Yuda 1:9 - Xitsonga (Bibele)

⁹ Kasi loko a ri Mikaele, ntsumi leyikulu, loko a kanetana na Diyavulosi, va ri karhi va lwetana hi ntsumbu wa Muxe, u chavile ku n'wi avanyisa hi mirhukano, kambe a ku: “Hosi a yi ku tshinye!”

BIBELE Mahungu Lamanene

⁹ Kasi Mikaele ntsumi leyikulu, loko a lwetana na Diyavulosi va phikisana hi ntsumbu wa Muxe, ú chavile ku avanyisa Diyavulosi ni ku humesa marito ya ku n'wi sandza, kambe ú te: “Hosi a yi ku tshinye!”

Testamente Leyimpsha Xichangana

⁹ Kasi Mikayele ntsuminkulu, loko alwetana na Diyavulosi vaphikizana hi ntsumbu wa Moxe, achavile kuyavanyisa Diyavulosi ni kuhumesa marito ya kumusandza, kambe ate: “AHosi ayikutshinye!”

Yuda 1:9 Iomraidhean Croise

1 TIKRONIKA 12:17

Davhida a humela emahlweni ka vona, a vulavula na vona, a ku: “Kungakuloko mi ta eka mina hi ku rhula, ku ndzi pfuna, ndzi ta hlangana na n'wina hi mbilu; kambe loko ku ri ku ndzi xenga, mi va mi ndzi nyiketa eka valala va mina hambi ndzi nga endlelanga munhu hi matimba, Xikwembu xa vatata wa hina a xi swi vone, a xi avanyise!”

Eksoda 22:28

“U nga tshuki u sandza Xikwembu xa wena, nakambe u nga tshuki u rhukana hosi ya ka rikwenu.

Daniele 10:13

Kambe hosi ya ku fuma ka Vaperesi yi kanetile na mina hi masiku ya makume mambirhi na rin'we, kambe waswivo Mikaele, yin'wana ya tindhuna letikulu, yi tile ku ta ndzi pfuna; kutani mina ndzi sele ndzi ri swanga eka tihosi ta Vaperesi.

Daniele 10:21

Ntsena ndzi rhandza ku ku tivisa leswi tsariweke ebukwini ya ntiyiso; kutani a ku na la ndzi pfunaka ku lwa ni lavaya, loko a nga ri Mikaele, hosi ya n'wina.”

Daniele 12:1

“Enkarhini wolowo, Mikaele, ndhuna leyikulu, leyi yimelaka vana va tiko ra wena, u ta humelela, kutani masiku ya mapfalo ma ta va kona, layonghasi ma nga siki vaka kona mpfhuka matiko ma ri kona, ku fikela enkarhini wolowo. Ntsena emikarhini yoleyo, tiko ra wena ri ta ponisiwa, va nga hinkwavo lava tsariweke ebukwini.

Zakariya 3:2

Yehovha a ku eka Satana: “Yehovha a a ku tshinye, Satana! E, Yehovha la nga tihlawulela Yerusalema, a a ku tshinye! Loyi xana a hi xisa lexi vutliweke endzilweni?”

Marka 15:29

Lava hundzaka va n'wi rhuketela, va nikinika tinhloko ta vona, va ku: “Ha! Wena la hlanhlaka tempele, u ku u ta yi pfuxa hi masiku manharhu;

Duteronoma 34:6

Kutani Yehovha a n'wi lahla enkoveni, etikweni ra Mowabu, ku langutene na Beta-Peyori; kambe a ku na munhu la tivaka sirha ra yena ku fika namuntlha.

1 Vatesalonika 4:16

hikuva yona Hosi hi xiviri yi ta xika hi le tilweni, hi huwa leyi lerisiweke, hi rito ra ndhuna ya ntsumi, ni mhalamhala ya Xikwembu, kutani lava feleke ka Kriste va ta rhanga va pfuka;

1 Petro 3:9

Mi nga tlheriseli swo biha hi swo biha hambi ku ri ku rhukana hi ku rhukana, kambe mi katekisa, hikuva mi vitaneriwe swona, leswaku mi ta dya ndzhaka ya ku kateka.

2 Petro 2:11

kasi tintsumi, hambi ti va tlula hi matimba ni vukulu, a ti swi avanyisi hi ku avanyisa loku sandzaka emahlweni ka Hosi.

Nhlavutelo 12:7

Kutani ku lwa ku va kona etilweni; Mikaele ni tintsumi ta yena va lwa ni dragona; yona dragona, yi lwa yi ri ni tintsumi ta yona.