Amosi 1:1 - BIBELE Mahungu Lamanene

¹ Lawa i marito ya Amosi, un'wana wa vafuwi va tinyimpfu emutini wa Tekowa. Xikwembu xi n'wi tivisile wona hi xivono malembe mambirhi ku nga si va ni ku tsekatseka ka misava, leswaku a ya tshinya Israele; enkarhini lowu, tiko ra Yuda a ri fumiwa hi hosi Uziya, ra Israele a ri fumiwa hi hosi Yerobuwamu n'wana Yowasi.

Xitsonga (Bibele)

¹ Hi wona marito ya Amosi, un'wana wa varisi va le Tekowa, ti nga timhaka leti a ti voneke hikwalaho ka Israele emikarhini ya Uziya, hosi ya Yuda, ni le mikarhini ya Yerobuwamu, n'wana Yowasi, hosi ya Israele, loko ku ta hundza malembe mambirhi ku ta va ni ku tsekatseka ka misava.

Amosi 1:1 Iomraidhean Croise

2 SAMIELE 14:2

Kutani Yowabu a rhuma munhu emutini wa Tekowa ku ya n'wi lavela wansati wo tlhariha; loko wansati a fikile, Yowabu a ku ka yena: “We manana, endla onge u le ku rileni ka nkosi; u ambala swa xirilo, u nga ha toli ni mafurha, u endla onge i masiku u ri karhi u rila nkosi wa kona.

1 TIHOSI 19:19

Hiloko Eliya a suka lomu a a ri kona, a ya fika eka Elixa n'wana Xafati, a n'wi kuma a ri karhi a rimeriwa nsimu hi swipano swa 12, xa yena xipano xi ri xa vu-12. Loko Eliya a hundza kwalaho, a teka xiambalo xa yena xa vuprofeta, a kapeka Elixa ha xona.

2 TIHOSI 14:21

Vaaki hinkwavo va tiko ra Yuda va teka Azariya, jaha ra malembe ya 16, va n'wi veka ku va hosi, kutani a sala a fuma endzhaku ka tata wa yena Amasiya.

2 TIHOSI 14:23

Hi lembe ra vu-15 ra ku fuma ka Amasiya n'wana Yowasi hosi ya Yuda, Yerobuwamu n'wana Yowasi hosi ya Israele a sungula ku fuma eSamariya, kutani a fuma malembe ya 41.

2 TIKRONIKA 11:6

Miti ya kona hi leyi: Betlehema, na Etamu, na Tekowa,

2 TIKRONIKA 20:20

Kutani vanhu hinkwavo va hubuta va huma eYerusalema, va kongoma emananga ya Tekowa; loko va ri karhi va huma, Yoxafati a yima exikarhi ka vona a huwelela a ku: “Yingisani n'wina va ka Yuda na n'wina va le Yerusalema: Mi fanele ku pfumela eka HOSI Xikwembu xa n'wina, hi kona mi nga ta tiya; tshembani marito ya vaprofeta va xona, kutani mi ta hlula!”

Eksoda 3:1

Muxe a a risa swifuwo swa mukon'wana wa yena Yetro, muprista wa Midiyani. Siku rin'wana, a tsemakanya mananga ni ntlhambi wa yena, a ya fika eHorebe, entshaveni ya Xikwembu.

Esaya 1:1

Buku leyi i ya swivono leswi Esaya n'wana Amotsi a swi voneke eminkarhini ya Uziya, na Yotamu, na Akazi, na Hezekiya, tihosi ta Yuda. Swivono leswi swi kongoma tiko ra Yuda ni muti wa Yerusalema.

Yeremiya 1:1

Leyi i buku ya timhaka ta Yeremiya n'wana Hilkiya. Yeremiya a a ri un'wana wa vaprista lava tshamaka emutini wa Anatoto, etikweni ra Benjamini.

Yeremiya 28:8

Vaprofeta lava hanyeke khale mina na wena hi nga si va kona, va vulavurile ni vanhu va matiko layo tala ni va mimfumo leyikulu, va va tivisa leswaku ku ta va ni tinyimpi ni makhombo ni mintungu.

Yeremiya 6:1

N'wina va ka Benjamini, humani emutini wa Yerusalema, tsutsumani mi ya tumbela. Banani mhalamhala mi ri eTekowa, tshivelani ndzilo wa xitsundzuxo le Beta-Hakereme, hikuva valala va ta hi le n'walungwini, va tela ku ta onhetela hinkwaswo.

Yeremiya 7:27

“We Yeremiya, u ta va byela marito lawa hinkwawo, kambe a va nga yingisi; u ta va vitana, kambe a va nga hlamuli.

Hosiya 1:1

Lawa i marito lawa HOSI Xikwembu xi ma rhwexeke Hosiya n'wana Beri, eminkarhini ya Uziya, na Yotamu, na Akazi, na Hezekiya, tihosi ta Yuda, na Yerobuwamu n'wana Yowasi, hosi ya Israele.

Amosi 7:14

Amosi a hlamula Amasiya, a ku: “Mina a ndzi nga ri muprofeta kumbe mudyondzisiwa wa vaprofeta, kambe a ndzi ri mufuwi wa swifuwo, ndzi hanya hi ku hlayisa mirhi ya minkuwa.

Mikiya 1:1

Lawa i marito lama khumbaka muti wa Samariya ni wa Yerusalema. HOSI Xikwembu xi ma tivisile Mikiya wa le Morexeta hi xivono, eminkarhini ya Yotamu, na Akazi, na Hezekiya, tihosi ta tiko ra Yuda.

Zakariya 14:5

Mi ta baleka hi nkova lowu, lowu pfulekeke exikarhi ka tintshava, hikuva wu ta fika ni le Asala; mi ta chava mi tsutsuma, ku fana ni leswi mi tsutsumiseke xiswona siku misava yi nga tsekatseka, enkarhini lowu hosi Uziya a a fuma tiko ra Yuda. Kutani HOSI Xikwembu xa mina xi ta ta, swin'we ni swivumbiwa swa xona leswo hlawuleka.

Matewu 4:18

Loko a ri karhi a famba a lulama ni lwandle ra Galeliya, a vona vavanuna vambirhi, Simoni, la thyiweke Petro, na Andriya makwavo, va ri karhi va hoxa rikoka elwandle, hikuva a va ri vaphasi va tinhlampfi.

1 Vakorinto 1:27

kambe Xikwembu xi hlawurile leswi misava yi swi vonaka swi ri “swa vuhunguki”, ku khomisa tintlhari etingana. Xikwembu xi hlawurile leswi misava yi swi vonaka swi ri ni ku tsana, ku khomisa leswi nga ni matimba etingana.