hi ndlela leyi kongomaka enkoveni wa Yordani.

Ezekiele 12:12

Hosi ya Yerusalema yi ta huma emutini yi pakatsile nhundzu emakatleni, yi tifambela nivusiku, yi huma hi mbhovo leyi va yi boxeke ekhumbini; murhangeri loyi ú ta famba a tisivile mahlo, a nga voni laha a yaka kona.

Ezekiele 12:5

U ta boxa khumbi ra yindlu ya wena varikwenu va langutile, u humesa nhundzu ya wena hi mbhovo ya kona.

Amosi 6:7

Hikokwalaho, mi ta rhangisiwa emahlweni eka lava nga ta ya evukhumbini, minkhuvo ni ku tiphina swi ta mi helela.”

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Matewu 16:26

Hikokwalaho loko munhu a kota ku fuwa misava hinkwayo, kambe a lahlekeriwa hi vutomi bya yena, swi ta va swi n'wi pfune yini ke? Kumbe munhu ú ta humesa yini ku xava vutomi bya yena xana?

Vaavanyisi 5:17

Va ka Gadi va titshamerile entsungeni wa nambu wa Yordani. Xana va ka Dani va tinamarhetela yini eka vatluti va tingalava, xana? Va ka Asere va lo mbàà, eribuweni ra lwandle, va tiakerile ehlalukweni ra vona.