Yuwele 3:2 - Xitsonga (Bibele)

² ndzi ta hlengeleta matiko hinkwawo, ndzi ma xikisela enkoveni wa Yoxafati, ndzi ta tengisana na vona hikwalaho ka Israele tiko ra mina, ni ndzhaka ya mina, loyi va n'wi hangalaseke exikarhi ka matiko va ko va avelana tiko ra mina.

BIBELE Mahungu Lamanene

² ndzi ta hlengeleta vanhu va matiko hinkwawo, ndzi va yisa eka Nkova wa Yoxafati; kwale, ndzi ta boxa nandzu wa vona, hi mhaka ya leswi va swi endleke eka Vaisraele, vanhu va mina ni ndzhaka ya mina, hikuva va va hangalasile ematikweni, va avelanile ni tiko ra mina.

Yuwele 3:2 Iomraidhean Croise

2 TIKRONIKA 20:26

Hi siku ra vumune va hlengeletana enkoveni wa Beraka (ku khensa), hikuva va khensile Yehovha kona; hikwalaho, va thyile ndhawu leyi, vito ra nkova wa Beraka, ku fika ninamuntlha.

Esaya 66:16

Hikuva Yehovha u yimisa ku lulama ka yena hi ndzilo, u laya nyama hinkwayo hi tlhari kutani lava Yehovha a nga ta va dlaya, va ta tala ngopfu.

Esaya 66:18

“Ndzi tiva mitirho ya vona, ni miehleketo ya vona. “Nkarhi wu fikile wa ku hlengeleta matiko hinkwawo ni tindzimi hinkwato; va ta ta, va ta vona ku kwetsima ka mina.

Yeremiya 12:14

Ku vula Yehovha ehenhla ka hinkwavo lavo biha lava xaxameleke na mina, lava phangeke rifuwo ra mina, leri ingi ndzi ri averile tiko ra mina ra Israele: “Vonani ndzi ta va susa etikweni ra vona ni yindlu ya Yuda, ndzi ta yi pambula hi le xikarhi ka yona, ndzi yi susa.

Yeremiya 25:31

Mpfumawulo wu ta fika emakun'wini ya misava, hikuva Yehovha u ni mitengo ni matiko, u tenga ni hinkwavo valavo yi nga nyama; u ta nyika lavo biha fumu, ku vula Yehovha.’

Yeremiya 49:1

Ku vula Yehovha: “Xana Israele a nga na vana, xana a nga na mudyandzhaka xana? Milikomo u dyela yini ndzhaka ya Gadi, ni tiko ra yena ri akise ku yini emitini ya yena?

Yeremiya 50:17

“Israele i nyimpfu leyi lahlekeke leyi hlongorisiweke hi tinghala; eku sunguleni, hosi ya Asiriya yi tshama yi n'wi dya; wa le ndzhaku, Nebukadnetsara, hosi ya Babilona, u n'wi tshovelele marhambu.

Ezekiele 25:8

“Hosi Yehovha u ri: Leswi Mowabu na Seyira va nga te: Vonani, yindlu ya Yuda yi fana ni matiko hinkwawo;

Ezekiele 34:6

Tinyimpfu ta mina ti yingayinga etintshaveni hinkwato, ni le henhla ka swintshabyana hinkwaswo leswo tlakuka; tinyimpfu ta mina ti hangalaka emisaveni hinkwayo, ku nga ri na loyi a ti lavisisaka, ku nga ri na loyi a ti lavaka.

Ezekiele 35:10

“Hikuva wena u te: ‘Matiko lamambirhi, ni matikwana lamambirhi ma ta va ya mina, kutani hi ta ma fuma,’ kasi Yehovha a a ri kona kwalaho.

Ezekiele 36:1

“Na wena, n'wana wa munhu, profetela tintshava ta Israele, u ku: Tintshava ta Israele, yingisani rito ra Yehovha!

Ezekiele 36:5

hikwalaho ka swona, ku vula Hosi Yehovha, a ku: Kunenenene endzilweni wa vukwele bya mina ndzi vulavula, ndzi wumeta lava seleke va matiko, na vona Vaedomu hinkwavo, lava tiaveleke tiko ra mina ku ri hlasela va heta, va ri ni timbilu leti tsakeke, ni ku tsan'wa emimoyeni ya vona.

Ezekiele 38:22

“Hilaha ndzi nga ta tenga na yena hi ntungu ni ngati, ndzi ta nisa mpfula leyikulu, ni maribye, ni ndzilo, ni xivavula ehenhla ka yena, ehenhla ka mitlawa ya yena, ni le henhla ka matiko lamanyingi lama nga ta va na yena.

Ezekiele 39:11

“Hi siku rero, ndzi ta nyika Gogo xivandla xo lahla vafi eIsraeleni, wu nga nkova wa vahundzi, tlhelo ra vuxa eka lwandle, sirha leri ri ta siva ndlela ya vahundzi; va ta lahla kona Gogo ni ntshungu wa yena hinkwawo, va ta thya vito ra kona Hamona-Gogo, (hileswaku ntshungu wa Gogo).

Yuwele 3:12

Vamatiko a va pfuke, a va te enkoveni wa Yoxafati; hikuva kona ndzi ta tshamisa ku avanyisa matiko hinkwawo ya le matlhelweni.

Yuwele 3:14

I mitshungu! I mitshungu! Enkoveni wa ku avanyisa, hikuva ri le kusuhi siku ra Yehovha leri nga ta va kona enkoveni wa ku avanyisa.

Amosi 1:11

Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Mikiya 4:12

Kambe a ma tivi mianakanyo ya Yehovha, a ma twisisi ku tsundzuka ka yena; hikuva u ma hlengeleta kukotisa tinyandza exivuyeni.

Sofoniya 3:8

“Hikwalaho, ndzi languteleni,” ku vula Yehovha, “esikwini lero ndzi nga ta yima ha rona ku phanga, hikuva ndzi kanerile ku hlengeleta matiko ni ku hlanganisa ku fuma, ndzi ta chela ehenhla ka wona vukari bya mina, ni ku pfurha hinkwako ka vukari bya mina; hikuva misava hinkwayo yi ta hisiwa hi ndzilo wa rilondzo ra mina.

Nhlavutelo 11:18

Matiko ma karihile; kambe ku kariha ka wena ku humelele, ni nkarhi wa ku avanyisa vafi, ni wa ku tlherisela hakelo ya malandza ya wena vaprofeta, ni vakwetsimi, ni lava chavaka vito ra wena, lavatsongo ni lavakulu, ni ku herisa lava herisaka misava.”

Nhlavutelo 16:14

Hi yona mimoya ya mademona leyi endlaka mahlori, leyi yaka eka tihosi ta misava hinkwayo ku ta ti hlengeletela ku lwa ka siku lerikulu ra Xikwembu xa matimba hinkwawo.

Nhlavutelo 16:16

Kutani yi ta hlengeleta exivandleni lexi vuriwaka Armagedoni hi Xiheveru.

Nhlavutelo 16:6

Hikuva leswi va nga halata ngati ya vakwetsimi ni ya vaprofeta, u va nyikile ngati ku nwa; va lulamele hi yona.”

Nhlavutelo 20:8

u ta huma ku ya hambukisa matiko lama nga ematlhelweni ya mune va misava, Gogo na Magogo, a va hlengeletela ku lwa; ku tala ka vona ku fana ni sava ra lwandle.