Amosi 3:2 - BIBELE Mahungu Lamanene

² “Exikarhi ka tinxaka hinkwato ta misava, ndzi hlawurile n'wina ntsena ndzi mi hlayisa. Leswi a nga n'wina mi tlhelaka mi ndzi dyohela hi ndlela leyi, ndza boheka ku mi ba.”

Xitsonga (Bibele)

² ndzi ri: “Ndzi tivile n'wina ntsena exikarhi ka tinxaka hinkwato ta misava, hikwalaho ndzi ta mi ba hikwalaho ka ku homboloka ka n'wina hinkwako.

Amosi 3:2 Iomraidhean Croise

Genesa 10:32

Lava hi vona vatukulu va Nowa hi ku ya hi mindyangu ya vona ni matiko ya vona. Ematikweni lawa, ku humile vanhu lava hangalakeke emisaveni, endzhaku ka ndhambi ya mati.

Genesa 18:19

Ndzi n'wi hlawurile leswaku a letela vana va yena ni va ka vona hinkwavo lava nga ta velekiwa leswaku va famba etindleleni ta mina HOSI, va endla leswinene, swo lulama, kutani mina HOSI ndzi ta endlela Abrahama hinkwaswo leswi ndzi n'wi tshembiseke swona.”

Pisalema 147:19

HOSI Xikwembu xi tivisile va ka Yakobo erito ra xona, xi dyondzisa Vaisraele milawu ni swiboho swa xona.

Eksoda 32:34

Sweswi tlhela, u ya yisa Vaisraele lomu ndzi ku byeleke ku va yisa kona; ntsumi ya mina yi ta mi rhangela emahlweni, kambe siku mina ndzi nga ta va tela, ndzi ta va ba hikwalaho ka xidyoho lexi va nga na xona.”

Esaya 63:19

Sweswi swi endla wonge a wu si tshama u va mupfuni wa hina, ho fana ni vanhu lava nga riki va wena.”

Yeremiya 1:15

Mina HOSI ndzi le ku vitaneni ka vanhu va matiko hinkwawo ya le n'walungwini. Ndzi vula sweswo mina HOSI. Va ta ta, kutani hosi yin'wana ni yin'wana ya vona yi ta fuma etinyangweni ta muti wa Yerusalema. Va ta rhendzela muti lowu ni rirhangu ra wona, va fuma ni miti hinkwayo leyi nga tikweni ra Yuda.

Yeremiya 10:25

Chululela vukari bya wena ehenhla ka vanhu lava nga ku tiviki, va nga lava va nga ku khongeriki, hikuva va hlaserile va ka Yakobo, va phangha swilo swa vona hinkwaswo, tiko ra vona ri hundzuka mananga.

Yeremiya 11:22

Marito lawa HOSI ya matimba hinkwawo yi ma vuleke hi lawa: “Ndzi ta ba vanhu lava. Exikarhi ka vona, majaha ma ta dlawa enyimpini, ndlala yi sala yi dlaya vafana ni vanhwanyana.

Yeremiya 13:21

Xana u ta ku yini, siku leri vamatiko lava u va endleke vanghana va wena, va nga ta ku hundzukela va ku fuma, xana? U ta khomiwa hi switlhavi ku fana ni wansati loyi a nga kusuhi ni ku tintshunxa.

Yeremiya 14:10

HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Yeremiya 9:25

HOSI Xikwembu xi ri: “Yingisani, ku nga ri khale ndzi ta ba vanhu hinkwavo lava yimbisiweke enyameni, kambe etimbilwini va nga ri na mhaka na mina.

Ezekiele 5:9

Ndzi ta mi endla leswi ndzi nga si tshamaka ndzi swi endla eka vanhu van'wana, naswona a ndzi nga ha tlheli ndzi swi endla; ndzi ta mi ba hikwalaho ka manyala hinkwawo lawa mi ma endleke:

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.

Hosiya 2:13

Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”

Hosiya 5:3

Va ka Efrayimi ndza va tiva, ndzi nga ka ndzi nga kohliwi hi va tiko ra Israele; sweswi mi endleke vunghwavava n'wina va ka Efrayimi, tiko ra n'wina ra Israele ri nyamile.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Hosiya 9:9

Vanhu lava va tionhile hi voxe, ku fana ni leswi va swi endleke eGibeya: HOSI Xikwembu a xi nga yi rivali milandzu ya vona, xi ta va bela swidyoho swa vona.

Amosi 2:4

HOSI yi vurisa sweswo, yi ri: “Ndzi nga ka ndzi tshiki ku ba vanhu va le Yuda, hikuva va dyoha va vuyelela-vuyelela: Va tshikile nawu wa mina HOSI, ni swileriso swa mina a va swi hlayisanga; va hambukile va ya tirhela swikwembu swa hava, leswi vatata wa vona va swi tirheleke.

Amosi 3:3

Xana vanhu vambirhi va nga khomisana ndlela, loko va nga rhanganga va boha swin'we makungu ya riendzo rero xana?

Amosi 6:1

“Khombo ri ta mi wela, n'wina mi tiphinaka eSiyoni, na n'wina mi titwaka mi tshamisekile eswitsungeni swa Samariya, n'wina vachaviseki va tiko leri rhangelaka matiko hinkwawo, n'wina mi luviwaka hi vanhu va Israele,

Mikiya 2:3

Kutani HOSI Xikwembu xi ri: “Vonani n'wina vanhu ndzin'wina, ndzi ni makungu ya ku mi xanisa; exikarhi ka n'wina, ku hava loyi a nga ta pona; enkarhini wa kona, swilo swi ta tika ngopfu, kutani manyunyu ya n'wina ma ta hela.

Nahume 3:4

Leswi swi vanga hi vunghwavava lebyikulu bya Ninivha, wansati loyi wo koka mahlo, mungoma wa xiviri loyi a a phasa vamatiko hi vunghwavava bya yena, ni tinxaka ta vanhu hi vungoma bya yena.

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Varhoma 2:9

Maxangu ni nhlomulo swi ta wela vanhu hinkwavo lava endlaka leswo biha, ku sungula hi Vayuda, ku yisa eka vamatiko;

1 Vakorinto 8:3

Kambe loko munhu a rhandza Xikwembu, ú tiviwa hi xona.

Duteronoma 10:15

Kambe, HOSI Xikwembu xi tinyiketile, xi rhandza vatata wa n'wina, xi tlhela xi hlawula n'wina vana va vona exikarhi ka vanhu va matiko man'wana, hilaha mi swi vonaka hakona ni namuntlha.

Duteronoma 26:18

Na xona HOSI Xikwembu, namuntlha xi tiyisile leswaku mi vanhu va xona va xiviri, hilaha xi tshembiseke hakona, ni leswaku mi fanele ku hlayisa swileriso swa xona hinkwaswo;

Duteronoma 32:9

Kambe xona xi tihlawulele va ka Yakobo, ku va ndzhaka ya xona ya xiviri.

Duteronoma 4:32

“Kambisisani swinene leswi humeleleke eminkarhini ya khale loko n'wina mi nga si va kona, mi sukela kwale sikwini leriya Xikwembu xi tumbuluxeke munhu emisaveni ha rona, mi kambisisa hinkwako ku ya fika evugimamusi. Xana swilo swo tano swi tshama swi humelela, kumbe ú kona loyi a nga tshama a twa swo fana ni leswi xana?

Duteronoma 7:6

“N'wina, mi rixaka leri hlawuleriweke HOSI Xikwembu xa n'wina. Xi mi hlawurile exikarhi ka vanhu va matiko hinkwawo lama nga kona emisaveni, leswaku mi va vanhu va xona va xiviri.

1 Petro 4:17

Hikuva nkarhi wu fikile wa ku avanyisiwa loku nga ta sungula hi va yindlu ya Xikwembu. Kutani, loko ku sungula hi hina, xana makumu ya lava nga yingisiki Evhangeli ya Xikwembu ma ta va layo yini xana?