Yonasi 1:3 - Xitsonga (Bibele)

³ Kambe Yonasi a suka, a balekela eTarxixi, kule ni mombo wa Yehovha; kutani a ngirimela eYopa, a kuma kona byatso lebyi yaka eTarxixi, a humesa mali ya riendzo, kutani a nghena ebyatsweni leswaku a ta va eTarxixi kun'we ni vini va byona, kule ni mombo wa Yehovha.

BIBELE Mahungu Lamanene

³ Kambe Yonasi a suka a balekela eTarxixi, leswaku a va kule ni HOSI. Hiloko a rhelela a ya eYopa, a kuma kona ngalava leyi a yi ya eTarxixi. A humesa mali ya riendzo, a khandziya ku ya na vona eTarxixi, a balekisa sweswo kule ni HOSI Xikwembu.

Yonasi 1:3 Iomraidhean Croise

Genesa 3:8

Kutani va twa rito ra Yehovha Xikwembu loko a famba entangeni hi nkarhi wa madyambu; wanuna ni nsati wa yena va tumbela emirhini ya ntanga, va chava mombo wa Yehovha Xikwembu.

Genesa 4:16

Kutani Kayini a suka emahlweni ka Xikwembu, a ya tshama etikweni ra Nodo, evuxeni bya Edeni.

1 TIHOSI 19:3

Kuteloko a swi vona, a suka a famba hikwalaho ka vutomi bya yena. Kutani a ya fika eBerexeba wa Yuda, a siya kona nandza wa yena;

1 TIHOSI 19:9

Kutani a nghena ebakweni, a etlela kona. Kutani, maswivo, rito ra Yehovha ri ta eka yena, ri ku: “U endla yini kwala, wee Eliya?”

2 TIKRONIKA 2:15

Sweswi hosi yanga a yi rhumele malandza ya yona, koro ni barley ni mafurha, ni vhinyo, leswi yi swi vuleke.

2 TIKRONIKA 2:16

Loko hi ri hina, hi ta tsema mirhi ya Lebanoni leyo tala, hinkwayo leyi u nga ta yi pfumala; hi ta ku rhumela yona, yi tlutiwa hi lwandle ku fika eYopa, wena u ta yi tlhandlukisela eYerusalema.”

2 TIKRONIKA 9:21

Hikuva hosi a yi ri ni tingalava leti yaka eTarxixi ni malandza ya Hiramu; kan'we hi malembe manharhu, tingalava ta Tarxixi a ti fika, ti tisa nsuku, ni silivhere, ni timhondzo ta tindlopfu, ni tifenhe, ni tiphikoko (mapavawu).

Ezra 3:7

va humesela swivatli swa maribye ni swa timhandze mali; va nyika Vasidoni ni Vatiri swakudya ni swakunwa, ni mafurha, leswaku va tisa eYopa, hi le lwandle, mirhi ya kedari ya Lebanoni, hilaha va pfumeleriweke hakona hi Korexe, hosi ya Peresi.

Ntirho 1:12

Yehovha a ku eka Satana: “Vona, leswi a nga naswo hinkwaswo, ndzi swi veka emavokweni ya wena; ntsena, u nga yisi voko ra wena emirini wa yena.” Kutani Satana a suka emahlweni ka Yehovha.

Ntirho 2:7

Kutani Satana a suka emahlweni ka Yehovha.

Pisalema 107:23

Lava fambaka elwandle hi tingalava, Va bindzulaka ematini lamakulu,

Esaya 2:16

ni rirhangu leri tiyeke, ni tingalava hinkwato ta Tarxixi, ni hinkwaswo leswi tsakisaka mahlo.

Esaya 23:1

Vovolani n'wina, tingalava ta Tarxixi, hikuva u lovile! Tindlu, ku hava! A ka ha ngheni munhu kona! Mahungu lawa ma huma etikweni ra Kitimi.

Esaya 23:10

Fafamela etikweni ra wena hi ku tsaka, u kotisa nambu wa Nilo, wena, n'wana wa Tarxixi: a wa ha bohiwanga hi timpecana.

Esaya 23:6

Pelelani eTarxixi, vovolani, n'wina va xihlale.

Esaya 60:9

Hikuva swihlale swi ta langutela mina, kutani tingalava ta Tarxixi ti ta rhanga ti ta ku vuyisa vana va wena hi le kule swin'we ni silivhere ya vona, ni nsuku wa vona, hi vito ra Yehovha, Xikwembu xa wena, hikwalaho ka Mukwetsimi wa Israele, la ku dzunisaka.

Yeremiya 10:9

i ntirho wa mavoko ya muvatli ni wa munyukisi; swifunengelo swa swona i swa xivunguvungu ni swa rihlaza ni leswa ribungu; hinkwaswo swilo sweswo i ntirho wa lavo tlhariha.

Ezekiele 2:8

Wena, n'wana wa munhu, u yingisa leswi ndzi ku byelaka swona! U nga tiarisi kukota yindlu leyi ya vatiarisi. Ahlamisa nomu wa wena u dya leswi ndzi nga ta ku nyika swona.”

Ezekiele 27:12

“Tarxixi a bindzula na wena hi mitirho ya tinxakaxaka; hi silivhere, ni nhumbu, ni thini, ni ntsopfu, va swi veka eswitolweni swa wena.

Ezekiele 3:14

Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

Yonasi 1:10

Kavaloko vavanuna volavo va khomiwa hi ku chava lokukulu, kutani va ku eka yena: “U endlele yini sweswo?” Kasi vavanuna volavo a va tiva leswaku a a balekile emahlweni ka Yehovha, hikuva a a va byerile.

Yonasi 4:2

Kutani a khongela Yehovha, a ku: “Yehovha, xana a hi leswi ndzi swi vuleke loko ndza ha ri etikweni ra rikwerhu xana? Hilaha ndzi hatliseke ku balekela eTarxixi, hikuva a ndzi tiva leswaku u Xikwembu xa nsovo, xa tintswalo, lexi hlwelaka ku kariha, lexi nga ni musa ngopfu, lexi tshikaka ku ba.

Luka 9:62

Yesu a ku eka yena: “La vekaka voko ra yena exikon'wini, kutani a rhendzeleka a languta endzhaku, a nga lulameri ku fuma ka Xikwembu.”

Timhaka 15:38

Kambe Pawulo a anakanya leswaku a nga faneri ku teka loyi a nga va tshika ePamfiliya, a nga yanga na vona entirhweni wa vona.

Timhaka 26:19

“Sweswi, wena Hosi Agripa, a ndzi alangi xikombiso lexi xa le tilweni.

Timhaka 9:36

Emutini wa Yopa, a ku ri ni wansati wa mudyondzisiwa, loyi va nge i Tabita (hileswaku Dorkasi, loko ku hlamuseriwa), a tele mitirho ya tintswalo, ni ya ku hanana.

Timhaka 9:38

kutani, leswi Lida wu nga ekusuhi na Yopa, vadyondzisiwa loko va twa leswaku Petro u kona, va n'wi rhumela vavanuna vambirhi; va n'wi khongela leswaku a ta eka vona, a nga hlweri.

Timhaka 9:42

Mhaka leyi, yi tiviwa hi muti hinkwawo wa Yopa; kutani lavo tala va pfumela eka Hosi.

Timhaka 9:43

Petro a xwa eYopa masiku layo talanyana, a tshama eka munhu loyi va nge i Simoni, a nga mutlhuvutsi.

1 Vakorinto 9:16

Hikuva hambi ndzi vula Evhangeli, kwalaho a ndzi na lexi ndzi nga tidzunisaka ha xona, hikuva nawu wu kona lowu ndzi boheke; kutani ku ni khombo eka mina loko ndzi nga vuri Evhangeli!

2 Vatesalonika 1:9

Valavo va ta biwa hi ku onhaka loku nga heriki, hi ku humelela eka Hosi, ni matimba layo kwetsima ya yona;

Yoxuwa 19:46

na Me-Yarikona, na Rakoni, ni tikwanyana emahlweni ka Yopa.