Yuda 1:12 - Xitsonga (Bibele)

¹² Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

BIBELE Mahungu Lamanene

¹² Vanhu lava i swivati eminkhubyeni ya n'wina ya ntwanano, loko va ri karhi va cina va nwa ngopfu va nga ri na tingana, va tiphina. I mapapa lawa ya nga hava mpfula, lama yisiwaka hala ni hala hi ku hunga ka mimoya; i mirhi ya vuxika yo pfumala mihandzu, yo fa kambirhi hi ku tsuvuriwa;

Testamente Leyimpsha Xichangana

¹² Vanhu lava i svivati minkhubzeni ya n'wina ya rirhandzu, loko vali karhi vacina vanwa ngopfu na vangali na tingana, vatiphina voxe. I marefu lawa mangahava mpfula, lawa mayisiwaka hala ni hala hi kuhunga ka mimoya; i minsinya ya vuxika yopfumala mihandzu, leyidlayiweke kambirhi hi kutsuvuliwa ni timintsu;

Yuda 1:12 Iomraidhean Croise

2 TIKRONIKA 7:20

ndzi ta mi tsuvula etikweni ra mina leri ndzi va nyikeke rona, ni yindlu leyi ndzi yi hlawuleleke vito ra mina, ndzi ta yi cukumeta ekule na mina, ndzi yi endla mitsheketo ni swihlekiso swa matiko hinkwawo.

Ntirho 8:17

Timitsu ta wona ti phaphama emaribyeni, Ti nghena ni le xikarhi ka maribye ya yindlu.

Pisalema 1:3

U fana ni murhi lowu simekiweke kusuhi ni milambu ya mati, Lowu tswalaka mihandzu ya wona hi nkarhi wa wona, Lowu matluka ya wona ma nga omiki: Hinkwaswo leswi a swi endlaka swi ta kateka.

Pisalema 37:2

Hikuva va ta tsemiwa sweswi kukotisa byanyi, Va ta vuna kukotisa rihlaza.

Swivuriso 25:14

La tidzunisaka hi ku hanana ka mavunwa, U kotisa papa ni mheho leyi hungaka, mpfula ku ri hava.

Ezekiele 17:9

“U ku: Hosi Yehovha u vula, a ku: Xana wu ta kula xana? Xana gama lero rhanga ri nga ka ri nga simuli timitsu ta wona-ke? Xana ri nga ka ri nga susi mihandzu leswaku wu oma? Matluka hinkwawo ma ta oma, kutani wu ta tsuvuriwa hi vanhu va nga ri vangani.

Ezekiele 34:10

Hosi Yehovha u ri: Vonani, mina ndzi le ka varisi; na swona ndzi ta vita tinyimpfu ta mina emavokweni ya vona, ndzi va tshikisa ku phamela tinyimpfu; varisi a va nga ha tiphameli va ri vona, hikuva ndzi ta ponisa ntlhambi wa mina enon'wini wa vona a swi nga ha vi swakudya swa vona.

Ezekiele 34:18

Xana i xilo lexitsanana eka n'wina loko mi dyela evuriselweni lebyo saseka loko mi ri karhi mi kandziyela vudyelo lebyi seleke hi milenge ya n'wina, ni loko mi nwa mati lama tengeke, loko mi ri karhi mi pfindlusa lama seleke hi milenge ya n'wina xana?

Ezekiele 34:2

“N'wana wa munhu, profeta eka varisi va Israele, profeta, u ku eka vona: Hosi Yehovha u ri eka varisi: Khombo eka varisi va Israele lava tiphamelaka; a ndzi ku varisi va fanele ku phamela mitlhambi xana?

Ezekiele 34:8

Ndza hanya, ku vula Hosi Yehovha; hakunene hikuva ntlhambi wa mina wu ve timbhari, kutani tinyimpfu ta mina ti hundzuke swakudya swa swivandza hinkwaswo swa tiko hi ku pfumala murisi kutani varisi va mina va nga lavi tinyimpfu ta mina; kambe varisi va tiphamela, va nga phameri tinyimpfu ta mina,

Hosiya 6:4

Ndzi ta ku endla yini, Efrayimi? Ndzi ta ku endla yini, Yuda? Hikuva rirhandzu ra n'wina ri tanihi hunguva ya vuxa, ni mberha leyi sukaka hi ku hatlisa.

Levhitika 14:43

“Kambe loko xivati xi engeta xi humelela endlwini, maribye ma susiwile, ni loko va khwayile yindlu, va engete va yi phama,

Matewu 13:6

Kutani dyambu loko ri tlhava, ti vuna, ti tshwa hi ku pfumala timitsu.

Matewu 15:13

Kambe a hlamula, a ku eka vona: “Ximudyana xin'wana ni xin'wana lexi nga simekiwiki hi Tatana wa le tilweni, xi ta tsuvuriwa.

Marka 4:6

Kambe dyambu loko ri tlhava, swimila swi vuna, kutani swi oma hi ku pfumala timitsu.

Luka 12:45

Kambe, kungakuloko nandza yeloyi a vulavula embilwini ya yena, a ku: ‘Hosi ya mina yi hlwela ku ta,’ kutani a sungula ku ba malandza ya vavanuna ni ya vavasati a dya, a nwa, a pyopyiwa;

Luka 16:19

“Mufuwi a a ri kona la ambaleke nguvu ya xivunguvungu ni ya ntsembyana lowo saseka, la tshameke eku tsakeni hi masiku hinkwawo.

Luka 21:34

“Kambe tivoneni leswaku timbilu ta n'wina ti nga tshuki ti tikeriwa hi madyo, ni ku pyopya, ni ku vilela hi swa vutomi lebyi, kutani siku lero ri mi khoma hi xipuku;

Luka 8:6

Tin'wana ti wela emaribyeni, kutani loko ti mila, ti vuna, hikuva ti pfumale ndzhongo.

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

Vafilipiya 3:19

Makumu ya vona i ku lova; valavo Xikwembu xa vona ri nga khwiri ra vona, va tidzunisa hi swa tingana ta vona, va anakanya swa misava ntsena.

1 Timotiya 5:6

Kambe la hanyaka hi ku titsakela hi swa misava, u file, hambi a ha hanya.

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

Yakobo 5:5

Mi tihanyele hi ku titsakela ni ku tlanga la emisaveni, mi korwisile timbilu ta n'wina kukotisa loko swa nge hi siku ra xitlhavelo.