Yoxuwa 8:1 - Xitsonga (Bibele)

¹ Yehovha a ku eka Yoxuwa: “U nga chavi, u nga heli mbilu! Famba ni hinkwavo lava hlomaka, u ya lwa na Ayi. Vona, ndzi nyiketile emavokweni ya wena hosi ya Ayi, ni vanhu va yona, ni muti wa yona, ni tiko ra yona.

BIBELE Mahungu Lamanene

¹ Kutani HOSI Xikwembu xi ku ka Yoxuwa: “U nga chavi nchumu, naswona u nga heli matimba; teka masocha hinkwawo u famba na wona mi tlhandlukela emutini wa Ayi. Vona, ndzi nyiketile hosi ya muti wa Ayi, ni vanhu va yona, ni muti wa yona ni tiko ra yona emavokweni ya wena.

Yoxuwa 8:1 Iomraidhean Croise

Pisalema 27:1

Yehovha i ku vonakala ka mina, ni ku hlayiseka ka mina: Ndzi nga tshukisiwa hi mani? Yehovha i khokholo ra vutomi bya mina: Ndzi nga rhurhumela emahlweni ka mani xana?

Pisalema 44:3

Hikuva a va tekangi tiko hi tlhari ra vona, A hi voko ra vona leri nga va ponisa; Kambe i voko ra wena ra xinene, i voko ra wena ni ku vonakala ka wena, Hikuva u va rhandzile.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Esaya 12:2

Vonani, Xikwembu i ku kutsula ka mina; ndzi ta va ni ku tshemba, a ndza ha chavi nchumu, hikuva Yehovha, Yehovha i matimba ya mina ni risimu ranga; hi yena la ndzi poniseke!

Esaya 43:2

Loko u pela mati, ndzi ta va na wena, ni milambu yi nga ka yi nga ku nwerisi. Loko u famba endzilweni u nga ka u nga tshwi, ni langavi ri nga ka ri nga ku hisi.

Yeremiya 46:27

“Kambe wena u nga chavi, nandza wanga, Yakobo, u nga tshuki wena Israele! Hikuva ndzi ta ku kutsula emisaveni ya le kule, ni vatukulu va wena etikweni ra ku bohiwa ka vona; kutani Yakobo u ta vuya a tshama, a tsaka, a nga chavisi hi munhu.

Yeremiya 49:3

Kololani Hexiboni! Hikuva Ayi wu onhiwile; huwelelani vana va Rhaba, mi ambala tinguvu to khwaxa; rilani, mi famba erirhangwini, hikuva Milikomo u ta yisiwa ekhotsweni swin'we ni vaprista ni tindhuna ta yena.

Daniele 2:21

Hi xona lexi hundzuluxaka mikarhi ni tinguva, lexi susaka tihosi, ni lexi ti tlakusaka, lexi nyikaka tintlhari vutlhari, ni mano eka lava nga ni ku twisisa.

Daniele 4:25

U ta hlongoriwa u suka exikarhi ka vanhu, u ta tiakela ni swiharhi swa nhova; u nyikiwa ku dya byanyi kukotisa tihomu, u tsakamisiwa hi mberha ya le tilweni, kutani mikarhi ya ntlhanu na mimbirhi yi ta hundza ehenhla ka wena, u ko u tivisisa leswaku La nge henhlahenhla u ni ku fuma ehenhla ka vuhosi bya vanhu, ni leswaku a nga byi nyika loyi a rhandzaka ku n'wi nyika byona.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Matewu 8:26

Kutani a ku eka vona: “Vanhu va ku pfumela lokutsongo, mi ni vutoya ha yini-ke?” Kutani a yima, a tshinya xihuhuri ni lwandle, ku rhula lokukulu ku va kona.

Duteronoma 1:21

Languta, Yehovha, Xikwembu xa wena, xi ku nyikile tiko: khandziya, u ya ri teka, hilaha Yehovha a ku byeleke hakona, xi ri Xikwembu xa vatata wa wena; u nga chavi, u nga rhurhumeli.’

Duteronoma 31:8

Yehovha u ta famba emahlweni ka wena, u ta va na wena; a nga ka a nga ku tshiki, a nga ka a nga ku siyi; u nga chavi, u nga heli mbilu.”

Duteronoma 7:18

U nga tshuki u va chava! Tsundzuka swinene leswi Yehovha, Xikwembu xa wena, a swi endleke Faro na Egipta hinkwaro,

Duteronoma 7:21

U nga tshuki u chava emahlweni ka vona, hikuva Yehovha, Xikwembu xa wena, u kona exikarhi ka wena, xi ri Xikwembu lexikulu, lexi chavisaka.

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Yoxuwa 10:7

Kavaloko Yoxuwa a suka eGiligala a ri ni vanhu hinkwavo lava hlomeke ni tinhenha hinkwato.

Yoxuwa 10:8

Kutani Yehovha a ku eka Yoxuwa: “U nga va chavi hikuva ndzi va nyiketile emavokweni ya wena, ku nga ka ku nga tiyi ni un'we emahlweni ka wena.”

Yoxuwa 2:24

Va ku eka Yoxuwa: “Kunene Yehovha u nyiketile tiko hinkwaro emavokweni ya hina, na vona vaaki hinkwavo va tiko va hele timbilu emahlweni ka hina.”

Yoxuwa 6:2

Yehovha a ku eka Yoxuwa: “Languta, ndzi nyiketile emavokweni ya wena, Yeriko ni hosi ya kona, ni tinhenha ta kona.

Yoxuwa 7:9

Vakanana, ni vaaki hinkwavo va tiko va ta swi twa, va ta hi rhendzela, va ta susa vito ra hina emisaveni; kutani u ta endla yini hi vito ra wena lerikulu xana?”